انا كنت في علاقة حب مع نرجسي كان مفهمني انه بيحبني و انا كمان حبيته جدا و مع الوقت اتعلقت بيه كل يوم اكتر كانت علاقة لمدة4 سنين و في اخر سنة بدأت اكتشف انه نرجسي و بدأت افهم سبب بعض السلوكيات المؤذية جدا و الاهانات و قلب الترابيزة و غيرها.. بس عمري ما صارحته انه نرجسي غير لما لقيته في مرة بيعترف بنرجسيته و بيقول انه هيحاول يعالجها لاني استاهل معاملة افضل ..كان اوقات يبقا كويس معايا و اوقات يقلب لبني ادم تاني كأنه شيطان و يسيبني كتير ميعديش اسبوعين تلاتة الا لما يقرر ينهي العلاقة و يغلط فيا و يشتم و يقول عني حاجات مش حقيقية بتكون المواصفات دي عنده هو لكن بيجيبها فيا و بيكون فخور جدا بنرجسيته و يفرح في تعبي و زعلي و يشمت فيا و يعايرني بالمرض اللي عندي و يدعي عليا بأبشع حاجات و الله و يخونني كتير و انا اكتشف بعدها و اخر مرة اكتشفت انه خانني مع كذا واحدة و لما واجهته قال انتي تستاهلي الخيانة ولازم انتي اللي تتأسفيلي اني خونتك و انا بشوف الاحسن منك مع اني و الله كنت كويسة جدا معاه كنت ملجأه الوحيد بعد ربنا بس هو خانني و قال انه عرف بعدي بنات كتير جدا و بيقول انهم احسن و اعقل مني هو طلعني مجنونة و محتاجة اتعالج
دلوقتي عايزة اسأل عن كذا حاجة اولا ازاي اتعافى من كل الاذى ده و ازاي مصدقش كلامه و تخليه يأثر فيا و ازاي افك حبي و تعلقي بيه تماما
و عايزة اسأل هل هييجي يوم و اشوفه بيطلب مني السماح و بيتحايل عليا حتى لو كدب و تمثيل؟
هل ممكن يحاول يأذيني؟
و عايزة اسأل عن نقطة مهمة فيه ناس كتير بتقول النرجسي مش بيعترف بنرجسيته بس ازاي و هو فعلا نرجسي و كل صفاته بتقول كده هو احيانا كان بيضعف و يكلمني عن انه ضعيف و انه وقت الزعل لما بيقلب عليا بيكون حاسس بضعف و خوف عشان كده بيحاول يأذيني قد ما يقدر ..طب هل هو كده نرجسي حقيقي؟ولا المشكلة فيا انا؟
إنتي بجد أيه جابرك إنك تعيشي في الوضع دا؟ ضيعتي 4 سنين من عمرك معاه!! صدقيني إنتي بتأذي نفسك بوجودك في العلاقة دي أساسا شخص نرجسي ومؤذي وبيهز ثقتك في نفسك بتضحي بنفسك تحت مسمى الحب؟ إهربي يا بنتي وعيشي حياتك وشيله منها لإنك متستاهليش تحطي نفسك في كفة الوحشة وإنك المؤذية وتتأذي علشان مجرد مشاعر لما تبعدي عنه ومع الوقت هتدركي إنها كانت وهم..
تم النشر الاثنين، ١٣ مايو ٢٠٢٤
العلاقة اللي بينكوا دي علاقة سامة ومرهقة واخرتها ضياع وتوهان وعذاب وهتفضلي طول الوقت تداوي وتعالجي وتخسري كل طاقتك وعمرك وفري نفسك لشخص سوي وابعدي عن الشخصي ده واقطعي علاقتك بيه بشكل نهائي واقفلي كل المنافذ اللي ممكن توصله ليكي لأنك هتتعبي كتير اوي لو استمريتي معاه. المشكله فيه هو مش محتاجه سؤال ابعدي عنه فورا.
تم النشر الثلاثاء، ١٤ مايو ٢٠٢٤
بصى انتى المفروض تشكرى ربنا انكو بعدو ومتحوليش حنى لو رجعلك توفقى انتى اى إلى يخليكى تستحملى الطريقة دى ٤سنين وكل مرة اكيد بتأثر على نفسيتك وتتعبى كدة احسن مكنتى تفضلى دلوقتى بيعملك كدة طب بعد كدة هايكون معملتو ازاى
تم النشر الاثنين، ١٣ مايو ٢٠٢٤
حطي فبالك ان وجودك جنبك وتطمني نفسك دا كافيل يخليكي اروع بنوته فالكون ⭐
تم النشر الثلاثاء، ١٤ مايو ٢٠٢٤
تم النشر الثلاثاء، ١٤ مايو ٢٠٢٤
لعرض السؤال في فدني اضغط هنا