مشكله كبيره اتمني مساعدتي وافادتي بخصوصها
انا في مشاكل كتير وكلها حصلت مع بعض ومطالب مني مبالغ ماليه كبيره انا بالفعل شغال بس الشغل مش هيغطي كل دا بس انا مرتاح فيه وفي حياتي اللي انا فيها حاليا لاني كنت مدمن وحاليا متعافي اللهم لك الحمد
مره واحده حياتي انقبلت للأحسن من مدمن وحورات ومشاكل لشغل وحياه مختلفه وناس جديدة ودا مفرحني جدا ومخليني مكمل في دا عشان حسبتها مع نفسي وحسيت ان ربنا مديني فرصه عشان عايزني معاه وفي عبادته دايما
لاني الاول كنت بعيد عن العبادات بكل أشكالها ومغيب واوقات كتير كنت بوصل لمرحله اني خلاص ميت ومواقف كتير عدت ولما بفتكر بقول ازاي دا حصل انا المفروض كنت ميت دلوقتي وبسبب كل دا مشيت وراء الاشارات بتاعت ربنا وحاليا بصلي وملتزم في كل حاجه
بس من الضغط الموجود دماغي بتسوحني انا سهل اعمل فلوس بس مش عايز اعمل كدا بالطريقه اللي دماغي مسوحاني ليها انا تبت قدام ربنا واخدت عهد اني معملش دا تاني وبجد مش عارف اعمل ايه حاليا لاني لو مدفعتش هتحبس وهيحصل مشاكل كتير وانا كبير عيلتي ووالدتي شافت كتير مني فبحاول اعوضها عن كل اللي حصل مني زمان هي واخواتي
انا كنت مدمن هيروين مع مواد مخدرة اخري بس المادة الاساسيه عموما هيروين واقدر اجيب فلوس بإني اشتغل فيها واعمل مصالح بس كل دا هيغضب ربنا ويبعدني عن كل الحلو اللي انا فيه ويبعدني عن عيلتي اللي ما صدقت انهم سامحوني على اللي عملتو
وفي نفس الوقت لو مسددتش اللي عليا دا هيدخلهم في ضغط كبير ووالدتي هتتعب انا بجد مشتت جدا ومش عارف اعمل ايه
بعد إذن الجميع محدش يتريق ويقول كلام محبط ثانيا لو في اي شغل اقدر اعملو اونلاين بجانب شغلي ياريت اللي يعرف دا يفدني ويساعدني طالما بالحلال واسف لو طولت في كلامي اتمنالكم جميعا حياه سعيده وكل سنه وانتو طيبين
السلام عليكم ورحمه الله وبركاته كنت في ابتلاء وجهدت نفسك وخرجت منه واتغلبت عليه وحاليا انت بتختبر على صدقك في جهازك للابتلاء ده وخروج منه انت بتختبر دلوقتي على الصعود فاكيد اكيد اكيد وهاقول لك كده يعني بوضوح تام انت تقول لنفسك كده انا هثبت على الطريق السليم حتى لو هتحبس حتى لو هتحبس ده معناه ان حياتي هتبوظ خالص اعرف كده انه اي خساره في الدنيا هي ليست بخساره حقيقيه الا خساره النفس يعني اي حاجه تخسرها في الدنيا كده فلوس عائله ولاد اهل كل الكلام ده لا يساوي انك تخسر نفسك لانه خسارتك لنفسك مفيش ليها تعويض خسارتك لنفسك. اللي انت هتوقف بيها قدام ربنا تتحاسب اللي كل بني ادم حيوقف يوم القيامه يقول نفسي ما عندكش مشكله تدفع ثمن اللي فات عشان خاطر تفضل على الطريق السليم تفضل على ثباتك مع نفسك على اللي انت اخترته اللي هو الطريق الصح وهتقول دائما لا للغلط اللي بينجح وبيوصل للقمه على فكره مش اص الثبات على القمه هو الاصعب الناس اللي بتنجح نجاح كبير جدا بتبقى اكبر مشكله انهم بيعرفوا اكثر عشان يفضلوا محافظينها على نفس المركز اللي وصلوا له حافظ على المركز اللي انت وصلت له اخلص.عب حاجه ان هو يوصل للقمه.نفسي هي دي الوحيده اللي انت تمسك وتثبت فيها. مهما الدنيا اتشقلبت وراحت وجدت وخسرت او الدنيا دقت عليك طالما لسه الحمد لله محافظ على نفسك ومحافظ على ثباتك على الصح مهما كانت الظروف اللي حواليك قد ايه قاسيه احمد ربنا. ه ما بينك وما بين ربنا وقول يا رب انا مش هدخل في الحرام وافتكر ان ربنا عز وجل قال في كتابه العزيز ومن يتق الله يجعل له مخرجا يعني ايه كل اما هتبقى بتقول انا هتقي ربنا انا مش هعمل حاجه غير اني اتقي ربنا يعني امشي على اللي ربنا قالوا مهما حصل ومهما كان قدامي من مساوئ.هه ما تزعلش وما تضايقش ما تقولش انه انا كده هخسر الطريق السليم ابدا انت كده مازلت على الطريق السليم اقول لك لو اتسجنت بسبب الفلوس اللي عليك اعتبر نفسك انك ربنا يجعل لك مخرج انت ما تعرفش منين ربنا هيبعت لك تفريج للكرب بتاعك وانت متعرفش نهائيا لكن منين ربنا يوفقك ويقويك وييسر لك باذن الله طريق ومخرج من اللي انت فيه بحوله وبقوته مش بحولك وقوتك لا حول ولا قوه الا بالله كتير جدا واسعه في كل الطرق اللي حواليك تخليك تحاول انك تسدد اللي عليك ده ان شاء الله ان شاء الله ربنا ييسرها لك.
