السلام عليكم يا جماعه
انل باختصار عايزه اخس وزني ١١٢كيلو نفسي اكون ٦٠ كيلو روحت لدكاتره وفشلت ومع نفسي برضو فشلت
للعلم انا بحب الاكل أوي وبحب كل حاجه وبحب الكسل اوى
وعمالة الوم نفسي وعدى سنين وعندي ٣٢ سنه لا اتجوزت ولا خلفت وتخينه اعمل ايه
نفسي اخس لوحدي بدون دكتور نفسي على اخر السنه دي اكون ٧٥ كيلو ومش عارفه اعمل ايه
الريجيمات صعبه ومكلفة وصعب الالتزام بيها لان العيش قليل اوى فيها وانا بحب العيش جدا الصراحه بيشبعني خاصة شايفين الغلا كمان الجيم غالي ومفيش فلوس كمان الجو حر موت وفرهدة لو نزلت امشي بتخيل المنظر فنفسي تتسد من الحر لأني مش بستحمله دنا قاعده في البيت وحفطس غير موضوع الرياضة بالبيت صعب الشقة ضيقة ولو عملت حركه بتلاقي حاجه طارت في الجو
انا عايزه اخس واهتم بصحتي ونفسي اعمل ايه
طول ما انتى حاطة لنفسك المبررات دى كلها مش هتعرفى تبدأى اصلا لان القرار والارادة هما اهم حاجة .
تم النشر الاثنين، ١٠ يوليو ٢٠٢٣
هاتي بذور الشيا كل كام يوم بعشرة جنيه وخدي معلقتين ع كوباية مية كبيرة قبل كل وجبه وعليها عصرة ليمونه سيبيها ربع ساعه واشربيها ع مرة واحده كده وكلي بعدها والله ماهتقدري تاكلي.3مرات ف اليوم وقللي نشويات وكل كام يوم حاولي تقللي حتة عيش لحد ماتوصلي لربع رغيف ف الوجبه او خمس معالق رز او مكرونه.
تم النشر الثلاثاء، ٢٨ مايو ٢٠٢٤
جربي نظام اللقيمات بس قبلها اقرأي عن الدايت النفسي نظام اللقيمات مش بيمنع اي نوع من انواع الاكل ومش بيطلب اي حاجه تشتريها مخصوص للدايت وجميل ووزنك بينزل بصحه وبراحته خالص بس انصحك جدا انك تدعي كتير كتير كتير تقولي اللهم هذب شهيتي واصلح لي عيوب جسدي وكمان انصحك انك تكون عندك ارادة قويه عشان خاطر صحتك الوزن الزيادة بيؤثر على الرجلين وعلى الركب وعلى الظهر وانت لسه صغيرة ليه تفرطي في صحتك عشان شويه اكل ( ما ملأ ابن ادم وعاء شرا من بطنه)
تم النشر الأربعاء، ١٢ يوليو ٢٠٢٣
في برنامج مجاني وبيخليكي تعملي تمارين وبيقولك تفكري اي وتتغدي اي وكده اسمه lose weight in 30 days هيسالك وزنك كام وطولك وعاوزه تبقي كام وشكل جسمك يبقي ازاي
تم النشر الثلاثاء، ١١ يوليو ٢٠٢٣
ممكن تجربي تسألي دكتور للتخسيس او تجربي تعملي دايت مع دكتور تغذية يكون بسيط وحاولي تبقي فخورة وانتي بتعملي كدا وتتحدي نفسك
تم النشر الاثنين، ١٠ يوليو ٢٠٢٣
طيب انتي مش شايفة انك عامله سور وحيطة سد لنفسك ... طول ما انتي عامله ده كله لنفسك مش هتعرفي تطلعي خطوة لقدام. اعملي صيام متقطع + اعملي دايت لوكارب هو بيعتمد على تقليل النشويات اكتر حد شوفته فعلا ممتاز وبيتكلم عن التغذية هي د. وعد امين وديه القناة بتاعتها على اليوتيوب https://youtube.com/@DrWaadAminFitnessNutritionist هتساعدك كتير جدا. كمان عندها متابعة اونلاين على ابليكشن اسمه ويلنس وده الرابط بتاعه راجع "ويلنس: تغذية صحية ولياقة بدنية" https://play.google.com/store/apps/details?id=com.welnes
تم النشر الاثنين، ١٠ يوليو ٢٠٢٣
