هو مش هيفيدك في حياتك إللي باظت دي، فوقي ل نفسك وإبدأي عيشي حياتك وشوفي دراستك وإنسيه، ملهاش حل غير إنك تنسيه وتعتبريه صفحة وإتقفلت تماااما، وتقتنعي إنك إنتي إللي أذيتي نفسك إنك وافقتي إنها تكون مع حد مؤذي بالشكل دا، وزي ما وقعتي لازم تقومي وتساعدي نفسك وترجعي تعيشي وترميه ورا ظهرك هو وكلامه
تم النشر الثلاثاء، ١٤ مايو ٢٠٢٤
بصي بجد إنتي بتأذي نفسك، إنتي متستاهليش تعيشي كل دا وتعيشي في وهم هو خلقه ليكي، بصي متاخديش ولا تقيسي نفسك بلسانه أساسا إنتي قولتي هو شخص نرجسي يعني مريض مينفعش نسيب كل الناس اللي بتقدرنا وبتحبنا ونروح نقيم شخصيتنا من عين حد مريض مثالية وشايف نفسه محور الكون، وأساسا النرجسي حد بيطلع عيوبه على الناس علشان يطلع قدام نفسه هو المثالي والناس إللي وحشة، يعني إنتي أساسا مفيكيش صفات مم إللي هو قالها، وإنتي بنفسك معترفة بدااا. إنتي تقومي تصلي وتشكري ربنا إنه بعد البتاع دا عنك بجد، إعملي له بلوك من كل ناحية وإقفلي أي تواصل ممكن يحصل بينك وبينه.
تم النشر الثلاثاء، ١٤ مايو ٢٠٢٤
طب ليه فوق ما انا متكسرة و مش عارفة اقوم المرة دي ولا عارفة اركز ولا اسمع محاضرات ولا اشوف بني ادم و محتاجة حتى 1% قوة ليه الاقيه بيقولي انتي تستاهلي تسقطي و انتي مش بتاعة نجاح في الحياة انا بعدك عرفت ناس عاقلة و كبيرة معقولة انا مش بتاعة نجاح ده انا الحمد لله بشهادة ناس كتير كنت كويسة و متفوقة دايما المدرسين بتوع ابتدائي و اعدادي لسه فاكرين اسمي و لما يحبوا يشجعوا طلابهم يكلموهم عني و الله مع اني مشيت و سافرت و حتى لما دخلت الكلية الحمد لله بفضل و كرم من ربنا بجيب تقديرات الحمد لله عالية هو كان بينجح مجرد نجاح في الكلية لكن انا بجيب تقديرات عالية الحمد لله ربنا ساترها معايا طب ليه الفترة دي و انا تعبانة و متدمرة بسببه و مش عارفة اذاكر الاقيه بيقولي كده انا و الله خايفة و مش عارفة اعمل حاجة نفسي اذاكر و افهم بس مش عارفة مفيش دماغ ولا تركيز و بقول يارب متستجيبش دعواته عليا و عديها على خير معايا
تم النشر الاثنين، ١٣ مايو ٢٠٢٤
هو سابني اصلا من اسبوعين تقريبا بس و الله هتجنن انا سمعت منه كلام زي السم و الله ضحيت عشانه كتير اوي اوي و في الاخر قال اني وحشة و انه مش معترف بوجودي ولا معترف انه كان بيننا ارتباط و حب و بيقول انه اتعرف على كتير احسن مني طب احسن مني في ايه و الله قدمتله كل الخير و الحب و الحنية ياريتني اخدت 1% من اللي قدمته كل اللي كان بيقدمه كان مزيف و كدب صدقيني قلبي واجعني و مش عارفة اعيش ولا اكل ولا اذاكر بفكر في الموت و بقول اهو تكون دعوته اتحققت كان بيدعي عليا بالموت و بحاجات اوحش من الموت اعمل ايه في نفسي و الله و بفضل افكر كتير اوي مش بوصل لاجابة غير اني بعيط و ادعي و انام عشان اهرب حاسة اني كبرت بدري اوي و شيلت هم كبير للاسف محدش يعرف الموضوع ده انا شايلة لواحدي صدقيني مش عارفة البنات دول احسن مني في ايه عشان يقول انتي متشرفيش و بيتهمني بحاجات و الله مش فيا كان باعتلي اسكرين فيها صور كتير صغيرة عشان اتاكد انه مش معاه صوري انا ملقيتش صوري بس لقيت صور بنات تانية و قالي همسح الاسكرينات عشان متاخديش رقم الفيزا و تسرقي يمكن تطلعي حرامية طب انا و الله ربنا يعلم الحمد لله متربية و بنت ناس و عيني مليانة مش محتاجة حاجة ابدا الحمد لله ظروفي احسن من ظروفه و عايشة في مستوى كويس و لو محتاجة عمري ما اعمل الفعل القذر ده و الله ما تحصل ابدا و قالي انتي نكدية انتي عمرك ما هتتجوزي بشخصيتك دي طب مالها شخصيتي و الله؟ده انا بقدم حب و تضحية و خوف على اللي بحبه و حنية و احتواء مشوفتش في الدنيا دي كلها حد بيحب من قلبه زي ما انا عملت طب ليه انا وحشة؟
تم النشر الاثنين، ١٣ مايو ٢٠٢٤
لعرض الإجابة في فدني اضغط هنا