تعرفو والله كل الناس باصة فحياتي يمكن عشان انا بنت وحلوة وساكنة فمنطقة راقية
وبشوف الحقد فعين الناس كلها وبسكت حتى بعض القرايب العقارب
كمان حتى بنت خالتي بالتبني خالتي كانت متبنياها وشايفة عشان انا مترمتش فدار ايتام زيها ان احسن منها فحاجة وكانت كل شوية تقعد تقولي انت عندك اب وام واخ يخافو عليكي وانا معنديش حد يخاف عليا دلوقتي ابويا توفى وامي مبقتش بتتحرك وفخلافات كل شوية مع اخويا من عينها بجد انسانة صعبة وعينها وحشة وفقرية فوق الحدود
وهي دلوقتي كانت متجوزة ومخلفة بنت وليها ابو بنت وجوزها الجديد هتخلف منه ولد وعملت عيلة كبيرة وانا عيلتي عمالة تقل بجد انا مقهورة وهي فرحانة ان عيلتها بتكبر وبتستفزني كل شوية ونفسي من كل قلبي حياتها تدمر زي ماحسدتني وحسدت حياتي وكل حاجة معاها تختفي ومتشوفش يوم حلو فحياتها
ايه يا حبيبه قلبي كل ده بس بصي اول حاجه لازم تكوني انت احسن منها وما تكرهيهاش ولا تغلي منها ولا اكنها سوري يعني بتنبح بصي يا حبيبه قلبي رقم واحد مش كل المسلمين بيصلوا يا حبيبه قلبي واكيد انت بتصلي باذن الله طيب كل يوم وانت بتصلي الفجر حاضر كده ارقي نفسك لو مش عارفه ترقي نفسك ازاي قولي لي اقول لك او اسالي شيخ يديكي معلومات كثير وهيقول لك ترقي نفسك ازاي بالظبط بمجرد ما ترقي نفسك كده انسي ان اي عين تيجي جنبك وغير كده لازم تحافظي على اذكار الصباح واذكار المساء والكلام ده كله هيقربك من ربنا وهيقوي ايمانك وهيشيل من قلبك اي حقد واي غل واي عين حواليك هتروح انت لازم حياتك تكون مثاليه وجميله من وجهه نظرك وتكوني انت مرتاحه فيها وده مش هتحققيه طول ما انت بعيده عن ربنا هي حقوده وغلاويه تمام احنا عارفين ده احنا بقى هنرد لها اللي هي بتعمله ده بايه بان احنا هنكون احسن واحسن منها 3000 مره وهي لحد اما تولع مكانها احنا ولا هيتهز مننا شعرايه حاولي كمان ترقي اخوك وتاخدي الامور بهدوء وتقولي له ان دي عين واحنا ما ينفعش نخسر بعض بسبب حاجه تافهه زي دي وتقولي له ان احنا ما ينفعش نخسر بعض عشان حاجه تافهه زي دي وان احنا اقوى من كل ده وواحده واحده استعيني بالله في كل امور حياتك صدقيني هتحسي بفرق كبير وربنا يوفقك يا حبيبه قلبي ويكون في عونك ويشيل من قلبك كل ذره كره لحد💫💫
تم النشر الخميس، ١٣ يوليو ٢٠٢٣
طيب اولا نا مقدرة اللي انتي مريتي بيه وبتمري بيه. لكن الطاقة اللي جواكي ديه محدش هيتأذي منها غيرك (يعني تخيلي كده لما يبقى جواكي طاقة غضب من حد بالشكل ده، هيكون اثرها النفسي عليكي ايه) حتى لو كان الشخص ده مش كويس! اه حتى لو كان الشخص ده مش كويس .. اللي جواكي ده مش هيضر حد غير نفسك وبس. فيه حلول كتير تقدري تعمليها غير انك تتمني لحد الاذي .. ده حرام اساسا. ممكن ترقي نفسك، تقرأي اذكار الصباح والمساء كل يوم .. ممكن كمان تعملي محاول في التقرب منها .. وتبرزي ليها المميزات اللي في حياتها، تخليها تقرب من ربنا .. وتنبيها مثلا من كذا حاجه تلميح من بعيد اننا نشكر ربنا على الحاجات الكويسة اللي في حياتنا وان ربنا مش بيعمل ل اي حد حاجه وحشة وفيه نعم كتير في حياتنا بس احنا مش شايفنها. ولو محاولة التقرب منها فشلت .. خلاص خليكي في حالك وابعدي عنها.
