السلام عليكم ورحمه الله وبركاته
أنا شاب لسه مخلص جيش من شهرين والحمد لله عندي شغلي كويس والحمد لله حياتي كويسه اتعرفت علي بنت من ٦شهور تقريبا وانا ف الجيش كنت اعرفها شكلا بس وكنت عايز اتعرف عليها من زمان وفجاه ظهرت ف حياتي ودخلت ف كل تفاصيل حياتي كنت بحب يوم ما أنزل اجازه عشان اشوفها بس حبيتها اوي واتعلقت بيها جدا بس كل ده بيني وبين نفسي أنا الحمد لله ملتزم ومش حابب اعمل حاجه غلط وكنت عايز اروح اتقدم قبل اي حاجه بس بسبب ظروف الجيش والحالة الماديه اللي كانت تحت الصفر قولت استني شويه لحد ما سمعت أن حد اتقدم لها ورفضت ف كلمتها وعرفت انها عندها نفس المشاعر وتقريبا مستنياني كمان بدأنا نتكلم والكلام كل يوم بيزيد وانا طبعا عشان عارف أهلها ناس محترمين جدا بس بقيت كل يوم اعرف حاجه تكرهني فيها عن اليوم اللي قبله انها كانت بتتكلم مع حد مثلا واحد كان معاها ف الجامعه او واحد بيصالح صاحبه علي صاحبتها وهما وسيط بينهم أو حد قريبها بس الكلام زياده عن اللزوم اوي وحاجات غريبه كده مش عارف ازاي هي تعمل كده غير لبس البناطيل اللي مكنتش اعرفه اصلا بس شوفتها بيه صدفه وكلمتها واستغربت اوي وقالت إنها بتلبسهم علطول ومعندهاش نيه انها تبطل لبس بناطيل وبدأت واحده واحده احس انها مش مناسبه عشان كنت اقولها علي الحاجات الغلط اللي بتزعلني وتقول حاضر مش هعمل تاني وتاني يوم الاقي نفس المشكله وممكن تعملها وتكدب يعني شوفتها صدفه بيه وسألتها لبستي بنطلون ف المشوار ده قالت لا بس متعرفش اني شوفتها بصراحه الكدب اتكرر اكتر من مره وزعلني منها جدا مع اني عارف كويس اني مليش اني اقولها اعملي ومتعمليش بس المفروض انا بختار المواصفات اللي تناسبني بس مع كل اللي حصل ده زعلنا من بعض كتير واعتذرت واتفقنا خلاص علي أن محدش يعمل حاجه التاني بيزعل منها بس حاليا بعد الجيش شوفتها وقعدت معاها اني عايز اقابل أهلها علي الشهر الجاي وللاسف ف نفس اليوم لقيتها بتعمل كل حاجه بتزعلني وكذا حد رن عليها ورقمهم متسجل وانا عارفهم ومفيش اي صله قرابه حتي وقالت أنا معرفش بيرن ليه وبعتت علي الواتس شتمته وقالتله متبعتش هنا تاني وبصراحه مصدقتش اي حاجه من اللي حصلت وقولتلها كل شيء قسمه ونصيب بس هي دخلت ف حاله نفسيه وحشه وكذا واحده من صاحباتها تكلمني عليها وأنها كل ده متقصدش انها تعمل حاجه زي كده وفعلا هي مبتروحش الشغل بقالها فتره وانا مش عارف اشوف غيرها لحد دلوقتي حبيتها اوي بس حاجات زي كده هزت الثقه بينا ممكن نصيحه واسف علي الاطاله
ملحوظة جانبية : لبس الملابس الضيقة خطأ ولكن في هذه المرحلة كان الأفضل من أن تأمرها وتنهاها (ليس لك عليها أمر ولا نهي أصلا الآن) أن تنصحها وتبين لها الخطأ وتقنعها به (بافتراض وجود قناة تواصل شرعية بينكما) فإذا رأيتها قبلت من نفسها عرفت أنها فاضلة وإذا رأيتها اقتنعت ولم تفعل عرفت أن المواصفات التي تحبها غير موجودة فيها وأما أن تأمرها من غير أن يكون لك أمر عليها ثم تنتظر في نتيجة التزامها بالأمر فإن نفسها يمكن أن تحدثها بأي حق يأمرني وينهاني! لندخل في صلب الموضوع : الحالة النفسية التي دخلت فيها الفتاة كان يمكن أن تحدث لو خطبتها ثم فركشت لأي سبب وربما كان كلامكما الكثير معا سبب في زيادة تعلقها بك ولهذا كان المفروض أن يكون الكلام في أضيق الحدود (بالمعروف) ومن غير استئناس بالحديث ولا خضوع بالقول من أجل معرفة التوافق فقط وترتيب التقدم للبيت.. طالما الموضوع فيه ريبة بالنسبة لك (وقد يقف اللبيب إذا استراب) وعقلك يقول لك أن هذه المواقف بروفة لما يمكن أن يحدث بعد الزواج فهل أنت متردد فقط من أجل حالتها النفسية؟
تم النشر الثلاثاء، ٥ نوفمبر ٢٠٢٤
اظفر بذات الدين ترابت يداك استوعب كويس انك مفروض تختار صح تختار شخص هيكون سندك ويقوي ايمانك وانت بتقول ملتزم يبقي اكيد عارف انت عايز ايه متخليش العاطفة تقودك ونندم بعدين حدد كويس موصفات شريكتك وحدود التقبل بالنسبة ليك لان ف النهاية الحياة هتبقي مبنيه ع مشاركه وثقه وتفاهم
تم النشر الثلاثاء، ٥ نوفمبر ٢٠٢٤
لعرض السؤال في فدني اضغط هنا