هناك ريجيم ينقص 8 كيلو جرام في 10 أيام. اليوم الأول: أي صنف من أصناف الألبان المنزوعة الدسم ( لبن زبادي - لبن حليب - لبن رايب -جبن قريش ) + خيار أو خس، ولكن صنف واحد فقط طوال اليوم، أي إذا بدأت جبن قريش+ خيار، تكملي اليوم كذلك وتقسمي على 3 أو 5 وجبات وبأي كمية تريدين. اليوم الثاني: فاكهة صنف واحد طوال اليوم على 3 أو 5 وجبات بأي كمية تريدين، ولكن احذري من 5 فواكه ممنوعة: (المانجو، والموز، والبلح، والتين، والعنب). اليوم الثالث : مثل الأول. اليوم الرابع: مثل الثاني. اليوم الخامس: أي صنف بروتين (سمك أو دجاج أو لحوم أو بيض ) + خيار أو خس طول اليوم ولكن صنف واحد فقط مثل: سمك مع خيار، على 3 وجبات وبأي كمية تريدين. اليوم السادس: خضروات مسلوقة في ماء فقط دون أي شوربة أو مكعبات، ويمكنك وضع التوابل والملح كما تريدين ووزعيها على 3 أو 5 وجبات، ما عدا (البطاطس، والبطاطا، والبسلة، والقلقاس، والبقوليات). اليوم السابع: فواكه مشكلة ما عدا الـ5 الممنوعة طوال اليوم على 3 أو 5 وجبات وبأي كمية. اليوم الثامن : مثل الأول. اليوم التاسع : سلطة خضراء طوال اليوم على3 أو 5 وجبات بأي كمية. اليوم العاشر: مثل الثاني. بعد انتهاء اليوم العاشر يكون راحة لمدة يوم واحد. تعليمات هامة: 1- يجب أن تتناولي طعاماً متوازناً وبمعدل 40% فقط مما تحتاجين إليه. 2- عمل تمارين رياضية يومية، ومن أهمها المشي ما لا يقل عن نصف ساعة في اليوم . 3- يجب على البدين أن يتعلم حساب السعرات الحرارية التي يحتاجها يومياً، وأن يتناول أقل من نصف حاجته منها، ويمكن للشخص مراجعة أخصائي أغذية لإرشاده في هذا الخصوص. 4- تسجيل ما تأكليه يومياً أو تشربيه مهما كان تافهاً لإجراء المقارنة ولحساب السعرات الحرارية. 5- ينصح بشرب عصير الجزر يومياً نظراً لقلة المواد الغذائية فيه. 6- ينصح بأكل اللفت نيئاً أو مطبوخاً حيث يقلل الوزن ويدر البول مما يساعد على تخفيف الوزن. 7- يعتبر الأرز والخبز الأبيض والمكرونة والتمر من المأكولات الغنية بالمواد الغذائية لذلك يفضل عدم أكلها نهائياً. 8- المشروبات الغازية والمكسرات تضيف سعرات حرارية فيجب تجنبها.
تم النشر الاثنين، ١٠ يوليو ٢٠٢٣
السلام عليكم ورحمة الله وبركاته أختي الكريمة، أنا فهمت مشكلتك جيداً. ومن وجهة نظري، هناك عدة جوانب للمشكلة يجب أن ننظر إليها: أولاً: مشكلة زيادة الوزن عندك صعبة لأنها متعلقة بأمور نفسية وعادات غذائية مكتسبة منذ الصغر. فلا بد من التغلب على هذه العقد النفسية وتغيير العادات الغذائية السيئة تدريجياً. وهذا يحتاج إلى تفكير إيجابي وإرادة قوية. ثانياً: لا يجب التركيز فقط على فقدان الوزن، ولكن على اتباع نمط حياة صحي بشكل عام. فالرياضة وتناول الطعام الصحي والنوم الكافي مهمة للصحة بشكل عام، لا فقط لفقدان الوزن. فحاولي البدء بتغييرات بسيطة ومستمرة. ثالثاً: لا تضعي أهدافاً غير واقعية كفقدان 42 كيلو في ستة أشهر. بل ابدئي بأهداف بسيطة مثل فقدان ما بين نصف كيلو إلى كيلو في الأسبوع. ومع الوقت ستتغير عاداتك وستستطيعي فقدان المزيد بصورة طبيعية. رابعاً: تذكري أن فقدان الوزن هو رحلة ماراثون وليس سباقاً. فلا تيأسي إن زللت في بعض الأيام وتناولت الطعام الغير صحي. بل استمري وعودي إلى عاداتك الصحية. أتمنى لك التوفيق في رحلة فقدان الوزن الصحي، واذكري أنه يمكنك إنجاز ذلك! فقط عليك تبني عقلية إيجابية والبدء بخطوات صغيرة وثابتة.
تم النشر الاثنين، ١٠ يوليو ٢٠٢٣
ممكن تروح لدكتور تخسيس او سمنة ونحافة ويوجد علاجات الان بدون عمليات جراحية
تم النشر الاثنين، ١٠ يوليو ٢٠٢٣
لعرض السؤال في فدني اضغط هنا