حبيت شخص مشهور اسمه جيمين كنت بتابع الفرقه بس بطلت لكن هو الشخص الوحيد اللي مش عارفه اتخطاه مشكلتي مش انه مجرد شخص مشهور بالنسبةلي لأ جيمين شخصيته لطيفه جدا وديما بينشر كلام ايجابي وحقيقي مجرد ابتسامه منه ممكن تخلي يومي أجمل حبيت كل حاجه فيه..
مشكلتي اني حبيت تخيلاتي اكتر من فترة من شهر سبعه سنه 2022 كنت بكتب خيالاتي عل الموبايل كنت لما ازعل او اتضايق واحس ان محدش فاهمني وانو انا بعاني من مشكله والكل معتبرها حاجة عاديه لأنو مامرش بيها كنا بكتب كل حاجه واتخيل انو هو اللي بيواسيني الطريقه دي كانت بتخليني أعرف اتخطي إنهياري وزعلي وبحس اني مبسوطه بعدها..
بعد فترة لما قررت ابطل اتابع الفرقه ماعرفتش ابطل اتابعه او احبه او حتي اكرهه او بس اتخطاه لانو بقت دي فكرتي عنو وديمل شايفه مهما حصل اقدر اعبر بمشاعري ليه هو بس لانو هو الوحيد الللي بيفهمني..
المشكله انو غلط تعلقي بيه و ماينفعش احبه ومشكلتي اني نفسي اقابله وابعتله الرسايله الللي تخيلته او حتي يقرأ رسايلي عنه ويعرف اد ايه بحبه بس للأسف هو مشهور ويمكن في يوم يحب بنت تانية ويمكن وقتها بس هقدر اتخطاه بس حبي ليه هيفضل في قلبي...
نفسي لو حبي ليه يكون في الواقع واننا نتقابل زي ماكنت بتخيل بعيد عن البشر في الحديقه اللي دايما بتخيلها نفسي اخرج واتمشي معاه ♡
نفسي اتخطاه ولكنه الشخص الوحيد اللى بيفهمني ويسمعني ويواسيني ومكاني الآمن
ياريت اي احد قرأ لحد هنا يساعدني في الموضوع ده وشكرا لقرائتك لحد هنا😊♥
لأن مشكلتك عاجلة وملحة فقد سألنا أحدث تطبيق للذكاء الصناعي في العالم لكي يساعدك فيها وهذه كانت إجاباته! بانتظار إجابات أفضل من مجتمع فدني
تم النشر الاثنين، ٢٣ يناير ٢٠٢٣
انك تعرفي تبني فكره في دماغك تطلعك من مشكله بتمري بيها كويس جدا وبيزيد مع سن المراهقه فكره احلام اليقظة ودي زي منتي بتعملي بتتخيلي شخصك المفضل الي انتي عارفه انك مش هتقابليه في الحقيقه ابدا في المواقف الي محتاجه فيها سند ودعم وانتي قلتي نقطه حلوه جدا وكويس انك فاهماها انك بتلجأي لخيالك عشان انتي الوحيده الي فاهمه نفسك ومحدش حوليكي فاهمك .. طيب هل ده صح ؟ بنحتاجه اوقات قليله عشان نخفف من علينا الضغط بس لما بيزيد بيكون صعب لانك بتكوني اعتادتي تعيشي ف احلامك والأحلام دي حتى مش بتتنفذ عشان تحسي براحه واستقرار ف لازم تواجهي نفسك على طول انه مش واقعي وانه خيال وانك بتستخدمي الخيال ده عشان تفرغي ضغطك وتلاقي عالم شبهك وفاهمك.. مش كده بس انتي خيالك حلو ممكن يكون عندك موهبه الكتابه اصلا ف حاولي تكتبي قصص او روايات تفرغي مشاعرك وافكارك وف نفس الوقت تستغلي ميزه عندك وتنميها وبدل ميكون البطل جيمين بس ممكن يكون معاه سيهون وباقي الفرق او شخصيات ملهاش اصل ف الواقع بأسماء من عندك وتبقي كاتبه كبيره ... وحاولي تقرأي روايات تانيه تنمي بيها موهبتك وتوريكي حجات كتير عمرك مشفتيها الروايات عالم تاني تقدري تلجأي ليه لما تلاقي محدش فاهمك لان كل روايه