السلام عليكم ..
انا شاب عندي ١٧ سنه كمان شويه هخلص ثانويه عامه و اخش كليه
المهم .. انا عارف انه موضوع مش وقته و لسه حبه بس هو فعلا شاغلني
انا يا جماعه كنت متعلق جدًا بفكرة ان انا ابقي اب و يبقي ليا زوجه و اولاد اربيهم بطريقتي و احس احساس الابوة ، الاحساس بتاع رب الأسره عامًة لحد لما جيت في مره قعدت مع نفسي كده و قولت ازاي ؟؟! .. ده انا اساسًا عندي رهاب اجتماعي و ساعات بكون مش الشخص اللي هو ياخد قرار و هو اصلا متردد ، ومعنديش ثقه بنفسي و بتوتر علي طول ..
او ان انا بردو مش الشخص الجدير بـ إن انا اقدر اتعامل مع بنتي او ابني لو حصلهم موقف في المدرسه .. حد ضايقهم مثلا ، اه ممكن يلاقوني احن اب او زوج في الدنيا و ده اللي انا متاكد منه ، لكن في مواقف انا حاسس ان انا هعجز عن الرد فيها او اتعامل مع الموقف بشكل سليم
دا زائد ان انا عندي وسواس قهري و خايف لما اجوز و اخلف ولادي يلقطو مني الحوار ده
مع بردو ان انا مش شاطر الي حد ما في الحسابات حتي اللي ممكن تكون بسيطه .. بتلخبط و تلاقيني تركيزي ضايع لو حد قالي مثلًا ٤٣ و ٣٣ كام ، دماغي ساعتها بتهنج و مش لاقي حل خالص للحوار
مع العلم بردو ان انا عمري ما اشتغلت في اي حته فـ معنديش خبره بأي حاجه .. و انا اساسًا بردو مبحبش اخرج برا البيت و اتعامل مع ناس في العموم
بعد كل اللي حكيته .. ايه الحل في رأيكم ؟؟
اول حاجه عايزه اقولها انت ما شاء الله عليك فطرتك سليمه يعنى فكرة انا عايز اعمل اسره ة نقطة مش عايز ان أولادك يمرو او يعالجو إلى انت مثلا بتاعتى منها فأنا بشكرك ع تفكرين السليم و فطرتك السليمه ماشاء الله عليك. تانى حاجه ما فيش حد كامل الا رسول الله دى نقطه النقطه التانيه انت معترف بالحاجة النقص إلى عندك انت كده عديت تلت اربع المرحله و الباقى سهل و طول ما انت بتجاهل و تحول و الله ربنا ما هيسيبك. تالت حاجه لازم و لابد انك تخلط بالناس هتعلمك مواقف كتير و دروس اكتر اى نعم للأسف هى بقسوه شويه بس هتتعلم و عشان تعرف تعطى تجارب لاولادك
تم النشر الثلاثاء، ١٨ مارس ٢٠٢٥
وعليكم السلام ورحمه الله وبركاته. خليني اقول لك ان كل الحاجات اللي انت بتتكلم عليها دي دي مهارات نقدر نتعلمها جميل جدا ان انت بتفكر من دلوقتي وده وقت حلو جدا ان شاء الله انت تقدر تاهل نفسك لان كل الحاجات اللي شايف ان هي ناقصه واللي انت محتاج انك تكتسبها وتتعلمها علشان تكون فخور بنفسك كرم اسره وتشوف ان انت قد المسؤوليه اللي انت هتتحط فيها وقد المكان ده وبتكون فعلا مراعي بيتك واولادك بالشكل الانسب ويكونوا فخورين ليك هم كمان فدي حاجه هتقدر تعملها بكل بساطه حاجات من اللي انت بتتكلم فيها انه مثلا انا عندي وسواس طيب انا عندي وسواس ظهري هل بتعالج منه طيب لو مش بتعالج منه ابدا خذ علاج ده لو فعلا انا اصلا متصنف بتشخيص وسواس قهري عن طريق طبيب لكن لو طبعا مش عن طريق طبيب وانا الموضوع