دلوقتي انا في ثانوي وكل أما اذاكر انسي ولما اجي احل ما اعرفش احل حاجه ونفسي اجيب مجموع ونفسيتي وحشه بسبب الموضوع ده
,ممكن تستعملى. طريقة الخرائط الذهنية يعنى.تعملى ملخص لعناصر الدرس والافكار الرئيسية فيه وكلمتين تلاته من كل تعريف عشان تفتكرى التعريف كله... وحاولى تختارى مكان المذاكرة كويس وياريت يكون بعيد عن السرير... ولازم تذاكرى كويس جدا قبل ما تحلى عشان متحسيش بإحباط لو محلتيش... بعد ما تتأكدى انك ذاكرتى الدرس كويس حلى عليه كتييييير عشان الحل هو اللى بيثبت المعلومة وياريت تكون اسئلة بطرق مختلفة يعنى شوية علل شوية اختر شوية صح وغلط وهكذا وبالتوفيق والتفوق
تم النشر الخميس، ٥ يناير ٢٠٢٣
شوف كده الاسئلة المرتبطة بنفس الموضوع دى فيها نفس الاجابات اللى محتاجها
تم النشر الأربعاء، ٤ يناير ٢٠٢٣
لما توصلي لي السنه الأولي بس من جامعه زايي هتقولي اي كل الخوف والتوتر ده ما كل الكليات حلو والحياه ابسط من كل التعقيدات دي الشاطر بجد الي يحقق ذاته وبس النسيان ده من الخوف والتوتر قللي خوفك المعلومه هتثبت ف دماغك ونامي كفايه واقراي المعلومه بصوت عالي تسمعي نفسك فيها
تم النشر الخميس، ٥ يناير ٢٠٢٣
وصدقيني الثانوي مش نهايه العالم والحياه متاحلك فيها الف فرصه
تم النشر الخميس، ٥ يناير ٢٠٢٣
حطي اهدافك قدامك كل ماتيجي تذاكري زاي اني بذاكر دلوقت عشان مجموع يفرحني ادخل الكليه الي نفسي فيها أفرح اهلي واشرفهم بيا لحظه النتيجه وهما طيرين بالفرحه وزغاريط اتخيلي كل ده وحسي بيها كانها حقيقة هتحسي انك عايزه تقومي تذاكري الهدف الأساسي تذاكري بحب وشغف وده الي تشتغلي ع نفسك فيه ذاكري وانتي عايزه ده مش بالاجبار ع نفسك وكل ما تخلصي مذاكرة أو فيه امتحان واجتهدي فيه كافيء نفسك وفرحيها بحاجه اشتريها اخرجي مع ناس بتحبيهم كدا
تم النشر الخميس، ٥ يناير ٢٠٢٣
ممكن تستخدم ف المذاكره كمان الاوراق الملونه والاقلام الملونه والخرايط الذهنيه لكل فصل دراسي يلخصه ويسهل عمليه استرجاع المعلومات
تم النشر الخميس، ٥ يناير ٢٠٢٣
حاول تكون طريقه المذاكره قايمه ع الحل الكتير والمءاكره بصوت عالي وتدوين الافكار والنقط الاساسيه وانك تستخدم طريقه الشرح لأي حد معاك عشان توصله المعلومه الي انت فاهمها وتتعلم تعبر كويس مش تحفظ بس
تم النشر الخميس، ٥ يناير ٢٠٢٣
إيه الطريقة اللي بتذاكري بيها؟
تم النشر الأربعاء، ٤ يناير ٢٠٢٣
لعرض السؤال في فدني اضغط هنا