السلام عليكم .. انا بنت عندي 15 سنه مامتي وبابايا منفصلين من وانا لسه صغيره خالص وبابايا بعيد عني يعني ومش محسسني ب حب ولا حنيه ولا كل الحاجات المتعارف عليها واصلا معرفش عنه حاجه بقالي سنين و ولدتي بعيده عني بردو وقررت ف مره اني ادور ع الأجزاء اللي نقصاني زي حب امان حنان سند كل ده دورت عليه بره ف شخص و ارتبطت بولد سنه مش كبير كان 18 سنه وكان كويس جدا معايا وكلامنا كان باحترام عادي بس بعدها بفتره فضل يخوني وهو عارف اني مقدرش ابعد عنه فكنت بسامح عادي لحد اخر مره خاني فيها بعد عني فتره و رجعت اكلمو ع أننا نرجع عشان الشخص ده كان كل حاجه فحياتي كنت بانيه عليه حياتي كلها تقريبا كده وكان فعلا مديني امان ومحتويني وعوضني عن كل احساس وشعور مخدتهوش من اهلي المهم الولد ده دلوقتي مرتبط وسعيد مع البنت الجديده وبيحبها و رافض تماما أنه يرجعلي وانا بحبه جدا ومتعلقه بيه وقت ما بعدنا مكنتش عارفه اعيش حياتي طبيعي وكنت بعيط وكل ده وحاسه أن ده تعلق وم عارفه اعمل ايه ملحوظه احنا سايبين بعض بقالنا ست شهور وانا كل فتره بدخل اكلموا وكده
بصي دا اسمه وهم وهم وهم جوع اهتمام انتي مش محتاجه حاجه من حد بس اعرفي قيمه نفسك كويس ادعمي نفسك انتي محتاجه اهتمام اهتمي بنفسك اشغلي نفسك والولد دا خلاص كانت فتره وراحت، كانت قصه عشان نتعلم منها حاجات تنفعك ف المستقبل إن شاء الله. روحي دلوقتي اغسلي وجهك وابدأي صفحه جديده مع نفسك وبطلي توهمي نفسك. قربي من ربنا اقراي قران روحي كورسات اتعرفي علي ناس وصحاب جديده لو عندك اخوات روحي العبي معاهم كلميهم . رني علي حد من عماتك اتطمني عليهم . ابداي من جديد وامسحي الرقم تبع الولد واعمليلو بلوك .وربنا يوفقك يارب ويعينك
تم النشر الأربعاء، ٢٨ أغسطس ٢٠٢٤
و عليكم السلام و رحمه اللّٰه و بركاته طب ليه مفكرتيش تتعلقي ب ربنا بدل شخص ، مش حاسه ان التعلق بغير اللّٰه مذله ؟ طول منتي قاعده و بتفكري فيه هتدخليلو و دا مينفعش حتى لو رجعلك دي علاقه محرمه المفروض تتوبي عنها حاولي توفري الحب و الحنان و اسعاد الطرف الأخر مع الشخص الصح لما تكبري سنك دلوقتي مش مناسب بس خلاص حبيتيه و مشي الحال الحل انك تبعدي عنو و تقفلي كل الأبواب الي ممكن تخليكي تكلميه يعني لو قدرتي تغيري الخط هيكون افضل ليكي و تبلكيه من السوشيال بشكل عام الي بتعمليه دا ما هو إلا اهانه ليكي افهمي ان مش دا الشخص المناسب و ان عمرو مهيسعدك عشان هي علاقه محرمه و بردو هو عمرو مكان بيحبك هو بس مجرد شاب بيتسلى لإن لو بيحبك كان استنى تخلصي فتره تعليمك و اتقدملك لكن هو معملش كدا انا فاهمه الي حاسه بيه سننا متقارب و فاهمه و انك محتاجه تعوضي الحنان الي افتقدتيه من والدك بس بالطريقه دي مش هينفع انتظري الشخص الصح و ركزي دلوقتي في دراستك و لو فعلا الوضع واصل معاكي للتعلق راجعي مع دكتور نفسي هيساعدك انصحك ب انك تشغلي تفسك ب حاجات تانيه ذي الرياضه هيخليكي تنسي الشخص دا بشكل اسرع و اكيد التقرب من الله عز و جل هيساعدك بردو و اتمنى لكي التوفيق
تم النشر الجمعة، ٣٠ أغسطس ٢٠٢٤
عليكم السلام ورحمة الله. ممتاز أنك تدركين معنى التعلق، وبالتالي من المؤكد أنك تدركين أنه مؤذي بدرجة كبيرة. هو سهل عليك الطريق بابتعاده، الآن عليك العمل على محورين: نسيانه، واستعادة نفسك. نسيانه يأتي من خلال الدعاء والتضرع ابكي لله وقولي كل ما تريدين وبأي طريقة، قولي يا رب قلبي يؤلمني، يا رب اجبر قلبي، إلخ احذفي واحظري كافة حساباته على كافة المنصات، لا تتابعيه، لا تبحثي وراءه، وكلما خطر على بالك لا تعطي نفسك فرصة للاسترسال في التفكير. استعادة نفسك تأتي من معرفتك بنفسك، ونقاط قوتك ونقاط ضعفك ومهاراتك ومواهبك وتفضيلاتك وما تحبين وما تكرهين. بعد المعرفة يأتي التطوير فاعملي على اكتساب عادات جديدة إيجابية وتخلصي من العادات السلبية. كذلك طوري مهاراتك وثقفي من نفسك وضعي لنفسك أهدافًا وأحيطي نفسك بصحبة تعينك على نفسك.
