انا كان ليا واحدة صحبتي في المدرسة البنت دي مكنتش بتحبني وده كنته بحسه من ناحيتها كنت بحس انها بتغير وتحقد علي بسبب او بدون سبب يعني لو شافتني في يوم شكلي حلو تعاملني وحش او لابسه حاجه حلوة تفضل تكرهني فيه و لو نزلت صورة عادية تقولي انتي بتتصوري كده ليه وتفضل تكرهني في شخصيتي وكانت انسانه مستغله يعني لو كنا في كانتين بتاع المدرسة عايزني اروح اجبلها معايا وده عادي مش فارق معايا بس لما بطلب منها حاجه مترضاش تجبهالي ولو مثلا مرضتش اجبلها حاجه معايا او اصورلها ورق الاقيها كاتبه كلام علي تويتر زي ان انسان سوي هو اللي بيحب الخير وهو اللي بيساعد رغم ان انا مقصرتش معاها بس ساعات بتخنق منها ومن طبعها وانا بجيب اعلي منها وبخاد درس زيادة عند مدرس شاطر بس هي مبتخدش عنده فكنت بصورلها الورق بتاعه بالحصه معايا وبعدين في مرة اتقفلت كدا منها وحاستها كدا مش سالكة فمبقتش بصورلها معايا ورق درس لاقيتها قلبت عليا وكانها عدوتي بس كانت برضوا بتمشي معايا عادي وكنت حكتلها عن موقف بيني وبين صاحبتي قديمة وموقف ده ضايقني لاقتها بتعمل زيها بالظبط وكانت دايما تشوف ايه اللي بيضيقيني وتعمله ولما ازعل منها تيجي تعتزرلي وبعدةكداعرفت ان حاجه دي ضايقتني تفضل تعملها فانا بعدت بعيد عنها مسبتنيش في حالي فضلت تروح عند اصدقاء اللي مابينا والاقيها بتعيط وزعلانه حتي مفيش واخدة من اصدقاء دول غلطوه فضلوا يقولولي حرام عليكي دي بتحبك وان انا وحشه وطلعتني غلطانه بعد كل اللي عملته واجهتها قالتلي كلام وحش زي ان اناقلبي اسود ونيتي سية واول لما قطعت علاقتي بيها لاقتها بتلقدني في كل حاجه طريقة كلامي ولبسي وبتتصور نفس الصور اللي انا بتصورها وحتي شخصيتي اللي كانت بتتتريق عليها بقيت بتعمل زي بالظبط ومسحت رقمها لاقيتها نزلت وتس ذهبي وبقت بتعرف اخباري ومرة واحدة المشكله ومعرفش هي عملت كدا ليه وبسببها بقيت بخاف من الناس وكنت بقعد طول اليوم افكر في تصرفاته اتجاهي ومش عارفه اتخطاه
بصي اول حاجة مش لازم كل الناس اللي بنثق فيهم بيطلعوا قد الثقة دي لا ومش لازم اول حد تتعرفي عليه يبقي هو اكتر صاحب كويس ثقي في الناس زي ما في ناس كويسة في ناس وحشة بس عايزاكي لما تثقي فيهم اول حاجة متديش الثقة الكاملة و في نفس الوقت شوفي المواقف والمواقف اللي بتبين مش الكلام ، من اول موقف لقيتي الشخص اللي قدامك ده مش كويس ابعدي فوراً عشان متتعبيش بعدين و صدقيني في ناس كويسة كتير زي ما في الوحش في الحلو في كل حاجة ادعي ربنا يرزقك بحد شبهك وحد كويس دايما و أنه يبعد عنك كل شر
تم النشر الاثنين، ١٩ أغسطس ٢٠٢٤
الموضوع سهل محدش مضطر يصاحب حد مش مناسب ليه دا مش فرض او للزم اتقبل شخص مش مناسب ليا دا صاحب وليس شخص مفروض عليا او أحد من عائلتي من اللحظه الاوله قيمى الشخص ان كان لا يناسبك او به صفات لا تناسبكى لا تصاحبيه الامر بسيط الاصل فى الصداقه الشعور بالارتياح والسعاده و ترابط أرواحنا لو طيبه صاحبى حد طيب يحبلك الخير يشوفك بالطريقه الى تحبيها نوايا كويسه لا يحقد عليكى الصاحب ليه عامل كبير فى صحتنا النفسيه لذلك اختارى بعنايه عشان سنك لسه صغير متدخليش ف ازامات نفسيه مهم جدا سلامتك النفسيه قبل أى حاجه فى حياتك عشان الانسان عباره عن نفسيه فى مثل بيقول الصاحب ساحب والطيور على اشكالها تقع، اختارى المرايه الى تحب تشوفى نفسك فيها متختاريش مرايه مكسره وبيها عيوب وترجعي تقولى انا شايفه نفسى فى المرايه وحشه عشان المرايه مش حلوه وشكرا
تم النشر الأحد، ١٨ أغسطس ٢٠٢٤
أفهم قدا إنتي زعلانة ومتضايقة من الوضع ده، وبصراحة، وجود صديقة سامة زي دي ممكن يكون متعب جدًا. أول حاجة، حاولي تفتكري إنك مش مسؤولة عن مشاعرها أو تصرفاتها، وأن الولد الأكيد منه هو إنك لازم تحمي نفسك وعاطفتك. تحديد الحدود: ابدأي حطي حدود لنفسك. لو حسيت إنها بتتخطى الحدود معاك أو مش بتعاملك كويس، مش غلط إنك تقولي لها إن تصرفاتها مزعجة بالنسبة لك. ابتعدي عنها بشكل تدريجي: بعد فترة، حاولي تخففي التواصل معاها. ممكن تبعدي عن محادثاتها أو تتجاهلي بعض مواقفها. فكري في نفسك: استثمري وقتك في نفسك وفي أصدقائك اللي بيدعموك ويشجعوك. حب النفس مهم جدًا. جربي تدوري على نشاطات جديدة تحبيها أو موهبة تكبريها. تحدي الأفكار السلبية: لو بدأت تفكري فيها أو تتأثري بأي شيء قاله، حاولي تتحدي الأفكار دي. قوليلها: “إنتي قوية، ولذيذة، وما فيش حاجة تقدر تصدّك!” استشيري حد مقرب: لو حسيتي إن الموضوع صعب، مرة في مواقف بتكون مش كويسة، حاولي تتكلمي مع حد مقرب مثل أهل أو واحدة صاحبة تثقي فيها. تقبلي مشاعرك: كلنا حسينا بالأذى في علاقات صعبة، من الطبيعي تحسي بالحزن أو الضيق، خليكي مع نفسك شوية وسمحي لنفسك بالمشاعر دي. لا تنسي إنك تستحقي تلاقي اشخاص يكونوا داعمين لك ولشخصيتك. وفي النهاية، اختياراتك هي الكلمة الأخيرة في حياتك. حاولي تركزي على الإيجابيات، وإن شاء الله كل شيء هيكون أحسن.
تم النشر الأحد، ١٨ أغسطس ٢٠٢٤
ربنا هيكتبلك الاحسن بس الصبر
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا