نفسيتي قفلت من العمل بعد ثلاث سنوات ونصف تأسيس وتعليم للزملاء فتره كبيره من المشاكل المتراكمه ادت الي ان نفسيتي اتدمرت مع العلم ان العمل في بلد غير بلدي وبالتالي معاناة سفر اسبوعيه وتم تدمير حياتي الاجتماعيه مع الأهل والأصحاب مقابل المال الغير عادل ايضا ولكنه مقبول في الوقت الحالي وقد بلغت المديرين بترك العمل وتم الرفض القاطع من المديرين والزملاء وحتي الأن لم يعتدوا بالاستقاله او التبليغ الشفهي والمكتوب.. ومن المفترض ارد الأحد وانا في حيره من امري علي من يرد يرد بعقلانيه رجاءاً فاني مدمر نفسياً ومشتت تمام الشتات
لو انت لقيت فرصه عمل تانيه افضل يبقا صر ع الاستقاله لكن لو ملقتش لسه يبقا متحسسهمش بضعف او احتياج للعمل معاهم بس حسسهم ان الراتب مش مجزي معايا الفتره دي والضغوطات النفسيه كتير ف ع اللقل لو محصلتش ع الاستقاله ووظيفه تانيه تكون حصلت ع زياده ماديه وتخفيف من الضغوط النفسيه
تم النشر الجمعة، ٧ أبريل ٢٠٢٣
عايزين نتكلم بالمنطق ما شاء الله ٣ سنين ونص مش قليل في مكان يعني اخدت/ي علي المكان وعلي البيئة المحيطة غير خبرتك المحسوبة هناك غير ان الوضع حاليا صعب ان الواحد يلاقي شغل بسهولة و ظروف متستحملش ان حد ياخد Risk ان يسيب مكان شغله بسهولة لان مفيش فرص شغل كتير متاحة حاليا ده( لو هنتكلم بالمنطق والعقل و هنبعد الجانب النفسي من الموضوع ) نيجي للجانب النفسي ضغط الشغل و ضغط السفر هما اللي تاعبين نفسيتك المشاكل مش بس هي اللي تراكمت و خلتك تتعب/ي بس عايزه اقولك ان تفكيرك مركز علي السلبيات بشكل كبير يعني اكيد هناك مش مشاكل بس ! اكيد في مميزات قصاد المشاكل دي ليه بس عمال توري نفسك المشاكل و تتكلم عنها طيب ما مشاكل اللي هناك دي هتلاقيها في اي شغل تاني بردو مفيش شغل بيخلو من المشاكل و الضغط انا عايزاك تعيد حساباتك تاني مش في لحظه زعل و ضغط تاخد/ي خطوة كبيرة زي الاستقاله و ترك الشغل الوضع الاقتصادي مش سهل و انك تلاقي فرص عمل حتي لو صاحب خبرة اصبح صعب جدا و افتكر انك اي مكان عمل يوجد في ضغط ومشاكل .
تم النشر الجمعة، ٧ أبريل ٢٠٢٣
القرار وسط الضغط والتعب مش صح خد اجازة بدل الاستقالة وافصل فيها تماما وارتاح من مشاكل الشغل والتراكمات دى وابدأ اتعامل مع الاثار النفسيه وشوف اذا سببها انت ولا الشغل والاشخاص. لو الاثر بسبب حاجة فيك يبقي تركك العمل ده مش هيغير شىء. ولو القرار استقريت عليه فلا بأس انك تكون اخدت الشغل ده نوع من التحدى واثبتت نفسك فيه واخدت خبره وهو وقته انتهى كده خلاص. شوف الاول فرصة شغل تانيه تستثمر فيها خبرتك وتعبك من الشغل ده وبعدين سيبه.
تم النشر الجمعة، ١٤ أبريل ٢٠٢٣
لو انت في مصر مينفعش تسيب شغلك قبل ما تكون لاقيت شغل مكانه.
تم النشر الجمعة، ٧ أبريل ٢٠٢٣
انتي بس محتاجه فتره ترتاحي فيها وتركزي فيها على نفسك وترجعي لحياتم الطبيعيه تاني ولا اراديا نفسيتك هترجع كويسه فبدل متستقيلي خديلك اجازه اسبوعين مثلا
تم النشر الجمعة، ٧ أبريل ٢٠٢٣
أولاً ، أنت بحاجة للتركيز على نفسك وصحتك النفسية والجسدية. لا يجب أن تتألم من أجل العمل، حتى لو كان لمصلحة المال. عليك النظر في مستقبلك بعد العمل ودراسة خياراتك الأخرى في هذا البلد أو في بلدك. اذا كنت تعتقد أن ترك العمل قد يكون خيارا صحياً بالنسبة لك، فيجب عليك التخطيط بعناية علي كل ما سيحدث بعد مغادرتك للعمل. ثانياً ، عليك الحديث مع المتخصصين في هذا هذا المجال الذين قد يساعدونك في تحديد ما يناسبك دون التضحية بصحتك وجودتك في الحياة. ثالثاً ، إذا كان ترك العمل ليس خياراً لك في الوقت الحالي، فيمكنك التحدث مع مديرك أو زملائك بكل صراحة حول مشاعرك وطموحاتك، والطريقة التي يمكن أن يدعموك فيها بشكل أفضل. من المهم أن تعمل وفقًا لحدودك الشخصية ولا تضحي بصحتك النفسية والجسدية.
تم النشر الجمعة، ٧ أبريل ٢٠٢٣
لعرض السؤال في فدني اضغط هنا