دلوقتي انا كان عندي مشكله كبيره ان انا اتخدعت من صاحبه عمري طلعت سرقتني وسرقت السلسله الذهب بتاعتي وهي غاليه عليا قوي وسبتها وخلاص نسيتها بس ما نسيتش ان انا عملت لها كل حاجه حلوه واحساس الخذلان اللي انا عايشاه صعب قوي واحساس ان انا دايما كنت بجيب لها هديه وهي مش بتجيب لي اي حاجه دايما بدي مش باخذ محسسني احساس وحش واني صرفت عليها كل اللي معايا وهي ولا مره عملت معايا اي موقف حلوه فحاسه اني انا مغفله وحاسه احساس جوايا مضايقني قوي بالذات احساس الخذلان سرقت سلسله دهب وسلسله غيرها برده غاليه وبتتباجع وبتقول ان هي ما سرقتش حاجه بس انا متاكده
السلام عليكم ورحمه الله وبركاته طبعا هي حاجه كبيره جدا واحساسها وحش جدا جدا انه يحصل لك موقف وحش وثقيل وفي سرقه او خيانه من حد كان قريب منك. بس خليني أنبهك حاجه مهمه جدا قلتيها في اخر السؤال انك يعني مقدرتيش تتأكدي لكن انت يعني من شكوكك كبيره فيها او ممكن يكون في تفاصيل كثيره جدا مخلياكي شايفه انه ما فيش غيرها مش عايزاك تشيلي ذنب او تبقي اذيتيها واذيت نفسك بانك حطيتي في دماغك حاجه وارد جدا تكون مش حقيقيه. الحاجه اللي مش حقيقيه دي هو انك مش متاكده ما عندكيش باينه اصلا على الموضوع بما ان مفيش بينة على الموضوع فاحنا هنا بنظلم نفسنا وبنظلمها بدون وجه حق. يكفي ان في شكوك والنهايه دي موجهه لها بشكل كبير يا ريت تكون هي ما دفعتش عن نفسها او محاولتش تعمل في ده عن نفسها بشكل كافي او يكون في مواقف ثانيه كثير مخلياكي تشكي فيها بالشكل ده. بما انه في كل ازمات الثقه دي احنا هيكفينا ان احنا نشوف ان ده موقف سيء عدى علينا واشخاص من الافضل ان احنا منخليهمش وموجودين في حياتنا عشان بيهددوا ثقتنا بنفسنا وباللي حوالينا.
تم النشر الأحد، ٢٣ فبراير ٢٠٢٥
في ناس كده مهما تعملي ليها زي ما بنقول مابيطمرش فيها ومهما تدي هتلاقيها فاكرة ان ده حقها انتي مبتعمليش حاجة وكرهالك الخير كده من غير سبب، حصلتلي واتسرقت في حاجة دهب بس من قريبتي مش صاحبتي ومعرفتش غير بعد ما مشيت من عندها، عايزة اقولك ان الدنيا فيها ناس كتير ندلة وماتستحقش زي ما فيها ناس حلوة بس لو فضلتي تدوري على الناس الحلوة هتتخدعي في الناس الوحشة متشغليش بالك بيها دي شخص مايستحقش تاخدي من وقتك تفكري فيها وقتك اغلى من كده "الكلام ده في حالة انك متاكدة 100% انها الي عملت كده لكن لو مش متاكدة يستحسن تظني فيها ظن كويس"
تم النشر الأحد، ٢٣ فبراير ٢٠٢٥
عزيزتي، إن مشاعر الندم والخذلان نتيجة خيانة صديقة وثقتِ بها يمكن أن تكون شديدة الألم، وخصوصًا عندما تعتقدين أنك قدمت لها الكثير ووجدتِ نفسها في النهاية خائبة الأمل. من المهم أن ندرك أن الخداع ليس ذنبك، بل هو تصرف غير ناضج من قبلها، ولا يجب أن تلومِ نفسك على ذلك. للتجاوز عن هذه المشاعر، يمكن أن تساعدك بعض الخطوات العملية: استيعاب المشاعر : من الضروري أن تعترفي بمشاعرك. لقد