انا كنت طالب في كليه هندسه في السنه الرابعه اتعرفت على صحاب هناك ولاكن حصل مشكله هناك وانا مكنش ليا دعوه لاكن الدكتور ضفني معاهم وعمل لنا محضر ودنا رفد من الكليه مع اني معملتش حاجه ومظلوم والله مش كده دلوقتي انا مش عارف اقدم في اي جامعه ولا عارف اقدم في اي معهد ولا عارفه اقدم في اي اكاديميه معتمده في مصر بسبب الرفض والمحضر لازم يتشال من الكليه والجامعه نفسها ودي هتاخد قضيه لما سالت محامي قال لي الموضوع زي يتحل بشكل ودي الموضوع ده بيطول في محاكم ممكن يصول لسبع سنين رحت انا والدي تاسفنا للدكتور وانا واعتذرت له وتحايلت عليه لكن هو مش راضي ومصمم يضيع مستقبلي المشكله دلوقتي ان انا بلا شهاده معايا ثانويه العامه بس ابوايا بيقولي خلاص افتح مشروع او العب رياضه اعمل اي حاجه وخلاص فكك من التعليم انا دلوقتي احلام بسيطه في ناس بعد ما اتخرج اشتغل واتجوز لكن دلوقتي حياتي اتشقلبت خالص ويا عالم دلوقتي هشتغل ايه من غير شهادة خصوصا ان في مصر اللي معاه مشاهدات مش لاقيين شغل ما بالك بقى اللي مش معاهم ولما اتقدم دلوقتي لوحده اقول لهم مش معايا شهاده واكيد هترفص بسبب موضوع الشهاده وساب موضوع السابقه اللي عليا بسبب المحضر اللي اتعمل لي في الجامعه وحسبي الله ونعم الوكيل في كل اللي عمل فيا كده احنا دلوقتي ان انا اسيب البلد واروح جامعه تانيه لكن انا والدي حالته الماديه مش عاليه فمش عارفه اسافر لدرجه من كتر الاكتئاب اللي جالي والياس كنت اهاجر غير شرعيه لكن والدي الحقني على اخر لحظه دلوقتي انا كرهت حياتي قاعد ما اعملش اي حاجه مش كده دلوقتي لو بعتت سنين هرجع من الاول تاني وانا دلوقتي عندي 22 سنه انا اصلا كبير فبال ما اروح الجامعه اروح الجامعه على 29 سنه فضل مستني كل ده بسبب القضيه لحد لما يتحكم فيها ما بقتش عارف اعالج الضغط اللي عامله لنفسي ولا ضغط المجتمع علي وا مناظره المجتمع ليا انا مش مسامح الدكتور يضيع اربع سنين من عمري عشان غلط انا ما عملتوش اصلا خلاص قرفت من حياتي حسس ان انا مليش لازمه
طيب هنتكلم ف كذا حاجه .. هل فيه امكانية انك تقدم بالثانوية اللي معاك في اي منحة تكون ممولة تمويل كامل ..؟ ديه ممكن تكون فرصة كويسة ليك. ولكن الحياة مش هتقف علشان الموضوع ده، هو كلام والدك صح، وكلامك انت برضه صح بأن فيه ناس اساسا معاها شهادات ومش عارفه تشتغل .. بس ع فكرة فيه ناس مش معاها شهادات وشغاله عادي جدا .. لو تعرف قصة اسامة الزيرو مكنتش هتقول كده .. وقصة مايكل يوسف برضه مكنتش هتقول كده. اللي عاوز حاجه بيعملها .. متقفش ع حاجه حصلت .. ممكن تقرأ قصة مايكل من هنا وممكن تشوف قصة اسامة الزيرو من هنا قصص نجاح كتير لناس مكانتش بتدرس دراسة نفس شغلها الحالي .. وناس كتير اجتهدت رغم ان الناس اتريقوا عليهم وتنمروا بما فيه الكفاية .. متخليش اي عائق يوقفك .. شوف مجال واتقنه وادرسه واشتغل بيه .. محدش هيسألك دراستك ايه دلوقت .. الموضوع مش بيتقاس بالطريقة ديه ولا بالشهادات.
تم النشر السبت، ١٢ أغسطس ٢٠٢٣
طيب يمكن ربنا كاتبلك خير كتير أوىقال تعالى ( وعسى أن تكرهوا شيئا ويجعلاللهفيهخيراكثيرا)...قال تعالى (وعسى أن تحبوا شيئا وهو شر لكم ) جايز كان هيحصلك مشكلة أو مصيبة أكبر من كده وربنا نجاك خليك فاكر رب الخير لا يأتى إلا بالخير والحياة أقدامك وأرض الله واسعة ورزق ربنا وعطاءه أكتر مما تتمنى..أخرج بره المشكلة وفكر وشوف اللى حوليك بنظرة أوسع وربنا هيكرمك ويرزقك من حيث لاتدرى وعوض ربنا كبير ..ربنا يجبر خاطرك ويعوضك عوض الصابرين
تم النشر السبت، ١٢ أغسطس ٢٠٢٣
صلي كتير وأدعي عليه حقيقي ربنا ينتقم منه، قول اللهم أرني عجائب قدرتك في تحقيق ما أترجي وروح للعميد أو رئيس الجامعة، لأن دة تصرف مش شخص سوي أبدًا وأرفع القضية ومش مشكلة تاخد وقت بس ترد إعتبارك وبعدين تبقي تدرس أي حاجة تحبها المهم متسبش نفسك لليأس، وأنت بتابع القضية اشتغل زي ما باباك قالك وألعب رياضة واستحمل لحد ما ربنا يردلك حقك لكن متسبش طريق ربنا أبدًا لأن دة إللي هيجيلك حقك
تم النشر السبت، ١٢ أغسطس ٢٠٢٣
لعرض السؤال في فدني اضغط هنا