انا بنت وكنت بحب شاب حب قوي اوييي وارتبطنا بس حصل كذا حاجه وهو رجع لحبيبته القديمه وانا اتأذيت اوي بس هو مكنش يقصد لانه هو كمان كان مأذي من البنت ديه وكان بيحبها اوي فرجعلها بس فضل مابنا الاحترام وهو شخص كويس جدا ومعملش حاجه تدايقني أو تجرحني قبل كده وموضوع رجوعه لحبيبته ده مكنش يقصد يجرحني بيه
المهم أن انا بعدت شويه عنه وبعديها بفتره ارتبطت بشاب تاني هو كويس جدا ومحترم وبيحبني اوي وبيخاف عليا وبيعمل كل حاجه عشان يرضيني وأنا بردو حبيته بس بعد ما ارتبطنا بشهر رجع الشاب الي كنت بحبه ف الاول وقالي أنه ساب حبيبته القديمه تاني وأنه خلاص مش عايزها تاني ف حياته وقد ايه هو ندم على خسارتي واكتشف أن هو بيحبني انا بس كان متعلق بيها هي وان وجودي ف حياته فرق اوي وهو نفسه نرجع وهيصوني ومش هيخسرني تاني وللعلم هو مكنش لسه عرف أن انا ارتبط بشاب جديد..
بس انا لما عرفته قالي خلاص أنا آسف ومستعد اخرج من حياتك خالص وربنا يخليكوا لبعض ويحافظ عليكي.. المشكله أن انا لما كلمني حسيت بانبساط وان لسه جوايا مشاعر ناحيته وخايفه اوي اكون لسه بحبه واظلم معايا الشاب التاني ومش عارفه اخد قرار ايه..
خايفه اكمل مع الشاب الجديد واطلع ف الاخر بحب اهتمامه بس ولسه بحب الشاب الاول واءذيه معايا جامد اوي وهو ملهوش ذنب و ف نفس الوقت خايفه ارجع لحبيبي القديم ويطلع متغيرش بجد ويأذيني تاني فأنا بجد مش عارفه احدد مشاعري واخد القرار الصح ومحتاجه مساعده وحد يدلني اعمل ايه✨
السلام عليكم ورحمه الله وبركاته انا هديكي رئيس الشخصي. ونصيحتي وهي كالاتي ولده ولده سواء حبك لده او حبك لده مشاعرك المتخبطه ده لما يرجع حسيت انه انا بحبه اكثر اللي انا موجوده معاه قبل ما ده يظهر كنت شايفه ان انا بحبه برده حاسه ناحيته بمشاعر لطيفه فمخلينا نقول تاني ولا ده ولا ده وضع كله مش صح لانه المشاعر دي طول ما هي ماشيه في السياق ده مش هتكون صح ابدا ومش هتكون نتيجتها احسن حاجه حابه انك
تم النشر الأربعاء، ١٩ فبراير ٢٠٢٥
هو عموما اي ارتباط من غير خطوبة او حاجه رسمية حرام وشكلك صغيره باين من كلامك ف بلاش تأذي نفسك وتستنذفي مشاعرك فى علاقة ربنا اصلا حرمها حفاظا على قلب وكرامة وحياء البنت معرفش ليه بتعملوا فى نفسكم كده
تم النشر الخميس، ٢٠ فبراير ٢٠٢٥
يعني انتي حبيتي واحد و هو كان عنده حبيبة قديمة رجعلها و هو كان يعرفك وقتها بس مكنش شايفك و استبن او حبك مضمون بالنسباله رجع لحبيبته و لما لقى مفيش نصيب و سابها قال يرجعلك تاني بقي انتي اللي موجودة علطول مدياله الاهتمام، طب تضمني منين أن هو اللي سابها مش هي اللي سابته و هو لسه بيحبها و بيموف اون بيكي ده واحد و ماذا لو شاءت الاقدار و هي رجعت كلمته تاني ندمانة عايزة ترجع و قلبه رجع رفرف تاني ، حب يرجع تاني تعملي ايه ساعتها طب بالنسبة للشخص اللي انتي اتعرفتي عليه بعده و حبيتيه و هو اتعلق بيها مفكرتيش في مشاعره لما تسيبه و ترجعي لواحد كان سابك اصلا علشان يرجع لواحدة انا مش عارف بجد بتعملوا في قلوبكوا كدا ليه و بتلحقوا تحبوا و تخشوا العلاقات دي بسرعة كدا ازاي
تم النشر الأربعاء، ١٩ فبراير ٢٠٢٥
لاتصدقي احد ولا تثقي
تم النشر السبت، ٢٢ فبراير ٢٠٢٥
استخيريي ربنا ومتخديش. بكلام الناس وشوفي ربنا هييسرلك الحال ازي
تم النشر الخميس، ٢٠ فبراير ٢٠٢٥
لعرض السؤال في فدني اضغط هنا