ابنى حاليا بيتعالج من الادمان واضطراب سلوكى واكتئاب
قرأت كتير وعرفت يعنى ايه ادمان وكيفية التعامل مع الاضطرابات السلوكية وبحاول اعمل خطة لتكملة التعافى لما يطلع من المصحة
بس مش عارفة اتغلب ازاى يبقا عنده صحبة جديدة
وعندى خوف من المسؤلية هلى هقدر انفذ كل اللى قرأته ام لا. مع العلم انى اتفقت مع اخصائى نفسى لتكملة العلاج بجلسات نفسية وسلوكية
اعمل ايه عشان انجح وميرجعش للادمان تانى
افضل حاجة حضرتك عملتيها وبتعمليها ، هي انك هتتابعي مع اخصائي نفسي ، لان الادمان له ابعاد نفسية كتيرة ، ففهمك وتوعية بقية الاسرة هيساعد الابن جدا. لان الاسرة كلها محتاجين متابعة وتأهيل ، عشان تعرفو تساعدو الابن وتعرفو تتعاملو معاه صح ، مش بس ابن حضرتك اللى محتاج متابعة مع الاخصائي او المعالج النفسي والمفروض ان المتخصص دا ، هو ادرى حد بحالة الابن ، وهو اكتر حد يقدر يقدملك نصايح في التعامل مع الابن ومساعدته على اعادة التاهيل والتاقلم مع الحياة الجديدة بعد التعافي ، واهم حاجة ان بيكون في اسباب اساسية للجوءه للمخدرات والادمان ، اذا اتعالجت ، فبنسبة كبيرة باذن الله هيكون التعافي اسرع ، سواء كانت اسباب اسرية او مشاكل عاطفية او نفسية عند الابن. في جمعيات كتير لما بعد التعافي من الادمان ، بتساعد المتعافي على تكوين صداقات جديدة وادماجه في انشطة اجتماعية ورياضية جنب الدعم والتاهيل النفسي .. عشان يقدر يتجاوز مرحلة ما بعد الخروج من المصحة على خير ويستعيد نشاطه ومينتكسش مرة تانية ، وبردو اسالي الاخصائي النفسي عن الجمعيات دي. دعم الاب والام والاخوات اهم حاجة في رحلة التعافي، التفهم والاحتضان والاستماع مهم جدا ، النصح باللين والصحبة الصالحة اللي تسانده دينيا ومعنويا من اهم اسباب التعافي ، واولا واخيرا الدعاء والتضرع لله بهداية الابن وحفظه.
تم النشر الأربعاء، ٧ أغسطس ٢٠٢٤
استمري في تثقيف نفسك ومتابعة قصص التعافي وتابعي مع المختص دائمًا وبإذن الله تحصلي الخير. نقطة مهمة، وهي اقترابك من ابنك وتوضيح قلقك عليه واهتمامك لأمره، وضحي هذا بلين ورفق. نقطة أهم: وحهي لابنك سؤالًا مباشرًا: كيف يمكنني مساعدتك؟ انظري لعلك لا تري الأمور من المنظور الذي ينظر هو منه. جبر الله قلبك في ابنك.
تم النشر الأربعاء، ٧ أغسطس ٢٠٢٤
أولاً، عايزة أقول لك إنك بتمري بمرحلة صعبة، وحاسس بالقلق ده شيء طبيعي. مهم جداً إنك حاسس بمسؤوليتك وبتحاول تتعاملي مع الموضوع بجد. بالنسبة لابنك، التواصل معاه وفهم مشاعره هيكون مفتاح. حاولي تقضوا وقت مع بعض وتتكلموا عن مخاوفه وطموحاته بعد ما يخرج من العلاج. بالنسبة للصحبة الجديدة، حاولي تدوري على أنشطة جديدة أو هوايات ممكن يشترك فيها مع شباب إيجابيين. مثلاً، ممكن يبدأ يلعب رياضة أو يدخل دورات تعليمية أو يعمل تطوع في مكان يحتاج مساعدة. ده هيساعده إنه يكون في بيئة صحية. لا تخافي من المسؤولية، انتِ مش لوحدك، وفي مساعدة من الأخصائي النفسي اللي اتفقتي معاه. حاولي تكوني مرنة ومرتاحلة معاه في العملية، وممكن تسألي الأخصائي عن أفضل طرق للتعامل مع التحديات اللي هتواجهكم. حاولي تحافظي على نفسك كمان، لأن صحتك النفسية مهمة عشان تعرفي تدعمي ابنك بشكل أفضل. اشغلي نفسك بهوايات تحبيها، وخدي فترات للراحة. وأهم شيء، كوني واثقة إنك هتقدري تنجحي وتساعديه ينطلق لنهاية جديدة ومشرقة!
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا