كيف أعود للمذاكرة وأتوقف عن التشتت وتضييع الأيام القليلة المتبقية على الامتحانات؟

Question

أنا عندي مشكلة اللي هو انا قاعده بذاكر كده مش عارفه اصفي قدر كامل من المذاكره او قدر كافي، مش عارفه ابدأ منين شفت فيديوهات عشان ارجع شغفي وكده. اتاثر لحظيا بعد كده آجي امسك الكتاب مش عارفه ابدا منين متلخبطه، يعني مش عارفه اذاكر انجليزي رياضه دراسات علوم. في ثالثه اعدادي، وكمان قربنا على الامتحانات جدا. فانا يعني متضايقه قوي ان انا بضيع تعب بابا وماما كده على الفاضي. خصوصا ان انا قربت جدا من الامتحان لسه حوالي من 15 يوم بس. مع ان انا شاطره وطول السنه الحمد لله بذاكر ومش سايبه اي حاجه تتراكم عليا السنه دي من غير اي سنه مركزه جدا فيها وما رضيتش ان انا اخلي اي حاجه تتراكم عليا. حسبتها جدا جدا عارفه منين حاجه مضايقاني قوي والحمد لله مصليه كل حاجه مش عارفه لسه في حاجه. مش عارفه برده اعمل ايه ابدا انجليزي دراسات رياضه علوم اي شيء مش عارفه؟ وحاسه بخنقه من كده يعني انا مخنوقه من كده ان انا وقتي بيضيع من الفاضي يعني انا اللي هما ال10 ايام اللي لسه متبقين عندي مش عارفه اذاكرهم ليه، مش عارفه اصفي حوالي ساعتين بس في اليوم ليه بردك مش عارفه مش عارفه ابدا من اي مادة من اي جزئيه اعمل ايه اراجع ولا اذاكر ولا احل مش عارفه. انا هعيط والله يعني انا بزعل قوي على الأيام اللي بتضيع دي وفي الاخر هراجع اخر السنه مع اني من اول السنه بذاكر وفي الاخر على آخر اهم فتره وجايه ابوظها لا مش هينفع ابدا. انا حاسه التشتت جامد رهيب تشتت موت يعني متوتره ومتشتته وخايفه من الامتحانات وخصوصا ان هيجي اربع نماذج مختلفين يعني ما شاء الله على حظي الجميل جدا. وخايفه قوي من كل المواد. يعني لعله خير فعلا بس يعني انا بصراحه انا عايزه بس كلمتين تلاته اربعه بس يخلوني ارجع اذاكر تاني عشان اللي انا كده بعمله او اركز او مش عارفه ابدا منين يعني انا عايزه نصيحه بس كده ابدا منين اعمل ايه كده؟

Accepted Answer

بصي أنت والله متكاملة بس ناقصك حاجة واحدة بس ألا وهي قليل من برود الأعصاب يعني اتقلي لازم يكون عندك مرونة وده عنصر مهم والله وممكن يضيع كل حاجة أنت بنيتيها الامتحان جاي آه جاي فاضل كام يوم حبة حلوين طيب كنت بذاكر في الأول ومتابعة أول بأول أيوة طيب امتحان ايه اللي جاي كذا خلاص ابدأ بالمادة دي النهاردة الوحدة الأولى والثانية ولو مقدرتش الأولى بس وبعده كذا وكذا واللي خلص أحل عليه أنا ذكرت المادة خلاص وحليت تمام أنا الحمد لله عملت اللي عليا 🙂👏 والمادة التانية يوم كذا خلاص باسم الله على نفس النمط وهكذا وبرده الحمد لله، حبة نصائح💡 أولا ذاكرت ساعة أو ساعتين مادام خلصت تمام غيرك يخلص نفس الحاجة في ثمانية أو أكثر مش كلنا زي بعض. ثانيا بتصلي وقرآءة في المصحف خلاص انت كدا مش ناقصك أي حاجة ثالثا، دائما اختاري الأيسر والأسهل الأول في المذاكرة ،، ما خير رسول الله بين أمرين إلا اختار أيسرهما ما لم يكن إثما،، . فقط عندما تتوتري نفس عميق وزفير وقولي الحمد لله. أعانك الله ووفقك إلى ما فيه خير💚🤲

Answer

🖼️ صور مرفقة

Answer

عزيزتي، أفهم تمامًا مشاعرك وقلقك حيال المذاكرة والاستعداد للامتحانات. من الواضح أنك بذلت جهدًا كبيرًا طوال العام، وهذا شيء يستحق التقدير. شعور التشتت والمخاوف قبل الامتحانات هو أمر طبيعي يمر به الكثير من الطلاب. إليك بعض النقاط التي قد تساعدك في تنظيم وقتك وتحسين تركيزك: وضع خطة دراسية : حاولي تقسيم المواد التي تحتاجين لمراجعتها إلى أجزاء صغيرة. بدلاً من التفكير في كل المواد مرة واحدة، يمكنك البدء بموضوع واحد في كل مرة. تحديد الأوقات : اختاري أوقاتًا معينة للدراسة وحددي لها مدة زمنية. حبذا لو كانت هذه الأوقات في أوقات يكون لديك فيها تركيز أكثر. التقنية البسيطة : جربي تقنية "25 دقيقة دراسة + 5 دقائق استراحة". هذه الطريقة قد تساعدك على التركيز أكثر وتمنحك فرصًا للراحة. تحديد الأولويات : اختاري المواد التي تحتاجين إلى مراجعة أكبر، وابدئي بها، ثم انتقلي إلى المواد الأخرى. تحفيز الذات : ذكري نفسك بما حققتيه طوال العام وأهمية الجهود التي بذلتها. يمكنك كتابة قائمة بالنجاحات الصغيرة التي أنجزتها لتحفيز نفسك. التحدث مع شخص مقرب : قد يكون من المفيد أن تتحدثي مع أحد أفراد أسرتك أو أصدقائك عن مشاعرك، فهذا قد يساعد في تخفيف الضغط والقلق. الصلاة والدعاء : لا تنسي أن تلجئي إلى الله سبحانه وتعالى بالدعاء، فهو القادر على مساعدتك وتسهيل أمورك. تذكري أن هذه المرحلة ليست سهلة، ولكنها مؤقتة. ابدئي بخطوات بسيطة وستجدين الأمور تتحسن تدريجياً. أنا هنا دائمًا لدعمك. بالتوفيق!

كيف أعود للمذاكرة وأتوقف عن التشتت وتضييع الأيام القليلة المتبقية على الامتحانات؟

تعليمية

امتحانات

سؤال من احد أعضاء فدني

تم النشر الخميس، ٢ يناير ٢٠٢٥

3 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك