السلام عليكم ورحمه الله وبركاته ازيك يا محمود بص جميل جدا ان انت واقف عند المشكله وبتحاول تحلها حتى لو الموضوع أخذ وقت مفيش مشكله لكن خليني اقول لك على نقطه مهمه جدا، المرض النفسي يعني طالما اتحط له عنوان باسم مرض ففي أمراض هي بتكون وراثيه وفي الاغلب دي اللي بيكون صعب التخلص منها لكن المرض النفسي اللي بيجي في مرحله من مراحل الحياه ده كل ما احنا قدرنا نقف عنده ونشوف كان إيه اسبابه ونحاول ان احنا نتعامل مع الاسباب دي احنا نقدر نتخلص منه لان انا شايفه ده واحد من تساؤلاتك هل أنا مش هتخلص من ده لا تقدر تتخلص منه فانت قلت انك بتاخذ علاج دوائي وعلاج سلوكي والاثنين ممكن يكونوا بيساعدوك حاليا او في خلال الثلاث سنين اللي فاتوا انك تسيطر على الاعراض او انك تعرف تتعامل مع الاعراض انك يكون عندك روتين يومي يساعدك تسيطر على الاعراض دي اكتر لكن محتاجين نركز في العلاج السلوكي على ان احنا نوصل لسبب المشكله ايه اللي خلاني بقيت شخص بيبحث عن المثاليه إيه اللي خلاني طول الوقت بقيت مركز ان كل حاجه تبقى مضبوطه قوي قوي ومش قادر اقبل اقل من كده ده ليه حصل في مرحله من حياتي كل ما تركز على ده في العلاج السلوكي شوية يعني مع المتخصص اللي انت بتتابع معايا يا ريت توضح له انك عايز تشتغل على النقطه دي اكثر وتشوف الاسباب وتدخل جواها في عمقها اكثر علشان تحل الموضوع من جذوره ان شاء الله يعني ده يحل معك الموضوع بشكل افضل باذن الله.
ممكن تدخل هنا على صفحة كوتش ياسمين زي ما قالت وتتواصل معها من خلال زر حجز استشارة، هيوصلك بها على طول https://www.fedni.net/profile/51598017
تم النشر الاثنين، ٢١ أبريل ٢٠٢٥
تم النشر الاثنين، ٢١ أبريل ٢٠٢٥
لو ينفع حضرتك تاخدي رقمي اكتبه
تم النشر الاثنين، ٢١ أبريل ٢٠٢٥
طيب ممكن ي دكتور نتواصل خاص
تم النشر الاثنين، ٢١ أبريل ٢٠٢٥
تم النشر الاثنين، ٢١ أبريل ٢٠٢٥
ولا بستفاد من المتخصص وبكلمه بحس اني مبفهمش منه حلجه ولا بيفدنى وجربت ناس كتير وصرفت فلوس كتير بس بقالي 3سنين وضيعلى مستقبلي الحمدلله
تم النشر الاثنين، ٢١ أبريل ٢٠٢٥
لعرض الإجابة في فدني اضغط هنا