انا بنت عندي 24 سنه من حوالي 14سنه كانت فيه مشكلة مع بابا ووقعت في الأرض بكهربا في كل أنحاء جسمي وشلل وبعديها فقت وبقيت تمام وبعديها كل ما ازعل يحصلي كدا المشكلة مش المرض لأنه والله ما فارق المشكلة أن ابويا بعد ما انا كنت المفضلة عنده بقا يكره النفس الي بتنفسه يكره يشوف ضحكتي ويكره يسمع صوتي لو لاقاني باكل يتعارك ويسخن امي عليا ملحوظه امي جتلها جلطه ومبقتش تشوف وهيا كمان مش حاسه بيا بتسمع الي بيقوله وبتصدقه بكلمها عادي بس بكون ببكي مش بتحس بالنغزة في قلبي أو الفرق في صوتي بفكر انتحر حاسه مافيش حل تاني عشان احسسهم بالذنب عاوزاهم يعرفون قيمتي حتى لو بعد فوات الاوان
عزيزتي، أود أن أقول لك أن مشاعرك مهمة جدًا، وآلامك لا يمكن تجاهلها. أسمعك وأشعر بمدى الحزن الذي تعانين منه. العزلة والشعور بعدم الحب، خصوصًا من الأهل، يمكن أن تكون تجارب مؤلمة جدًا. لكن يجب أن تفهمي أن التفكير في الانتحار ليس الحل. مقدار الحب والاحترام الذي تبحثين عنه من عائلتك ليس الأمر الذي يحدد قيمتك كشخص. أنت قيمة في حد ذاتك، ومؤهلة للعيش حياة ملؤها الأمل والسعادة. من المهم أن تبحثي عن الدعم، سواء من أصدقاء موثوقين، أو أطباء نفسيين، أو مستشارين، الذين يمكنهم مساعدتك في تخطي هذه المشاعر الصعبة. قد تكون مشكلتك مع والدك نتيجة لأمور قد لا تكوني قادرة على فهمها بالكامل، ولكن تذكري أن تصرفات الآخرين لا تعبر عن قيمتك الشخصية. فالمشاعر السلبية التي يشعر بها والدك ليست انعكاسًا لشخصيتك، بل تعكس مشاكله هو. حاولي أن تتصدري على أفكارك السلبية، وابحثي عن نشاطات تجعلك تشعرين بالسعادة أو تواصلي مع أشخاص يميلون إلى دعمك. أنا هنا لأساعدك، ولا تترددي في طلب المشورة من محترف نفسي، فصحتك النفسية تهمني وتستحق الاهتمام. الحياة يمكن أن تتغير إلى الأفضل، ويجب أن تمسكي بالأمل.
تم النشر الأحد، ٩ فبراير ٢٠٢٥
السلام عليكم ورحمه الله وبركاته. في حلقات مفقوده كتير في القصه اللي انت بتحكيها او في مجمل الموضوع اكيد طبعا ان التفاصيل كثير وكانت صعبه تكتبيها بس حاجات كثير بتفرق انت حصل لك حاجه غصبا عنك ممكن تكون حصلت لك بسبب ضغط عصبي من موقف او من موضوع والدك نفسه ما كانش شايف ان ده موضوع مهم وما كانش شايف انك المفروض يحصل لك كل الوقعه دي بسبب موضوع مش مهم وده ممكن يكون جزء من بدايه انه هو يكون معترض على شخصيتك فلذلك مكانتك تبدا تتغير عنده. مع تكرار الموضوع اكيد والدك بدا يشوف باتجاه الماء انك بتدلعه يعني انا ممكن د اييي كوني ان هم هم الاثنين متفقين على نقطه ان انت.ه بس اللي انا قادره اجمعه من اللي انت حكيتيه لو في حاجه ثانيه حصلت هي يعني اثرت على علاقتك بوالدك ممكن تقوليها علشان نحاول نشوف الصوره اوضح ونحاول نساعدك. انا مستغربه جدا انه رغم اللي حصل لوالدتك الا انك بتلومي عليها يعني والدتك نفسها في وضع صحي صعب قلت ان هي قالت لها جلطه وما بقتش معترضين على تصرفاتك فهنا احنا عايزين نفهم اكتر هو انت تصرفاتك تجاههم بتكون ايه هل دائما بتطلبي ولديما بتعتردي ولا دايما مش عاجبك الحال ولا دائما منتظر اهتمامه وانت مش بتقدمي حاجه النقط دي كلها تفرق النقط دي كلها تفرق ليه لانه العلاقات رايح وجايه وخذوا هات مش مش العدد هنا ان احنا نقول انه المشكله عندك الهدف هنا احنا فعلا نفيدك بجد فالاستفاده بجد ان احنا نقيم الوضع صح علشان خاطر نقول لك التحليل الصح والنصيحه اللي فعلا تقدري توصلي بتشوف يعني انا مش قادره افهم هو كده هي فعلا فقدت بصرها ولا انت تقصدي ان هي هي كمان ما بقتش شايفاكي او ما بقتش لما بتشوفك في وضع سيء بتعمل اهتمام يعني للوضع ده.