تم النشر السبت، ١٥ فبراير ٢٠٢٥
أهلاً بك، وأشكرك على مشاركتك لمشاعرك وتجاربك. ما مررت به هو تحدٍ كبير، وأنت حقًا في وضع يتطلب الكثير من الصبر والإيمان. من الواضح أنك قد حققت تقدمًا كبيرًا في حياتك، وهذا أمر يستحق الإشادة. أولاً، أود أن أوجه تحية لك على التزامك بالتعافي والرجوع إلى العبادة. هذا يدل على قوة إرادتك ورغبتك في تغيير حياتك للأفضل. في ضوء الموقف المالي الذي تواجهه، من الجيد أن تعرف أنك لست وحدك، وهناك حلول عدة يمكنك التفكير فيها: البحث عن مصادر دخل إضافية : يمكنك محاولة البحث عن وظائف عبر الإنترنت، مثل الكتابة، التصميم الجرافيكي، أو التدريس عن بُعد. هناك العديد من المنصات التي تعلن عن وظائف حرة تقدم لك خيارات متعددة. تخطيط ميزانيتك : حاول وضع خطة ميزانية لتحديد أولويات نفقاتك. قد يساعدك ذلك في تقليل الأعباء المالية بشكل عام. التواصل مع العائلة : بما أنك تعتبر كبير العائلة، من المهم أن تتحدث مع والدتك وإخوتك حول وضعك الحالي وتبحثوا سويًا عن حلول. الدعم الأسري مهم جدًا، وقد تجد أن العائلة مستعدة للمساعدة بطريقة ما. استشارة متخصص : إذا كان الضغط النفسي يؤثر على تفكيرك، يمكنك التفكير في طلب دعم من متخصص نفسي. قد يساعدك ذلك في إدارة مشاعرك وتفكيرك حول الضغوط. التفكير في أولوياتك : حدد ما هو الأهم بالنسبة لك في هذه المرحلة. إذا كان التقدم في مسيرتك الحياتية والالتزام بدينك هو الأولوية، فحاول التركيز على ذلك بدلاً من الانغماس في القلق حول الأمور المالية. تذكر أن التغيير لم يتم في يوم وليلة، ولكن بالإرادة والعمل المستمر ستستطيع إيجاد الحلول. وفقك الله فيما تسعى إليه، وأدعو الله أن ييسر لك الأمور.
تم النشر الجمعة، ١٤ فبراير ٢٠٢٥
السلام عليكم، اولا احمد ربنا انه هداك للطريق الصحيح، ثانيا، شغلك ده شغل حلال حتي لو كان بمرتب قليل بس الحمدلله عايشين بيه لانه حلال وربنا مباركلك فيه (اللقمه الحلال توجع الضهر واللقمه الحرام توجع البطن) ومتفكرش انك تعمل فلوس بطريقة وحشه (ذي ما دماغي مسوحاني) الافكار دي سببها الشيطان لانه زعلان ومتغاظ انك رجعت لربنا وماشي في الطريق الحلال، بيقلك مثلا شوف دايما بيعمل فلوس بالطريقة دي (طريقة سيئة) وعايش ومبسوط ومعلهش ديون ومحصلتلوش حاجه لكن انت يدوبك مرتبك يكمل بالعافيه لاخر الشهر وعليك ديون.......،ويقعد يوسوسلك انك تعمل فلوس بالطريقة اللي بتقول عليها، اسمع كدا (دخل رسول الله ﷺ على عائشة ليس معه طعام وليس في البيت طعام، فقالت له نصبر علي جوع الدنيا ولا نصبر علي نار جهنم وعذاب الاخره) فخليك متأكد ان لك رب هيتولاك ويرزقك من ابواب رزقه، لأنك ماشي في الطريق الحلال، وكل ما الافكار دي تيجي في دماغك استفغر الله (الا بذكر الله تطمئن القلوب) وربنا يفك كربتك، عليك بالدعاء مش بالتفكير في تجيب فلوس منين، وقل ربي اجرني في مصيبتي خيرا منها، وتذكر ان ده ابتلاء من الله يشوف قوة ايمانك، وخليك فاكر ان الجنيه الحرام عمره ما هيقضي مصلحة او يحل مشكلة، الفلوس الحرام من الشيطان لكن الحلال من الله، عليك بالصدقه، حتي لو محتاج فلوس، تصدق بس تصدق باللي تقدر عليه حتي لو جنيه، وتأكد ان ربنا هيرزقك اضعافه، انت في نعمه كبيره جدا، لان ربنا هداك، متضيعش النعمه دي وتتبع الشيطان، والله يرزقك من اوسع ابواب رزقه، اسمعني انت ممكن اكون صغيره علي اني اقول كدا لان عمري 14 سنه، بس بجد متضيعش النعمه دي من ايدك، والسلام عليكم ورحمة الله وبركاته