بتحكي حدث ومشكله ووارد تلاقي حد شبهك في واحده منهم بصي من زاويه تانيه غير الي انتي بصالها انتي كأنك في بيت كبير وليه شبابيك كتير وفي شباك بيبص ع جيمين ومش بتستخدمي غيره فكري تبصي من باقي الشبابيك هتلاقي حجات كتير حلوه فوتيها عشان انتي مبصتيش غير من الشباك ده بس بس افضلي كرري ف دماغك انك عارفه انه ده خيال ومينفعش يكون في ارض الواقع وانك بتستخدميه كتفريغ عشان الفكره متأذكيش ف انها توقف حياتك وانها تعطلك تشوفي حد تحبيه في ارض الواقع والي ممكن يكون احسن من الشخص ده ميت مره بس عشان انتي مش باصه غير من الشباك ده مش هتشوفي غيره
تم النشر الثلاثاء، ٢٤ يناير ٢٠٢٣
وبعدين؟ هتفضلي على الحالة ديه كتير .. على فكرة انتي مش بتحبيه، انتي مفتقدة الحب من اللي حواليكي .. بتدوري على الحب ده في كل مكان. زي الطفلة الصغيرة اللي بتقعد تكلم عروستها وتعتبرها شخص موجود فعليا في حياتها .. فوقي ..... اعرفي انك في وهم وانتي للاسف اللي عامله الوهم ده بايدك وفوق كل ده مفيش حاجة اسمها حب من طرف واحد انتي لازم تروحي لاخصائي نفسي في اقرب وقت
تم النشر الاثنين، ٢٣ يناير ٢٠٢٣
اننى متخيله انتى بتقولى اى يعنى دايما لما كنت يسمع ان وحده معجبه بحد وبتقول انو مبيحبهاش كان بيبقا دايما ف محيطها يعنى بتشوفو كتير وهكذا حصل بينهم كلام او شافتو ع الخقيقه حتا لكن انتى بتقولى شخصيه مشهوره طبعا مش هكلمك ف حته انو حرام اصلا وكان مفروض تغضى بصرك عشان ظا كلو ميحصلش بس انا هوريكى الجوانب الواقعيه اللى انتى مش شيفاها وعايشه ع حلم ابعد ما يمون اصلا عن الواقع ، انتى معجبه بحد مش ف محيطك مش من بلدك حتا مفيش احتمال اوحد من الف ف الميه انك تشوفيه ع الحقيقه مفيش شبه احتمال انك تقابليه او تتكلمى معاه انتى بتقولى هو اللى بيواسيكى بناءا ع ملامك انتى اى انتى متخيلاه بيرد عليكى بكلامك انتى انتى اللى بتقولى الكلام اصلا ف انتى قادره تعدى انهيارك عادى كل اللى انتى فيه مش واقع هيبهدلك لما تفوقى منو هتتعبى ف فوقى من دلوقتى احسن انتى بتحبى حد يعتبر مش موجود اصلا ع الكوكب لان احتمال مقابلتك بيه منعدم ف بكدا هو مش موجود ف فوقى الله يرضى عنك
تم النشر الاثنين، ٢٣ يناير ٢٠٢٣
فكري لو كل الولاد حبوا جميلات السينما بنفس الطريقة اللي أنت حبيتي بيها الشخص المشهور دة البنات كانت هتتجوز ازاي!! كما أن ما تشاهدينه في الفيديوهات هو قشرة خارجية ولا تعرفين لو قدر لك أن تتزوجي هذا الشخص كيف كانت ستكون حياتك معه! الحياة لا يصنعها المشاهير ونجوم اليوتيوب .. الحياة يصنعها الناس العاديون الذين ترينهم في الشارع حولك .. هؤلاء هم ملح الأرض وهؤلاء هم من نقضي معهم أوقاتنا وأعمارنا .. العدد الضخم لهؤلاء الناس بحسب قوانين الاحتمالات يضمن وجود شخصية مثل أو أفضل من حبيب اليوتيوب يمكنه أن يطرق بابك يوما طالبا يدك .. تماما مثلما أن في البنات العادية من هن أجمل من نجمات السينما!
تم النشر الاثنين، ٢٣ يناير ٢٠٢٣
لعرض السؤال في فدني اضغط هنا