ليه اكتر المشاكل اللي بنشوفها ف جيلنا بتكون مشاكل نفسية ؟
لاننا كبرنا وسط المشاكل بكل انواعها وكلنا اتأثرنا ووسط الصراعات والتعب اللي في كل مكان الناس تعبت واحنا الطبيعي نتأثر والجيل النشء هيتأثر زينا وكمان اشد
تم النشر الأحد، ٢ أبريل ٢٠٢٣
للأسف جيلنا ظهر عليه علامات الشيب وهو في عز شبابه
تم النشر الاثنين، ٣ أبريل ٢٠٢٣
بكل بساطة علشان في الفترة دي بتبقى الشخصية بتتكون و العلاقات بتكتر و الناس الي بنقابلها اكتر منهم الوحش و الحلو ف الوحش بيسيب علامات قوية في شخصيتنا و علشان برضو تفكيرك بيبقا لسة بينمو فبتتغير من وقت ل التاني و التغير ده بيخليك مش عارف نفسك بس بعد سنة من المشاكل هتبقى ك انسان قابلت مختلف أنواع المشاكل و فكرت في حلول كتير ف ساعتها ممكن يبقا عندك مناعة ضد المتغيرات بس الاهم من كده انك متنعزلش عن الناس علشان لو انعزلت مش هتقابل مواقف تخليك تتصرف صح او غلط
تم النشر الاثنين، ٣ أبريل ٢٠٢٣
هي عموما المشاكل النفسيه موجوده من زمان ومن اجيال مختلفه بس ممكن وقتها كان الوعي بالمرض او المشاكل النفسيه قليل وكانوة بيعتبروا اي حد بيعاني من مشكله نفسه ي بسبب الحسد والعين والسحر لكن انه يروح لدكتور دي كارثه عشان ابننا مش مجنون بس مؤخر الوعي اكبر وسائل الاعلام كمان قدرت تظهره وانه عادي والامكانيات العلاجيه بقت اكتر ومتوفره بشكل كويس عن زمان ف بقا ظاهر عن قبل كده كمان بيكون في ظروف مختلفه زي انه لو فرضنا ان الاجيال السابقه كانت بتمر بمشاكل نفسيه ومعالجتهاش اتجوزوا وخلفوا وصدروا نفس المشاكل دي لأولادهم وان ظروف المعيشه مأثره جدا واساليب التعليم الي اتغيرت اكتر من مره ف نفس الوقت اثرت مع شويه ظروف صحيه زي الكرونا الي نتج عنها اصابات كتير بالقلق المرضي والوسواس القهري والاكتئاب وبالتالي كان الجيل ده ظاهر فيه اكتر المشاكل النفسيه
تم النشر الأحد، ٢ أبريل ٢٠٢٣
التفاصيل اللى بيعيشها الجيل مرهقة جدا للنفسية بدون متنفس للاستراحة. كله ضرب ضرب ودوشة وتحديات وصراعات. ماتش مصارعة نفسية مستمرة بدون توقف.مبيلحقش حد يخف منها الا اللى بيعرف ياخد استراحة كل فترة فيفضل محافظ على توازنة النفسي.
تم النشر الجمعة، ١٤ أبريل ٢٠٢٣
أهلاً بك، فعلاً قد يواجه الكثير من الأشخاص من جيلنا مشاكلًا نفسية، وهذا قد يرجع إلى العديد من الأسباب. من أهم الأسباب هي تلك العوامل التي تؤثر على الصحة النفسية مثل: الضغوطات اليومية، إجهاد الحياة العملية، عدم القدرة على إدارة الوقت بشكل صحي، علاقات عائلية غير صحية، بالإضافة إلى استخدام وسائل التواصل الاجتماعي بشكل زائد، وذلك بسبب التعرض للضغوط والتوتر النفسي. لذلك يجب التركيز على الصحة النفسية بمثابة جزء لا يتجزأ من الصحة العامة. من الجيد البحث عن طرق لمساعدة النفس على فهم أي مشاكل يواجهها والتغلب عليها.