فقدتِ شيئًا قيمًا ليس فقط ماديًا، ولكن أيضًا شعور الثقة في شخص قريب إليك. اسمحي لنفسك بمشاعر الحزن، ولكن حاولي ألا تتركيها تسيطر عليك بالكامل. التعبير عن مشاعرك : قد يكون من المفيد أن تتحدثي إلى شخص تثقين به حول ما حدث. الحديث يمكن أن يساعد في تخفيف الأعباء العاطفية. التعلم من التجربة : بينما هو أمر مؤلم، حاولي أن تستخدمي هذه التجربة لتتعلمي دروسًا قيمة حول الثقة والعلاقات. فكري في كيفية تحديد العلاقة الصحيحة مع الأشخاص من حولك في المستقبل. الخروج عن الروتين : انشغلي بالنشاطات التي تحبينها أو اكتشفي أنشطة جديدة. هذا سيساعدك على تحويل طاقتك وتركيزك إلى أمور إيجابية. إعادة بناء الثقة بنفسك : ركزي على الهوية الذاتية الخاصة بك وما يجعلك تستحقين المعاملة الجيدة. عندما تزداد ثقتك بنفسك، سيصبح من الأسهل تجاوز التجارب المؤلمة. دعاء الاستغفار والتوجّه إلى الله : تذكري دائمًا أن الله مع الصابرين. استغفري وتوجهي له بالدعاء حتى يعينك على تجاوز هذه الأوقات الصعبة. تذكري، الشفاء يتطلب وقتًا، لذا كوني لطيفة مع نفسك في هذه الرحلة.
تم النشر الأحد، ٢٣ فبراير ٢٠٢٥
اولا انا معرفش انتي متأكدة اوي ليه انها سرقتك بس اياكي و الظلم عموما بقول ده ليكي و الله علشان متاخديش ذنب شخص قد يكون برئ و خاصة انها أنكرت هحط احتمال ١ ٪ انها ممكن تكون هي الصح و صادقة فعلا، ثانيا دي واحدة كانت صاحبتك لو قولتلك افتكري ليها اي حاجة كويسة مفيش خالص؟!! هي ممكن مكنش معاها تجيب هدية فرضا بس هل كانت فاكرة عيد ميلادك طب حتى لو كل سنة و انتي طيبة تليفون ولا واتس ، في اهتمام من اي نوع اي موقف كويس عملته معاكي ما مش شرط حاجة مادية، فكري مع نفسك طب كدا لاي حاجة حلوة ليها حتى لو معنوية او بتساعدك و واقفة معاكي في اي موقف صعب لو مفيش خالص يبقى اختياراتك كانت غلط و متلوميش نفسك بقي و اديكي اتعلمتي و حاولي بعد كدا اي علاقة صداقة عموما خلي الموضوع رايح جاي طرفين بيستفيدوا من بعض و بيتطورا نفس الاهتمامات او الفكر و غيره متديش كل حاجة لشخص مش مهتم و مبيديش حاجة و دي اول حاجه هتتقال لو عاتبتيه هيقولك انا مطلبتش منك حاجة انتي عملتي كل حاجة بمزاجك
تم النشر الأحد، ٢٣ فبراير ٢٠٢٥
هناخده درس و نتعلم منه بس أهم حاجة الموضوع ده ميوصلناش لدرجة انعدام الثقة في الناس بشكل عام او احاسيس كره هو موقف يضايق و حقك طبعا بس مش عايز الموضوع يتطور معاكي لان زي ما في الحلو في الوحش برضو و في صحاب كتير جدعان و بيقفوا مع صحابهم و يساندوهم ، ربنا يرزقك بيهم و يريح بالك
تم النشر الأحد، ٢٣ فبراير ٢٠٢٥
حرفيا ما عملتش اي موقف معايا حلو غير ان هي خاينه وكل ما بشوفها ولكنها عارفاني
تم النشر الأحد، ٢٣ فبراير ٢٠٢٥
دا صعب جدا كان نفسي اقولك تعملي اي بس انا بقالي خمس سنين لحد دلوقتي الموضوع لسه معايا زي ماهوا
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا