انا فتحت شركة وعايز أصدر شغل برا مصر الشغل جميل والسعر حلو ولكن في مصر مش مقدرين السعر للاسف الشديد ولكن.عايز اوصل ل اسواق برا مش عارف ازاي
جميل جداً يا صديقي أنك فكرت في تصدير منتجاتك للخارج، واللي هيكون خطوة مهمة لتوسيع شغلك وزيادة أرباحك. عشان تبدأ في تصدير منتجاتك، في بعض الخطوات اللي لازم تتبعها: دراسة السوق: جهز دراسة تفصيلية للأسواق المستهدفة عشان تعرف احتياجاتهم وتوقعاتهم، وتقدّر حدة المنافسة والأسعار. اختيار الدول المستهدفة: اختار الدول اللي عندها طلب قوي على نوعية المنتجات اللي بتقدمها. الإجراءات القانونية: تأكد من أنك فاهم القوانين والإجراءات الجمركية في الدول اللي ناوي تصدر ليها. يمكن تحتاج عقد اتفاقات مع وكلاء أو مستشارين في الدول دي. التسجيل التجاري: سجل شركتك كمصدر للحصول على الشهادات والأوراق المطلوبة لعملية التصدير. الشحن والنقل: ابحث عن شركات الشحن اللي توفر لك خدمات نقل بحري وجوي بأسعار مناسبة وجودة عالية. التسويق الدولي: استخدم الإنترنت ومواقع التواصل الاجتماعي عشان تسوّق لمنتجاتك بالخارج. ممكن كمان تشارك في المعارض الدولية والتجارية. التمويل والتحصيل: جهز نظام مالي قوي لضمان استلام دفعاتك بشكل آمن وسريع. اتفق مع البنوك اللي بتوفر خدمات تحويل الأموال دوليًا. بناء علاقات: حاول تكوّن علاقات قوية مع رجال الأعمال والمستوردين في الدول المستهدفة عشان تسهّل شغلك وتشجع على التعاون. بالتوفيق يا بطل! وإن شاء الله تصدر منتجاتك وتلقى التقدير اللي تستحقه برا مصر.
تم النشر الاثنين، ٢٧ مايو ٢٠٢٤
الأول شوف المنتج اللي بتقدمه عايز تبيعه في أي دولة ( اختار دولة محتاجة منتجك ) وقارن سعر ومميزات منتجك بنفس المنتج في الدولة اللي عايز تبيع فيها والخطوة دي إسمها دراسة السوق ومهمة جدا ولازم تعرف القوانين الخاصة بالتصدير في مصر زي الأوراق اللي هتحتاجها والإجراءات اللي قبل الشحن وتأمين البضاعة والنقل وإعرف قوانين البلد اللي هتبيع فيها ( ضوابط التصدير ) هتبدأ تعمل متجر إلكتروني لشركتك او منتجك او صفحة على السوشيال وتبدأ تعلن عن منتجك وإنه متوفر للتصدير لدولة كذا وكذا و تبدأ في التسويق وإعرض أسعارك .. ولازم تكون محدد طريقة الدفع المناسبة عشان لما المستوردين يتواصلوا معاك وطريقة الشحن إبحث عن مستوردين في الدول اللي عايز تبيع فيها وممكم تعرض عليهم صفقات او تنتظر المستوردين اللي هيتواصلوا معاك
تم النشر السبت، ٢٥ مايو ٢٠٢٤
السلام عليكم - كل شيء له معيار يعني كلمة السعر حلو فضفاضة جداً لأن السوق ليه تقسيمات كتير فالسعر حلو بالنسبة لمين ؟ لو مفيش فئة في السوق السعر يناسبها فأنا اقدر اقولك ان السعر مش حلو . والمفروض قبل فتح الشركة تكون عارف مين سوقك وحتبيع بكام وتكسب كام والمثل بيقول حسن السوق ولا حسن البضاعة- لو فعلاً منتجك كويس فيه مواقع كتير عالمية تقدر تروج فيها لمنتجك زي علي بابا و ECchina وغيرها وكمان لو معاك سجل مصدرين تقدر تسجل في موقع قطاع مركز دعم وتنمية الصادرات اللي كان في الاول نقطة التجارة الدولية وهما حيسجلوا منتجك عندهم ويبعتولك فرص كويسة وكمان حيحطوا الكتالوج الخاص بيك في الموقع الخاص بيهم دي اجابة سريعة لكن عشان نحل المشكلة لازم ندخل في التفاصيل ونعرف المنتج وخبرتك في الموضوع وحاجات تانية كتير
تم النشر السبت، ٢٥ مايو ٢٠٢٤
الشغل عبارة عن ايه طيب
تم النشر السبت، ٢٥ مايو ٢٠٢٤
لعرض السؤال في فدني اضغط هنا