تم النشر الجمعة، ١٤ يوليو ٢٠٢٣
والله العظيم محلتيش الا انى شاطر جدا ومستني النتيجه وباذن الله هخش هندسة تخيلى ان سافرت من بلدي من الجيزه الى القاهرة وقاعد متغرب ولوحدي بعيد عن الاذى وحسبى الله ونعم الوكيل فى الى دمر حياتي هما الاقارب عقارب وكلوا حسدنى عشان شاطر وفى الاخر دلوقتى عايش بعلاج ولسه هروح اتحجز وهروح لدكاتره كتير نفسى ارتاح على العموم ربنا يشيل عنك وانتي مش لوحدك كلنا كده وانتي زى اختى ربنا يشيل عنك ولو عيزانى اوصلك بمختص يعالجك ماشى كويس جدا جدا
تم النشر الخميس، ١٣ يوليو ٢٠٢٣
السلام عليكم ورحمة الله، انا فاهم ان الوضع صعب عليكي وبنت خالتك بتسببلك ازعاج كبير. بس احنا مش مطالبين نتمنى الشر لحد حتى لو هما بيتمنوه لينا. ربنا قال "ادفع بالتي هي أحسن فإذا الذي بينك وبينه عداوة كأنه ولي حميم". يعني حاولي تكوني كويسة معاها بالرغم من كل حاجة. وركزي على نفسك ومستقبلك، وابتعدي عن الناس السلبية اللي بتشدك لتحت. ربنا موجود وبيحفظك من كل شر. عارفة ياحبيبتي انك بتمر بوقت صعب دلوقتي، وانك بتحسي ان الناس كلها بتحسدك. بس انا عايزة اقولك ان السعادة مش بتيجي من الحاجات المادية، ولا من عدد الناس اللي حواليكي. السعادة بتيجي من جواك، من حبك لنفسك، ورضاك عن اللي عندك. انا عارفة ان بنت خالتك بتحسدك، بس انت محتاجة تحاولي تبعد عنها، وتعتبري كلامها مجرد ثرثرة. انت محتاجة تركز على حياتك، وتعملي اللي بتحبيه، وتعيشي حياتك بشكل سعيد. انا عارفة ان عيلتك عمالة تقل، بس انا عايزة اقولك ان ده مش معناه ان حياتك هتتدمر. انت قوية، وهتقدر تخطي كل اللي بتمر بيه. انا عايزة اقولك ان السعادة موجودة في كل مكان، بس انت محتاجة تفتح عينيك وتلاقيها. السعادة في نظرة حب من عيلتك، في ضحكة طفل، في لحظة جميلة في الطبيعة. انا عايزة اقولك ان انت جميلة، وذكية، وقوية، وانك تستاهلي كل السعادة في العالم.
تم النشر الجمعة، ١٤ يوليو ٢٠٢٣
استعين بالرقيه الشرعيه مع اذكار الصباح والمساء
تم النشر الجمعة، ١٤ يوليو ٢٠٢٣
تجنبيها و لو هي اللي بتجيلك حسسيها ان انتي مش فارق معاكي ولا همك و عرفيها بطريقة غير مباشره ان ده رزق ربنا مقسمه وانك راضية ومبسوطة بكل عطايا ربنا وهي مع الوقت هتزهق وهتبطل تدايقك وممكن كمان تعقل وربنا يهديها
تم النشر الجمعة، ١٤ يوليو ٢٠٢٣
لعرض السؤال في فدني اضغط هنا