انا مجوزه ومعايا بنوته و عايشه في بيت عيله جوزي سايبني ومسافر وانا بخدم امه وأخواته ومعايا سلفه لم جوزها عرف انه حامل فرح هو جوزيها مبيكلمنيش عشان هي بتغير عليه المهم راحت لدكتور قاله حمل ومش عايز الحركه قالها ياتقعدي فوق ياتقعدي تحت جوزها قاله تقعد فوق وانا مضايقه لم قاعد فوق ومبتعملش معايا حاجه واعمل الاكل وهو ياخدلها الاكل ويطلع انا عايز اتكلم بس مش عارفه اقول ايه اروح عند ماما احسن من الكيد ده ولا اتكلم اقول ايه
طيب بما انه واضح من كلامك ان هى كانت بتساعد وبتعمل معاكى عادى... فممكن تراعى فترة الحمل معاها... او على الاقل الفترة الأولى لان لو الدكتور طلب منها متتحركش كتير يبقي الحمل ثباته مش كويس... احتسبي النيه لله كأنك بتراعى مريض... لو بعد مده هى بقت كويسه ومحدش راعى المجهود اللى عليكى لوحدك... وقتها ممكن تتصرفى بشكل تانى
تم النشر الأحد، ٣ ديسمبر ٢٠٢٣
ممكن تعملي نفسك تعبانه وتشوفي رد فعلهم لو قدروا الموقف معلش تعالي علي نفسك شويه كمان لحد ماهي تقوم بالسلامه وبعدها اكيد الوضع هيتحسن و(ربنا يكون ف عونك ♡)مقدرش اقولك حاجه اكتر من كدا الفكره انك تستحملي شويه وكدا كدا الدنيا دواره
تم النشر الخميس، ٣٠ نوفمبر ٢٠٢٣
معلش تعالي ع نفسك انتي شويه، مش عشان جوزك ولا جوزها ولا مراته ولا حماتك ولا ابوه ولا امه، اعتبريها خدمة انسانيه منك للجنين الي ف بطنها بدون مقابل، وربنا ان شاء الله هيجازيكي خير وهيعوضك علي مجهودك دا.
تم النشر الخميس، ٣٠ نوفمبر ٢٠٢٣
لعرض السؤال في فدني اضغط هنا