تم النشر الأحد، ٩ فبراير ٢٠٢٥
عندي اخت زيك و تابعت مع دكتور اسمه عبد الله عبد العظيم عند شارع السبق لو تقدري تروحي تكشفي عنده و ان شاء الله تخفي زيها ابوكي ممكن حاسس بالذنب و مش عارف يتعامل معاه و كل مبيشوفك يفتكر اللي حصل، اقعدي معاه و كلميه و صاحبيه و امك الله يشفي عنها مش بتكرهك وحتى هو كمان مش بيكرهك بس مش عارفين يوصلولك شعورهم تجاهك كويس و بلاش تاخدي الامور على اعصابك اتعلمي ازاي تضبطي نفسك عشان كل متزعلي اكتر و تتعصبي هتلاقي نفسك وقعتي تاني فبلاش تعصبي نفسك على اي حاجة ، الدنيا فانية مفيش حاجة فيها مهمة اهم حاجة هي العبادة ،قربي من ربك في الشهر الكريم ده و ادعي اختي حاليآ خفت تمامآ و شايلة البيت كله بعد وفاة امي و بتتضغط احيانآ بس بتسيطر على نفسها كويس بحيث انها متتعبش تاني ربنا يعينك و يوفقك و يشفيكي ان شاء الله و الانتحار ده حل مؤقت آثاره هي الخلود في جهنم ، هل يومين حزن اهلك هيعيشوهم على وفاتك و بعدين ينسوكي اهم؟
تم النشر الأحد، ٩ فبراير ٢٠٢٥
مشكلتك مش بسيطة، وأكيد وجعك اللي حاسة بيه مؤلم جدا.. عارف إنك موجوعة، وحاسة إن الدنيا ضلمة حواليك، وإنك وحيدة في معركتك، بس صدقيني، اللي بتمري بيه مش نهاية القصة، دي مجرد مرحلة وهتعدى.. واضح إنه فيه صدمة نفسية بسبب علاقتك بوالدك لما حسيتي إنك فقدتي مكانتك عنده بعد الى حصل.. وده خلاكي تحسي إنه بيكرهك، رغم إن ده ممكن يكون مش حقيقي، لكن دي مشاعرك وحقك تحسي بيها.. وواضح إنك حاسة إن صوتك، ضحكتك، وجودك نفسه مرفوض ومنبوذ من أقرب الناس ليكي، وده أكيد بيخليكي تفكري في أفكار سوداوية وانتحارية طبيعى لان مش شايفة حد بيحبك ولا بيقدر وجودك.. و غياب الدعم من مامتك مش قادرة تتعامل مع الوضع.. ممكن يكون هيا كمان مضغوطة و مش قادرة تشوف اللي بيحصل، وده بيزود إحساسك بالوحدة.. تعالى نفكر سوا ممكن نعمل اى يخفف عنا ولو جزء.. اول حاجة ابعدي عن فكرة الانتحار فورا.. حقيقي الحل مش في إنك تختفي.. الانتحار مش حل، هو مجرد سرقة لفرصة النجاه يمكن تفتكري إن الموت هيريحك.. بس فكري للحظة، لو استنيتي لو صبرتي لو لقيتي طريق للخروج من الدوامة دي، ممكن تعيشي حياة عمرك ما كنتي متخيلة إنها هتبقى ملكك.. هل تستحقي تحرمي نفسك من الفرصة دي؟.. الانتحار مش هيعوضك عن الحب اللي مفتقداه، بالعكس هيحرمك من الفرصة إنك تحققي ذاتك وتلاقي ناس تحبك بجد.. دوري على مصدر دعم.. لو العيلة مش بتقدم ليكي الدعم اللي محتاجاة فكري في صحباتك قرايبك، اى حد قريب منك جدا تقدرى تتكلمى معاة وتقولى كل الى مضايقك دا هيريحك شوية من عذاب التفكير... فكرى انك تواجهي والدك.. ممكن يكون صعب بس جربي تفتحي معاه كلام بسيط عن اللي حاسة بيه، يمكن يكون مش واعي بمدى تأثير تصرفاته عليك..