تم النشر الأربعاء، ٢٨ أغسطس ٢٠٢٤
فى البداية كده انفصال والديكي اثر عليكى نفسيا لدرجه كبيره فى المرحلة العمرية دى هتقابلك مواقف وهتحسي بمشاعر كتير وده لان دى فترة المراهقة فكل مشاعرنا وافعالنا بتكون مش واضحه ومتقلبه وبسبب الظروف اللي مريتي بيها بدأت افكارك تتجه انك تعوضي اللي افتقدتيه من خلال الارتباط. مبدأيا مشاعرك فى الفترة دى غير مستقرة ومش واضحة فحاولي انك تبعدي بالتدريج عن الشاب ده لأن اللى مفتقداه مع والدك صعب جدا تلاقيه فى علاقه زي دى ممكن تنتهى فى وقت قصير جدا انك تبعدي ده هيكون من خلال تشتيت انتباهك بأمور تانيه تبعد تفكيرك عنه حاولي تكونى صداقات جديدة وتتعاملى معاهم فكري انك تطوري نفسك وتدعميها وشوفي انتي محتاجه تقوي نفسك في ايه وابدأي شتتي افكارك عن الشخص ده وفكري ايه الحاجات اللى بتحبيها وبتلاقى نفسك فيها واعمليها تانى لو فى رياضه بتحبيها مارسيها هتفرق معاكى جدا وهتزود ثقتك بنفسك خلي بالك العلاقه دى مش هتساعدك بالعكس ممكن تأذيكي نفسيا وهتخليكي واقفه مكانك خليكي قويه وصبورة ولو جتلك الفرصة انك تتواصلى مع بباكي أو مامتك اعملي كده فكري في مستقبلك ودراستك وأنها اهم مرحلة الفترة دى تشغلي تفكيرك بيها
تم النشر الأربعاء، ٢٨ أغسطس ٢٠٢٤
وعليكم السلام ورحمه الله وبركاته. انت جميله عندك 15 سنه بس انت جميله لانك فاهمه ودي اهم حاجه في الموضوع انك فاهمه وانك واعيه انك اصلا لما ارتبطتي بالولد ده وقربتي منه انت كنت عاوزه تاخذي الحاجات اللي ناقصاك مش انك بتحبيه ولا اي حاجه انت حتى مش متعلقه به هو انت متعلقه بالحاجات اللي ناقصاك بالحاجات اللي انت محتاجه تاخديها بس فهمك للنقطه دي يخليك تقدري تبداي تعدلي الوضع ده الوضع احسن بكثير احنا لما يكون ناقصنا حاجات حتى لو احنا هنعوضها من مصادر اخرى غير المصادر الاساسيه بتاعتها لازم برده المصادر الاخرى دي البدائل تكون صح تكون مصادر كويسه مش هابقى عطشانه ناقصني ميه واروح اشرب كحول طب مش عصير يعني انا عندي بديل اللي هو العصير مش هياذيني لكن ما شفتك حولي فاودي نفسي غلط اقول اصل انا كنت عطشان فهنا اللي هتحتاجي تعمليه كل حاجه انت بتستقيها من علاقتك.
تم النشر الأربعاء، ٢٨ أغسطس ٢٠٢٤
وعليكم السلام ورحمة الله وبركاته، أختي العزيزة، أولاً أود أن أعبّر عن مشاعري تجاه ما تمرين به. من الواضح أن تجربتك مع الحب والخيانة قد أثّرت بشكل عميق على مشاعرك، ويجب أن تعرفي أن ما تشعرين به هو شعور طبيعي بعد تجربة صعبة كهذه. أرى أن هناك العديد من العناصر المهمة التي يجب التركيز عليها في حياتك في هذه المرحلة. لديك رغبة ملحوظة في البحث عن الحب والدعم، ولكن يجب أن تدركي أن العثور على السعادة والأمان لا يعتمد فقط على الارتباط بشخص آخر. إليك بعض النقاط التي قد تساعدك: التعرّف على الذات: استغلي هذا الوقت لاكتشاف نفسك وهواياتك وأهدافك. قد يساعدك هذا في بناء ثقتك بنفسك. الصداقة والدعم الاجتماعي: حاولي أن تظلي قريبة من أصدقائك وعائلتك الذين يمكنهم تقديم الدعم العاطفي. الصداقات الجيدة تعزز من شعور الأمان والتعافي. المشاعر والسماح: من المهم أن تتقبلي مشاعرك وتسمحي لنفسك بالحزن. لا تترددي في التعبير عن مشاعرك بطريقة صحية، سواء من خلال الكتابة أو الحديث مع شخص تثقين به. الابتعاد عن العلاقات السلبية: إذا كان الشخص الذي ارتبطت به غير ملتزم ولا يظهر الاستعداد للعودة إليك، قد يكون من الأفضل أن تتخذي قرارًا بالابتعاد عنه والتركيز على نفسك. المستقبل والأمل: تذكري أن الحياة مليئة بالفرص الجديدة، وأن الحب الحقيقي سيتحقق عندما تكونين في حالة من القوة والاستقلالية. يمكن أن تكون هذه المرحلة صعبة، لكن عليك أن تتذكري أن كل تجربة يمكن أن تعلمك شيئًا جديدًا. احرصي على الاعتناء بنفسك والبحث عن ما يجعلك سعيدة ومكتفية. وفقك الله في كل خطواتك.
تم النشر الأربعاء، ٢٨ أغسطس ٢٠٢٤
لعرض السؤال في فدني اضغط هنا