ليه الاهل بيخافو من تدين والتزام اولادهم وياريت تكون اجابه مقنعه
اتوقع ممكن بيبقوا خايفين ان ابنهم لما يلتزم هيعلقلهم ع الحاجات الحرام اللي بيعملوها وف اعتقادهم انه كدا هيوجعلهم دماغهم وممكن بردو بحس ان اعتقاد الاهل ان ابنهم لو التزم دا هيبعده عنهم وهيعمل حواجز بينهم ودا طبعا مجرد راي مش اكتر
تم النشر الاثنين، ٨ يوليو ٢٠٢٤
طيب، الحكاية مش ان الأهالي بيكرهوا التدين أو الالتزام بالعكس. بس في عوامل كتيرة بتخليهم يقلقوا. أولًا، في بعض الأهالي بيفكروا إن التدين ممكن يخلي ولادهم يتشددوا في التفكير والطريقة اللي بيعيشوا بيها حياتهم، وده ممكن يعزلهم عن الناس حواليهم. هما خايفين إن الولاد يتجهوا لطريق متطرف بدل معتدل. ثانيًا، في بعض الأهالي بيكون عندهم خبرات قديمة أو سمعوا قصص عن أشخاص اتشددوا ودخلوا في مشاكل كتير أو ابتعدوا عن العيلة والأصدقاء. ثالثًا، في بعض الأحيان بيكون الأهالي مش متأكدين من الأفراد أو الجماعات اللي الولاد بيتبعوهم، فبيخافوا إنهم يتأثروا بفكر خاطئ أو ناس مش كويسة. وأخيراً، بعض الأهالي بيشوفوا إن التدين مش يتعارض مع التطور والحداثة، فبيخافوا إن الولاد يتخطوا بعض الفرص في الحياة زي التعليم أو العمل. المهم، التدين حاجة حلوة ومهمة، والأكيد فيه أهالي بيفتخروا بالتزام ولادهم بالدين. المهم يكون في توازن وفهم وتواصل بين الأهالي والولاد عشان كل واحد يبقى مرتاح وسعيد.
تم النشر الجمعة، ٥ يوليو ٢٠٢٤
الأهل شايفين الاتزام و البعد عن الحرام تشدد ، وده بسبب اللأفلام و المسلسات اللي بوظت دماغ المجتمع كله مش الأهل بس مع ان ده مش تشدد ولا انت وحش ولا زي ما فاكرين ، التشدد انك تشوف الدين بيقول تعمل كذا وانت تروح معلي عليه ، يعني ربنا امرنا بغض البصر انت تروح تقول مثلا مش هنزل من البيت 😂 ، او مثلا لو متجوز تقول لمراتك مش هتنزلي مع انها لابسة حجاب شرعي ومفهوش مشاكل بس انت تقولها اي سبب تافه او اي حاجات مبالغ فيها عموما
تم النشر السبت، ٦ يوليو ٢٠٢٤
ده موضوع صعب وكبير اتكلم عليه الشيخ علاء حامد في سلسة معوقات الطريق إلي الله والجزء الثاني منها أساسيات الطريق إلي الله أنصحك إنك تبحث عليهم وتشوفهم هما متوفرين على يوتيوب وممكن يكون عدد المحاضرات فيها طويل شويه بس هي تستاهل
تم النشر الأحد، ٧ يوليو ٢٠٢٤
عشان اغلب الاهالى مربيين عيالهم ومتعودين على قدر معين من الدين فبالنسبالهم اى حاجه زايده عن كدا تبقى غريبة ،شايفين أن الزيادة فى الدين هيتعارض مع الدنيا زى انك لو اتنقبتى مش هيجيلك عرسان مثلا (دا اغلب تفكير المجتمع) او مثلا الشاب لو ركز فى الدين هيقصر على دراسته وشغله ،اغلب الأهالى تركيزها الأكتر على الدنيا ومش متعودين أن الدين ياخد حيز كبير من حياة الإنسان للاسف يعنى
تم النشر الأحد، ٧ يوليو ٢٠٢٤
ادعي الله ييسر الحال ، وواجهيهم ...ليش ما تواجهي !
تم النشر السبت، ٦ يوليو ٢٠٢٤
هو طبعا منقدرش نعمم لان حسب الخلفية الدينية و الاجتماعية و الثقافية للاهل لكن الاغلب بيخاف من التطرف او المصدر اللي الاولاد بيجيبوا منه المعلومة
تم النشر السبت، ٦ يوليو ٢٠٢٤
لعرض السؤال في فدني اضغط هنا