حقيقي فعلاً محتارة مش لاقية حل، مافيش بيت مافيهوش مشاكل بس بيتنا تحديداً بيتلكك بمعنى : بابا دايماً بيتلكك علي اي غلطه لأمى عشان يتخانق معاها و تفضل تعيط و كل مره انا بتعب نفسيا وو بيقلب جسدياً و تعب شديد، و لما عرفوا قالوا مالكيش دعوة و كل مره بسكت عن المشكلة لكن مش عايزه اسكت عايزه اتكلم مع بابا خصوصاً انه بيفهمني ، هتكلم معاه كأني معرفش حاجه و ماما ماقلتش ليا اي حاجه و أحاول أفهمه و انبهه ان كده غلط و ماينفعش نتخانق علي اي حاجه و خلاص ، و صحيح انا مش صغيره انا كبيرة و عارفه سبب المشاكل اي و فهماها كويس أوى، لحد الان متردده أكلمه ولا لاء خصوصاً ماما قالتلي هزعل لو قولتي بس انا مابقيتش قادره خصوصاً انى قولتلها لو جرالك حاجه مش هسامحه لأنه هيكون السبب.
أتكلم معاه ولا أسكت؟!
الحديث طبعًا مهم طالما أن والدك يستمع إليكِ. ولكن هناك نقطة أخرى أظن أنك في حاجة للانتباه إليها، وهي أنكِ تتأثرين بسهولة وقوة بالمشكلات المحيطة بك. وهذا ضرره عظيم على المدى الطويل، فلو أننا مع كل مشكلة تواجه غيرنا تأثرنا لدرجة تأثرك هذه لن نستطع مواصلة الحياة والعمل والإنتاج بشكل فعال، لن نستطع الاستمتاع بالحياة، وبما نحققه من انجازات شخصية، لن نستطع فعل أي شيء. أظن أنكِ بحاجة للتركيز على هذه النقطة، تقليل تأثرك بالأحداث المحيطة. وبناء على تجربة شخصية أستطيع أن أقول لكِ إذا كانت أمك ترى أنه لا دخل لكِ في الأمر، وتقبلت هذه الإهانات أو الآلام دون انتظار مساعدة من أحدهم فلا تتدخلي، الحياة علمتني أن نترك كل شخص يتحمل نتيجة قراراته وأخطائه، وأن نكتفي بالنصح لا غير. والنصح لا يكون سوى مرة، لذا تحدثي مع أبيكي مرة، استجاب كان بها، لم يستجب، ابدأي في العمل على ذاتك وتقليل تأثرك بمشاكل غيرك
تم النشر الاثنين، ٨ مايو ٢٠٢٣
اتكلمي معاه، بس من غير ما هي ما تعرف وقولي برضه لوالدك مش عايزة ماما تعرف بكلامنا، حتى مثلا خدي بابا واطلعوا مثلا اتمشوا بره .. اشتروا حاجه .. الكلام ده .. واتكلمي معاه ولك بهدوء .. وطالما انتي قولتي انه بيفهمك .. يبقى معاكي مفاتيحه وازاي هتعرفي تتكلمي معاه ..
تم النشر الأحد، ٧ مايو ٢٠٢٣
طبعا اتكلمى طالما فى سبيل للكلام وفكرى معاه فى الحلول وحاولى انتى كمان توصلى الحلول لماماك بالهدوء وتبقي انتى اللى مثلا بتتفقى وقت الخلاف يعملوا ايه ....وماما لو اتخنقت اوى ممكن بدل ما تقعد تعيط تاخديها وتخرجوا ...وتهونى عليها وتفكريها بالحاجات الكويسه فى بابا .
تم النشر الاثنين، ٨ مايو ٢٠٢٣
اجابه يعني من صلب تجربتي انا انا واحد يعتبر برضو عندي نفس الموضوع ده واخر ما وصلت له هو اكيد والدك ووالدتك مثلا عمرهم كبير بس على العموم. حاولي تقفي. مع والدتك بحيث انها توفي معاها معنويا وما تخليهاش لوحدها وتحاولوا توصلوا انتم الاتنين لنوع من من اللامبالاه ازاي يعني اي مشكله تحصل عادي طول ما هي مشكله بسيطه ومش ما اذيتش حد خلاص ما تبصلهاش جه والدك مسك في المشكله ولا لازم يعمل منها مشكله خلاص اقفوا وخليه يعمل مشكله وخلوه يزعق وخلاص واقعدوا ساكتين مثلا ده طب بعد كده بقى مش هينفع الوضع ده يكمل كده تيجي لوالدك مع نفسه تقولي له حصل واحد اتنين تلاته وما ينفعش يحصل صح فبالتالي يعني نحاول نراعي بعضينا نحاول نعدي لبعض يعني احنا المفروض اسره نحب بعضينا وكده بس ده اللي اقدر اقوله لك حاولي هم الاتنين ناس كبيره الاتنين يبقوا يوصلوا اهم حاجه درجه اللامبالاه عشان ما فيش حد ياخد الموضوع على اعصابه وبالتالي يقلب معه تعب جسدي انا في مره نمت وانا زعلان قمت تاني يوم عينيا كانت وارمه فمنصحش اي حد ابدا انه ينام زعلان ابدا ابدا عشان ما حدش هيحس به هو اللي المفروض يحس بنفسه هو اللي المفروض يقدر نفسه عشان وحاولت تشغلي نفسك مثلا تقري كتب. عشان نفسه دي من مسئولياته هو. بس ده اللي اقدر اقوله لك اهم حاجه اهم حاجه اعصابك ثم اعصابك ثم اعصابك.
تم النشر الأحد، ٧ مايو ٢٠٢٣
انا و الله العظيم كنت بمر بمشكلتك بنفس تفاصيلها و الله و شلت جوايا كتير و شفت امى بتتعرض للإهانة و سكت لحد نا فى يوم انفجرت فيه جامد و كنت هطلع روحه لحد ما اخواتى اللى اكبر منى فهموا ان الموضوع مينفعش يتسكت عليه و لازم حل و الحل اللى انا اتخذته انى روحت قعدت فى شقة ايجار لوحدى و قولتلهم مش هنرجع نعيش فى نفس المكان لانى تعبت من كتر المشاكل و المشكلة مهما كانت لازم تأثر عليا من جميع الجوانب الملخص إنك تظهرى رد فعل قوى يخوف و يفهمهم إن الموضوع وصل لحيطة سد و مش ممكن يستمر يعنى لو مثلا انتى فى جامعة قوليلهم انك هتسيبى الجامعة و تنزلى تشتغلى و تبعدى عنهم و اقعدى بالفعل كام يوم متذاكريش عشان يعرفوا انك جد
تم النشر الأحد، ٧ مايو ٢٠٢٣
أكيد لازم تتكلمي لكن بحذر
تم النشر الأحد، ٧ مايو ٢٠٢٣
حولي تتكلمي معاه بس في توقيت مناسب ويكون باله رايق بس لازم مقدمات وتمهيد متخشيش في الموضع مباشر وربنا يصلح الحال
تم النشر الأحد، ٧ مايو ٢٠٢٣
لعرض السؤال في فدني اضغط هنا