انا خطيبي ف وسط الهزار بيعايرنى بوزني القليل مع ان وزني مش قليل اول لا مثالي جدا وشكلي حلو اوووى وكمان اعلى منه ف التعليم واه بزعل منه جدا وقررت اخد منه موقف لدرجه من كتر زعلي قولتله قبل الخطوبه شوفتني اكتر من مره ليه وافقت تخطب واحده وزنها قليل وانت بتحب الوزن الزايد وهو قلب الترابيزه عليا واشوف واحده تخينه والكلام دا المهم انا مشكلتي ان اي كلمه بتزعلني بتعلق معايا وافضل فكراها وازعل اوى جوايه حتى لو مش مبينه وبصراحه مش عارفه اعمل اي
ممكن يكون بيهزر فعلا، خصوصا انك قلتي انه بيقولها وقت الهزار. بس دورك هنا توضحيله خطوطك الحمرا والي منها انه ميتكلمش عن شكلك نهائيا. وانتو لسه ف الخطوبة لو محترمش خطوطك الحمرا وتعداها كتير ومش فارق معاه، يبقي مش ناوي يحترمك. والي اعرفه عن اساس اي علاقة هي الاحترام المتبادل، ودا الي بينجح اي علاقة زوجية
تم النشر الثلاثاء، ٢٧ فبراير ٢٠٢٤
اتكلمي معاه بصراحه ... قولي له انا مبحبش حد يقولي كده .. حتى لو بهزار. ولو انا مش ماليا عينك قول .. علشان كل شئ يبقى على نور من اولها. لكن موضوع ان كل شوية يقولك كده ده شئ مش لطيف .. لو انتي عندك استعداد انك تلبي طلبه وتبقى مقتنعة به شخصيا اعملي كده. لو انتي مش على استعداد ل ده .. طبعا متوافقيش. ولكن ياريت متتسرعيش في الزواج منه، اصبري شوية.
تم النشر الثلاثاء، ٢٧ فبراير ٢٠٢٤
واضح ان شخصيتكم مش مناسبة مع البعض، متسسرعيش في إتمام الزواج لغاية ما تعرفي موقفك
تم النشر الثلاثاء، ٢٧ فبراير ٢٠٢٤
خليكِ عارفة ومتأكدة إنك تستحقِ تتحبي زي ما أنتِ كدا ، وزنك مثالي مش عاجبه ؟ مع السلامة فيه غيره يتمناكِ ويتمني وجودك هو مش آخر حد ، وجودك مع حد يدعمك نفسياً و يقويكِ أهم من أي حاجه تاني ، فكري كويس في موضوع علاقاتكم ،
تم النشر الخميس، ٢٩ فبراير ٢٠٢٤
مش ععاوزه اكون بقسيكي عليه بجد بس دي من الممنوعات بين شريك الحياه ان انت ماتكونش متقبل حاجه فيه مادام اخترت انك تكمل معاه يبقي تقبل كل تفصيله فيه مهما كانت صغيره او وحشه من وجهة نظرك دينيا اصلا وشرعا ده ماينفعش ممكن تلفتي نظره انه المفروض يتقبلك زي ماانت متقبلاه ولو مااتغيرش انصحك بجد بلاش لان اللي بيعاير بحاجه صغيره هيتربص الغلطات بعد. كده ويعايرك بيها وانت تستاهلي تكوني مع حد يقدر التراب اللي انت ماشيه عليه❤💋
تم النشر الأربعاء، ٢٨ فبراير ٢٠٢٤
اهم حاجة تثبتي على موقفك وانك لازم تاكدي معاه ان الموضوع دة ميتكررش يا اما يشوف حد مناسب ليه
تم النشر الثلاثاء، ٢٧ فبراير ٢٠٢٤
انتي تعرفيه اكتر بس انا بجد حساه بيقلل منك عشان يحس انه احسن منك عشان هو عارف من جواه انك احسن منه ف سوري بس هو عنده نقص
تم النشر الثلاثاء، ٢٧ فبراير ٢٠٢٤
من راى ك بنت حتى لو كان جسمك قليل مفروض تحبوا بعض زى ما انتوا وبعدين واحده غيرك كان ممكن ثقتها فى نفسها تقل او مع الوقت فعلا تقل . فخدى موقف وعرفيه انك مش بتحبى الهزار ده وكلميه عن قد ايه جسمك عجبك ومثالى و لو فضل مستمر كده ده موشر مش احسن حاجه بصراحه
تم النشر الثلاثاء، ٢٧ فبراير ٢٠٢٤
ممكن يكون مش قاصدان يتنمر بس انتي تعالجي الموضوع ده ازاي. انك تردي الموقف فوقته وبكل هدوء. عشان توقفي اي حد يتنمر عليكي. ده لو كان قاصد فعلا. بس كده وبكده الموقف خلص واترد عليه ولو بالهزار. انتي اصلا بعدين هتحسي براحه لما تردي الكلام وتحسب انك انتي خدتي حقك وقتها. بكل ذوق. بس. وشكرا لح،🌹ضرتك
تم النشر الثلاثاء، ٢٧ فبراير ٢٠٢٤
لعرض السؤال في فدني اضغط هنا