اتكلمى معاة من بنت بتكلم ابوها ومتشعقلة فية.. أنتي مش قليلة ولا عبء على حد.. اللي بيتجاهلك أو بيعاملك بطريقة جارحة هو اللي عنده مشكلة مش أنتي.. قيمة الإنسان مش بتتحدد برأي الناس فيه، قيمتك من جواكي من روحك، من قلبك من اخلاقك وتعاملاتك عاوزك تهتمي بنفسك حتى لو كل الناس بعدت.. أنتي عندك نفسك.. حاولي تطوري مهاراتك.. تشتغلي على حاجات بتحبيها، وتثبتي لنفسك قبل أي حد إنك قوية وقيمتك مش مرتبطة برأي أي حد فيكي.. خليكى عارفة ان الناس مش دايما هتديكي الحب اللي تستحقيه، بس ده مش معناه إنك مش تستحقيه أحيانا بنحط مشاعرنا في ناس غلط ما بالك انه اهلنا..وبنتعلق بأمل إنهم يتغيروا، بس الحقيقة إن مش كل حد عنده القدرة إنه يحب بالشكل اللي إحنا محتاجينه.. لو أبوكي مش قادر يعبر عن حبه ليكي ده مش ذنبك ومش معناه إنك مش جديرة بالحب.. في ناس في الدنيا هتحبك بجد، ويمكن لسه ماقابلتيهمش، بس ده مش معناه إنهم مش موجودين.. لازم تبقى عارفة ان الحزن مش ضعف، بس الاستسلام ليه هو الضعف الحقيقي.. طبيعي تحسي بالحزن، طبيعي تتألمي، بس الأهم إنك ترفضي تفضلي غرقانة في الألم والوجع دا.. أي حد في الدنيا مر بظروف قاسية، كان قدامه طريقين ، يا اما يستسلم، يا اما يقف على رجله ويثبت إنه أقوى.. وأنتي أقوى، حتى لو مش شايفة ده دلوقتي.. لو في إمكانية.. زوري طبيب نفسي لأن الأفكار الانتحارية مش حاجه سهلة، وهي دليل على إنك محتاجة حد يساعدك تخرجي من الدوامة دي بطريقة صحية.. أنتي تستحقي حياة أحسن والحياة مش هتفضل كده.. اللي حاسة بيه مؤقت، وهتقدري تتغلبي عليه لو بدأتي تاخدى خطوة لقدام.. الحياة لسه مخبيالك حاجات حلوة، حتى لو مش شايفاها دلوقتي عارف إنك فقدتي الأمل، بس فكري فيها كده.. فيه ناس اتمنوا يختفوا زيك.. لكن قرروا يستمروا، وبعد فترة لقوا حاجات تستحق العيش.. يمكن بعد سنة، بعد سنتين، تلاقي نفسكِ في مكان مختلف تماما، وتشكري ربنا إنك ماخدتيش القرار الغلط النهاردة.. صدقيني، هتعدي وهتبقي كويسة، وهتفتكري اليوم ده وتفتكري إنك كنت على حافة الهاوية بس اخترت الحياة واخترتي نفسك.. أنتي تستحقي الحب، وتستحقي السعادة، وتستحقي الحياة...فكرى كدا واتأكدى من كدا..وربنا يرزقك الخير..واسف لو طولت ف الاجابة..
تم النشر الأحد، ٩ فبراير ٢٠٢٥
انا فاهمه و مقدرة شعورك كويس اووي بس طول ما انتي منتظرة انك هتحسي بشعور احسن لما تغيري وجه نظر مامتك و والدك عنك طول ما انتي هتفضلي واقفه في حياتك اللي هو حاولي تمشي امورك لما تيجي تتكلمي معاهم شغلي عقلك متشغليش قلبك اللي هو انتوا مش متقبليني خلاص عارفه ان الموضوع مش سهل بس هييجي بالممارسة و باحساسك ان مشاعرك غالية و الدنيا مش مستاهله ، من الآخر كده شوفي اللي ريح نفسيتك و اعمليه لو بيتعبوا نفسيتك حاولي تعزلي نفسك عنهم و ركزي في مستقبلك لو والدك مثلا بيزعق علي حاجة معينه بلاش تتعترضي علطول لا حاولي تجاريه و ده مش عشانه لا ده عشانك حتي لو عارفه انه هو غلط ، حطي نفسك من اهم اولوياتك و ساعتها هترتاحي شوية و مش هتفكري فالانتحار ، اللي مخليكي تفكري فالانتحار انك مشيلة نفسك ذنب كرههم ليكي فانتي اوعي تفكري كده و ربنا يهديكي ويهديني و يهدي الناس كلها و بس كده
تم النشر الأحد، ٩ فبراير ٢٠٢٥
الانتحار طريق الڪفر والعياذ بالله غيري حياتك حاولي تصبري احسني علاقتك معاه يمكن يتغير ربنا ينصرك.
