عندك ثلاث نقاط نقسمهم: اول نقطة : انت حكيتي انك بتفهمي بس ما بتحفظي هي المشكله انا كنت بالضبط هيك اعاني منها فالحل الوحيد اللي كان قدامي انه انا اقرا صفحه كامله بدون فهم قراءه عاديه بس وارجع بعد كمان مره اقراها بتاني شويه وارجع اقراها ثالث مره قراءه برضه وبالمره الرابعه اقراها بفهم يعني امسك كل كلمه افهم ايش معناها وايش بدها والي بعدها كمان وراح افهم ايش معناها وايش بدها وهيك بستوعب اكثر وهي الحل الوحيد اللي زبط معي صراحه.. النقطة الثانية: بالنسبه للنسيان الحل تبعه انو مثلا عندي بالدرس مميزات كذا لازم هنا تحطي الميزات بشجرة او شكل هرم او تاخدي اول حرف من كل ميزة وتجمعيها بكلمة وهيك بتحفظيها اسرع انو المميزات الكلمة المجمعة هي (..) و بتاخدي كل حرف بالكلمة هاي بتحطي فيها الميزة يلي انتي اخدتي منها الحرف وطبعا هاد ببالك مش تكتبيه للمعلمة او لحد عشان تحفظيه لحالك اسهلك.او تاخدي اول كلمة من كل ميزة وتجمعيهم بجملة واحفظي المميزات جملتها كذا. النقطة الثالثة: بالنسبة لليوم والوقت انا شايفة انو انتي بتروحي ع5 ف لبين ما ترتاحي وتقعدي وتاكلي وتكلمي اهلك وجوال وكذا ل 6 ونص اعملي حسابك تكوني خلصتي كل هالشغلات وابدا حطي كتبك واغراضك وجهزي مكانك ونفسك وهيئي امورك للدراسة وشوفي ايش بدك تدرسي وايش تراجعي انو هاد المادة احضر درس بكرة وهاي احل واجبي وهاد اراجع اسئلته وع7 ابداي خلص باول شي انك تحلي واجبات عندك وبعدين ابداي باول مادة ادرسيها مثل ما قلتلك باول نقطة وما تعيني وقت انو مثلا نص ساعة وتخلصيها او ساعتين وتخلصي دراسة كل المواد لانو مش حتنجزي وتخافي لما يقرب الوقت وانتي مش مخلصة ف خاي امورك عالتساهيل ابداي ادرسي من اول مادة لاخر مادة وطبعا بينهم فواصل راحة واكل وهيك وبعدين خلص بتخلصي بتنامي هيك اروق حتى لو ضليتي للساعة 12 بالليل صاحية بتدرسي وبتخلصي موادك احسن من انو تحطي معاد لنهاية دراستك وانتي مش مخلصة وتراكمي ع حالك مواد ودراسة. بالتوفيق الك يارب.
تم النشر الثلاثاء، ١٩ سبتمبر ٢٠٢٣
1 تعليق
ايوه وكمان مسائل فزياء انا بطلع الناتج النهائى من غير ما اعمل خطوات وبطلع صح وغالبا بيطلع غلط،، تمام هعمل كده بإذن الله والله المستعان جزاك الله كل خير يارب
تم النشر الأربعاء، ٢٠ سبتمبر ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك