ازاي اقدر ابقي عندي ثقه نفي نفسي واقدر اواجه اي شخص ومخفش علي خاطره او زعله لكن هو يزعلني عادي دايما بعمل حساب لزعل ال قدامي وهما يزعلوني عادي اتعامل ازاي معاهم؟
زى مانتى هونتى عليهم هما لازم يكونوا عليكى والمعاملة بالمثل واحساسك بالخوف من جرح مشاعرهم دليل على طيبتك وجدعنتك وعدم نسيانك لصحبيتكوا لكن الشخص الطيب بزياده بيتداس عليه ف اركنى المشاعر على جمب وابدأى بالمواجهة علطول وبالتوفيق❤️🩹
تم النشر السبت، ١٢ أغسطس ٢٠٢٣
انت/ي واثق/ه ف نفسك عشان كده مبيهونش عليك/ي تزعل/ي حد .. بنسبة كبيرة جداً الشخص اللي بيبقى سهل أنه يأذي اللي حواليه بيبقى جواه ما يكفي من المشاعر السلبيه عن نفسه وبيطلع ده في اللي حواليه .. ف الحقيقة دي ناس تستحق الشفقة ميتزعلش عليهم خالص. طبعا ده مش معناه إننا كل من هب ودب يزعلنا ويضايقنا .. مهم نشوف لما بيحصل موقف بنزعل منه ليه؟ هل الشخص فعلا مؤذي؟ ولا الموقف كان وحش اصلا ككل؟ ولا في. سوء تفاهم؟ ولا حنا حساسين بزيادة وبناخد كل كلمة على أعصابنا؟ طيب بعد ما نعرف نحدد ده هنبقى كدن حددنا المشكلة فين.. لو المشكلة فينا؟ نحاول نشوف أسبابها ونتصالح معاها. لو المشكلة في الطرف التاني؟ هنشوف اذا كان في شخص بعينه هو اللي بيأذينا يبقى نتعامل معاه سواء نخرجه من حياتنا أو لو مينفعش نخرجه نشوف ايه الطريقة المناسبة اللي نتعامل معاه بيها بحيث نقلل الخساير على الأقل. ممكن تحدد/ي المشكلة فين واساعدك نشوفلها حل.
تم النشر الاثنين، ١٩ ديسمبر ٢٠٢٢
متتكلمش معاه عشان متغلطش وافتكر ان الاقوى هو اللى يمسك نفسه وقت الغضب وربنا يعينك عليهم
تم النشر الخميس، ١٩ يناير ٢٠٢٣
أقترح مشاهدة محتوى على يوتيوب عن الثقة بالنفس، وارشح لك قناة الأخ Ali Mohamed Ali
تم النشر الاثنين، ٢ يناير ٢٠٢٣
لعرض السؤال في فدني اضغط هنا