تم النشر الثلاثاء، ١١ فبراير ٢٠٢٥
وتمر الشهور والأعوام وينسون وجودك من الأساس .. ويكملون حياتهم بشكل عادي .. بينما أنت تكونين قد خسرتي دنيتك وآخرتك . إذا ليس الانتحار حل، فلنرجع خطوة للوراء ونفكر في حل آخر .. ولنبدأ من بداية حديثك وتغير مشاعر والدك ناحيتك إلى النقيض، ولتفكري قليلا وتتسائلي هل حدث فجأة .. أم أنه سبق هذا التغيير في المشاعر أمور أخرى قد تكون سببا في تغير مشاعره وبالتالي فيمكننا التعامل مع ما حدث واصلاحه ربما بالحديث مع والدك ومصارحته بمشاعرك وخلافه. لا أبرر طبعا لوالدك ولكن اتساءل .. ثم أنني اشتم في حديثك الكثير من وقت الفراع. وربما الحل يكمن في اشغال نفسك بما تحبي ويفيدك بحيث تقطعي على عقلك طريق التفكير في هذه الأفكار الضارة والبائسة. وإن كان في استطاعتك الاستعانة بطبيب نفسي فافعلي ذلك بلا تردد فهو قادر على مساعدتك على تفريغ مشاعرك والتعامل معها بشكل صحي
تم النشر الأحد، ٩ فبراير ٢٠٢٥
لا، اتق الله هم هيعرفوا قيمتك وانت تروحي جهنم يعني! ضحيتي بحياتك الاخرة.. بكره كلمة انتحار .. حل غبي وغير عادل.. ممكن تتكلمي مع حد كبير من القرايب يتواصل معاهم لو فيه خلاف ف نقطة معينة، وادعي بالهداية وصلاح الحال.. احيانا فيه امور حلها الوحيد عند ربنا
تم النشر الأحد، ٩ فبراير ٢٠٢٥
طبعا موضوع الانتحار ده مرفوض لانه كفر قوي علاقتك بربنا و كلمي امك او حد من اخوات. باباكي يكون في بينكم ثقه وتفاهم فهميه مشكلتك يمكن يقدر يوصلها ليها بطريقه سهله اهم حاجه بس لو الكلام اللي بتقوله ده عن ابوكي صح يبقا مريض نفسي لانه محدش يكره أولاده وممكن يكون انتي اتسرعتي في الحكم عليه ممكن يكون كان مضايق في الوقت ده ساعات الواحد وهو مضايق من ضغوط الحياه بيتخانق من مع اي حد بدون سبب احتمال بس اكيد بيحبك جدا صعب اوي حد يكره أولاده مش متخيلها
تم النشر الأحد، ٩ فبراير ٢٠٢٥
هو في البعد راحه اكيد بس مش معني كده انك تنتحري استغفري بس ربنا كتير وادعي ان ربنا يهديهم وممكن يكونوا متعصبين او عليهم ضغوط بس ومش مهم مين حاسس بيكي من البشر المهم ان ربنا عارف اللي أنتِ فيه وبعدين ده اختبار من ربنا حاولي تقربي منه وانسي مين بيكرهك لانك مش هتستفادي حاجه لا من حبه ولا من كرهه وعيشي حياتك من غير ما تحطي اي زعل جواكي وانبسطي كل النااس اللي في حياتنا دي فترات متخليش اي حد فيهم يأثر عليكي
تم النشر الأربعاء، ١٩ فبراير ٢٠٢٥
لا متفكريش كدا يعني عشان تحسسيهم بالذنب تودي نفسك النار هتمر السنين وهينسوكي ويكملو حياتهم بشكل طبيعي وانتي الي هتكوني خسرتي دنيتك واخرتك ارجعي لربك وصلي ودعي رنا يفك كربك وحاولي تتفاهمي معاهم بهدوء ممكن يفهموكي
تم النشر الثلاثاء، ١١ فبراير ٢٠٢٥
لعرض السؤال في فدني اضغط هنا