تم النشر الأحد، ٢ أبريل ٢٠٢٣
عشان كل حاجه بقت صعبه وجينا لقينا مطلوب مننا حاجات كتير ومسئوليات وده مش سننا
تم النشر الأحد، ٢ أبريل ٢٠٢٣
عفوا
تم النشر الأربعاء، ١٢ أبريل ٢٠٢٣
اولا المشاكل النفسية موجوده من زمان حتى في جيل التسعينات برضو بس مكانش عندهم وعي كافي بالصحة النفسية و المشاكل و الاضطرابات النفسية و اضرارها على الإنسان و ده سبب من الأسباب إن مكانش السبب الرئيسي الي خلا جيل التسعينات مش بيشتكي من مشكلات نفسيه و لكن في جيلنا الحالي أصبح في وعي كافي بالمشاكل النفسية فبدأ كل شخص يوعى لنفسه و يعرف أن عنده مشكلة أو اضطراب نفسي و بدأ يحاول يتعالج منه فعلشان كده بقينا نشوف كمية مشاكل نفسية كبيرة بتظهر في الجيل ده. ثانيا المشكلات الجسدية أو المالية أو العائلية و الاجتماعيه ممكن تسبب مشاكل نفسية للفرد وبالتالي نستنتج أن احنا معرضين لمشاكل نفسية كتير جدا ذي الصدمات و ذي اضطرابات الشخصية و مشاكل تانيه كتير. اظن ان الفكرة هي أن ازداد الوعي بموضوع الصحة النفسية فعلشان كده بنلاحظ أن الجيل ده مهتم بالصحة النفسية و المشاكل النفسية و ما إلى ذلك.
تم النشر الأربعاء، ١٢ أبريل ٢٠٢٣
حبيبي ي زيزو
تم النشر الاثنين، ٣ أبريل ٢٠٢٣
عاجبني تفكيرك مع ان يمكن تكون ف نسبة سطحية بس كويس اوي كمل تطوير لذاتك متوقفش
تم النشر الاثنين، ٣ أبريل ٢٠٢٣
الانفتاح يا صديقي
تم النشر الأحد، ٢ أبريل ٢٠٢٣
فجوة زي ايه
تم النشر الأحد، ٢ أبريل ٢٠٢٣
او ممكن عشان الاهل دايما مشغولين ف محدش احتوي ابنه او فهمه الدنيا بتبقي فترة لغبطه كده من وجهة نظري بس هي اسهل من كده بكتير والله زي ما قولت نقرب من ربنا بس وكل حاجه هتتحل
تم النشر الأحد، ٢ أبريل ٢٠٢٣
عندك حق فعلا احنا مضغوطين وحاسيين أننا متأخرين كام سنة مع أن لسه هنبدء حياتنا بشوف أن دا نتيجة لأهم سبب اننا بعيدين عن ربنا أو مش قريبين بالقدر الكافي وفيه حديث رسول الله صلى عليه وسلم ( أصبحَ منكم آمنًا في سربِهِ ، مُعافًى في جسدِهِ عندَهُ قوتُ يومِهِ ، فَكَأنَّما حيزت لَهُ الدُّنيا) يحل لنا كل مشاكلنا ف الدنيا والله
تم النشر الأحد، ٢ أبريل ٢٠٢٣
اه والله عندك حق شكرا جدا
تم النشر الأربعاء، ١٢ أبريل ٢٠٢٣
الانفتاح فلقنا ي اخويا
تم النشر الأحد، ٢ أبريل ٢٠٢٣
يعني عارفين الاسباب والحلول ومش بنقدر نطلع من الزون دي بردو
تم النشر الأحد، ٢ أبريل ٢٠٢٣
ونعم بالله المشكلة أننا عارفين الأسباب والحلول بس بنقف ف النص ودائما كله مصدر طاقة سلبية فيه فجوة بنقع فيها للاسف
تم النشر الأحد، ٢ أبريل ٢٠٢٣
لعرض السؤال في فدني اضغط هنا