كده بس بالاعراضه بالنت ده. ما يعتمدش عليه خالص انا لو شاكك في موضوع الوسواس هروح لطبيب وابدا اشوف اذا كان الموضوع فعلا مرض محتاج يكون له علاج وخطوات واضحه للعلاج ولا لا وابدا ان انا اتعامل فيها من دلوقتي وده اللي هيخليني اوصل عقبال ما اكون اب ان شاء الله اوصل لمرحله كويسه جدا وما قصرش بيها سلبي. اللي حواليا في البيت بتاعي ان شاء الله طيب مساله الحسابات خلي ب ان شاء الله والذريه الصالحه وتقدر تعمر بيت مسلم جميل يكون مليان حنان واخلاق طيبه باذن الله.الك الحسابات دي حاجه عامه عندنا كلنا بسبب ان احنا بقينا معتمدين على الالكترونيات يعني كلنا عارفين ان فيه كالكوليتر فيبقى لها نفسي بان انا اعرف احسب بسرعه وانا في كالكوليتر يعني مفيش مشكله خالص حتى لو فضلت لحد ما اكبر انا بتلخبط في الحسابات عادي جدا في كالكوليتر وانا هعتمد عليها معلش يا حبايبي اولادي انا مش شاطر في الرياضيات وهستنى ممكن تكون اشطر مني عشان انا خلاص للاسف اتعودت استخدم الكالكوليتور عادي جدا دي اسمها ايه بقى دي اسمها تقدير لقدراتي الذاتيه واحترامها وبدون اي مشاكل اعتمد عليها عادي جدا اني اعرف ان في حاجه انا ضعيف فيها وفي حاجه ثانيه انا مميز فيها ده عموما بيكون قدام الولاد ان شاء الله حاجه تخليهم يعرفوا يكونوا واثقين في نفسهم. كل الحاجات المتخوف منها ابدا اقرا فيها دلوقتي يبدا يشتري كتب في النقط النقط التربيه النقط التعامل مع الازمات نقط حل المشاكل كل دي مهارات تقدر تتعلمها بانك تقرا عنها بانك تحضر دوره تدريبيه تقدر تعمل كل الحاجات دي من دلوقتي وصدقني هتكون حاجه ثانيه خالص وان شاء الله تكون اب جميل جدا جدا جدا ربنا يرزقك بالزوج الصالحه.
تم النشر الثلاثاء، ١٨ مارس ٢٠٢٥
المشاكل بتتحل مسألة الرياضه وانك مش كويس فيها مشكله بتقابل ناس كتير جدا من اكتر المواد المعقده بالنسبه لناس كتير حتى انا ابسط معادله بحس انى مش عاوزه وفى فرق بين مش عاوزه ومش عارفه انا بقيت معقده بسببها بس عادي انا بشتغل على حجات تانيه وكده كده كان مجالى ملوش علاقه بالرياضه اوى لاني كنت ادبي معرفش بحكي قصه حياتي ليه لكن المهم إن الرياضه مش مقياس على انك هتقدر تكون اب كويس أو لاء ، كمان بالنسبه انك مشتغلتش قبل كده طبيعي لان سنك لسه صغير واكيد الفرصة مكتوبالك بس ف وقت معين عشان تكون اب كويس لازم تحاول تتعلم حجات كتير زى الصبر وانك تكون سوي نفسياً متستخدمش العنف وتكون حنين وغيرها من الحجات الى اكيد لو ربنا شافها فيك هيرزقك بالأطفال، كمان يعنى ايه جملة انا خايف يكون عندي وسواس قهري وهما يلقطوا منك الموضوع ده ؟ شوف هو فعلا فى نسبه أن الوسواس القهري يكون وراثي بس إن شاءالله ده ميحصلش ولازم تحاول تعالج نفسك منه وإن شاءالله كل حاجه تعدي على خير ، كمان كل حاجه مختلفه لما بنتحط فيها بس اكيد هنلاقي ليها حل الحياه مش دايما مثاليه اكيد سعات هتحس بالعجز وتحس انك مش احسن اب ولا حتى احسن زوج بس كمان لازم تحاول تصلح المشاكل وركز فى امتحانات الثانويه العامه عشان تحكي لعيالك فى المستقبل انت عملت ايه فيها لأن صدقنى انت ف سنه مهمه وابعد خالص حوار العيله دى عن دماغك