تم النشر السبت، ١٥ فبراير ٢٠٢٥
ربنا يعينك ويثبتك قبل أي شيء اعتبر الوضع الحالي اختبار لعزيمتك وصدق توبتك ومترجعش لشيء يغضب الله وثق تمام الثقة إن من يتق الله يجعل له مخرجا ويرزقه من حيث لا يحتسب.. إسعى ع قد ما تقدر وثق إن ربنا هيحلها من عنده ربنا يفرجها وييسر لك الخير
تم النشر السبت، ١٥ فبراير ٢٠٢٥
أولًا، ألف مبروك على كل التغيرات الإيجابية اللي في حياتك. اللي انت عملته من تغييرات في حياتك والتزامك مع ربنا خطوة كبيرة جدًا وتستحق كل التقدير والإحترام. ربنا معاك ودايمًا فيه فرص قدامك. مفهوم إنك تواجه صراع داخلي بين الاحتياجات المالية والرغبة في الابتعاد عن الطرق اللي ممكن تضر بحياتك. لكن لازم تذكر دائمًا إن الطريق اللي تلتزم فيه بحلالك هو اللي هيبقى فيه الخير في النهاية، حتى لو واجهت تحديات في الوقت الحالي. فيما يخص المبالغ المالية، أفضل خطوة هي أنك تبدأ بحساب أولوياتك وتضع خطة واضحة لسداد الديون بالتدريج، علشان ما تتعرض لضغط غير صحي. لو الشغل الحالي مش هيغطي التكاليف، ممكن تبحث عن شغل إضافي أونلاين زي الكتابة، الترجمة، التصميم، أو أي مجال يناسب مهاراتك وقدراتك. فيه منصات كثيرة تتيح لك فرص عمل عن بعد، زي Upwork وFreelancer وLinkedIn أو اي منصات عربيه زي مستقب او خمسات او تقدم خدمات على لينكدان ، فيها فرص لكتير من الخدمات المختلفة، وبإمكانك تبدأ بخدمة بسيطة حتى تكسب ثقة العملاء وتبني سمعة قوية. الحياة ممكن تكون صعبة، بس بخطوات ثابتة وتركيز على الهدف، هتقدر تتغلب على أي تحدي قدامك إن شاء الله. كمان، من الممكن تبدأ تدور على مجالات أو أفكار مشاريع صغيرة على الإنترنت تقدر تبنيها، زي إنشاء محتوى على السوشيال ميديا، التدريب الإلكتروني، أو حتى العمل في مجال التسويق الإلكتروني. أهم حاجة هي تواصل مع الأشخاص الموثوقين في حياتك اللي بيساعدوك ويدعموك، وبلاش تتخذ أي قرار تحت ضغط أو خوف. ربنا معاك وعايزك تكمل في الطريق اللي هيكون فيه خير لك ولأسرتك.
تم النشر الأربعاء، ١٩ فبراير ٢٠٢٥
اهدأ وثق في الله وادعي وخذ بالأسباب .. سلم الأمر لله وإن حبست لأن عدم التسليم والقلق يؤدي إلى هدر الطاقة ويؤدي إلى نتائج عكسية
تم النشر السبت، ١٥ فبراير ٢٠٢٥
ابدأ اتعلم من اللي فاتك و خطط لحياتك و شوف اي الصح و اعمله انت اكتر حد عارف اي المطلوب و اهم حاجه تصلي و تدعي ربنا،،، لان بجد ربنا مابيخذلش عبد دعاه بصدق نيه و تصدق بمبلغ مالي بسيط لان في مشاكل يااامه اتحلت بالصدقات
تم النشر السبت، ١٥ فبراير ٢٠٢٥
ابدأ خطط لحياتك و شوف اي االي تقدر تعمله
تم النشر السبت، ١٥ فبراير ٢٠٢٥
لعرض السؤال في فدني اضغط هنا