السلام عليكم ورحمه الله وبركاته
أنا بنت تميت ال16سنه من شهرين بالظبط من وقتها وأنا حياتي بقت مطلغبطه وعلاقاتي بقريبي واصدقائي مبقتش في أحسن حال حاسه إني ببعد عن الكل وديما زعلانه وبقيت بتعب كتيير زي أن دقات قلبي بتقل وتذيد علي طول وأحياناً يكون فيه نغزه مبقدرش اتنفس منها وفي الفتره الاخيره بقيت علي طول متوتره وخايفه من أي حاجه ولما باجي اتعامل مع أي حد حتي اكتر شخص قريب مني ببقي متوتره وحس أن جسمي بيترعش وخصوصاً أيدي وبعرق جامد وبعدت عن الدراسة الفتره دي وبحب أقعد في مكان معزول عن الدوشه في الضلمه بس متحركش ولا أعمل أي حاجه لوسمحت ممكن حد يقولي أعمل ايه من غير تريقه...
وعليكم السلام انتى احتفلتى بعيد ميلاك ده بشكل معين ؟ هل انتى معتبره السن ده انتهاء للطفوله ؟
تم النشر الثلاثاء، ٢ أبريل ٢٠٢٤
علي فكره انا من سنك وبعدي بحاجات زي كده بس لما تتقربي من ربنا اكتر حياتك هتتحسن
تم النشر الثلاثاء، ٢ أبريل ٢٠٢٤
طب انتى اتعرضى لحاجة خلتك كدة ?ممكن تكون هرمونات بس قاعدتك لوحدك دى غلط هايجيلك افكار سلبيه غير كدة حالتك هاتسوء مش هاتتحل صلى وقربى من ربنا وحولى تخرجى من العزلة دى اعملى اى انشطة انتى بتحبيها اتكلمى وقربى من الكل تانى
تم النشر الثلاثاء، ٢ أبريل ٢٠٢٤
السن ده عموماً بتحصل فيه تغييرات كتير لما تحصل الاعراض دي ابدأي نظمي انفاسك تاخدي نفس عميق براحه و تخرجيه براحه كذا مره و حاولي تعملي رياضه في يومك و يكون افضل لو نزلتي اشتركتي في جيم و ظبطي اكلك و فيتاميناتك خصوصا فيتامين د
تم النشر الخميس، ٤ أبريل ٢٠٢٤
لعرض السؤال في فدني اضغط هنا