تم النشر الثلاثاء، ١٨ مارس ٢٠٢٥
وعليكم السلام ورحمة الله وبركاته، أخي العزيز، بدايةً أشكرك على صراحتك وشجاعتك في مشاركة مشاعرك وأفكارك حول موضوع قد يشغل بالك. من الطبيعي أن تشعر بالقلق والتردد بشأن مسؤوليات الأبوة والعائلة، خاصة في هذه المرحلة العمرية الحرجة. من المهم أن تتذكر أن الأبوة ليست مجرد القدرة على التعامل مع المواقف الصعبة، بل هي أيضًا المسؤولية والحنان والرعاية. القدرات تتطور مع الوقت، ومع الخبرة والتعلم. يمكنك أن تكون أبًا رائعًا حتى وإن كنت تواجه تحديات ناتجة عن الرهاب الاجتماعي أو الوسواس القهري، ولا يعني ذلك أنك غير قادر على التعامل مع المسؤوليات. إليك بعض الأفكار التي قد تساعدك: التعلم والتدريب : خصص وقتًا لتعلم المهارات التي تحتاجها. يمكنك قراءة كتب عن الأبوة أو الاستفادة من الموارد المتاحة عبر الإنترنت. سيساعدك ذلك على الشعور بمزيد من الثقة. العمل على التحسين الذاتي : يمكنك العمل على تطوير مهاراتك الاجتماعية وثقتك بنفسك من خلال الانخراط في أنشطة تطوعية أو الانضمام إلى مجموعات تتشارك اهتماماتك. هذا سيساعدك أيضًا على الخروج من منطقة الراحة الخاصة بك. استشارة مختص : بما أنك تواجه رهاباً اجتماعياً ووساوس قهرية، من الجيد التفكير في استشارة متخصص نفسي. يمكن أن يساعدك المعالجون في مواجهة المخاوف وبناء استراتيجيات للتعامل معها. تقبل نفسك : تذكر أن كل إنسان لديه نقاط قوته وضعفه. تقبل نفسك بعيوبك، واعمل على تحسين الجوانب التي تعتبرها ضرورية. التواصل مع العائلة : حديثك مع الأسرة أو أصدقائك المقربين حول مشاعرك يمكن أن يكون مفيدًا، وقد تجد دعمًا وفهمًا. في النهاية، لا تدع مخاوفك تسيطر على أفكارك حول المستقبل. ابحث عن الدعم وافتح قلبك لأفكار جديدة، فأنت لست وحدك في هذه الرحلة. الأبوة مسؤولية عظيمة، ولكنها أيضًا تجربة مليئة بالحب والمشاعر الجميلة التي تستحق العناء. وفقك الله في مسيرتك وبارك في خطواتك.
تم النشر الاثنين، ١٧ مارس ٢٠٢٥
بكره تكبر وتبنى بيت وتبقى احسن والرهاب اللى عندك يروح
تم النشر الثلاثاء، ١٨ مارس ٢٠٢٥
ركز في اللي موجوده..... حاليا لان هتتعب نفسك آوي بس حلو إنك عرفت انت محتاج تظبط أي في نفسك....
تم النشر الثلاثاء، ١٨ مارس ٢٠٢٥
كل ده هل يتحل ركز في دراستك و نظم و قتك و حل المشاكل الي عندك الي كلنا مرينا بيها و تجنب البيئه السيئه من الاصدقاء
تم النشر الثلاثاء، ١٨ مارس ٢٠٢٥
متقلقش انتا لسه صغير ولسه العمر قدامك وكلنا مرضي بس باشكال مختلفه ياحبيبي ربنا يكرمك في حياتك ويوفقك يارب
تم النشر الثلاثاء، ١٨ مارس ٢٠٢٥
لعرض السؤال في فدني اضغط هنا