انا عندي مشكله اني اشارك في الانشطه المدرسيه وده بسبب أن انا في مره كنت بعمل بروفه والمس أحرجتني وقالت لي احنا عندنا ناس ممكن تعمل الدور ده بس احنا كنا بنجرب وجوه جديده وقالت لي احنا مش محتاجينك معانا فأنا زعلت عشان حسيت أن انا لو شاركت في أي نشاط هيبقى مليش لازمه ما في غيري يعمل فمعتش بعرف اشارك وللعلم انا شاطره في الدراسه وبعرف أقرأ ومش بتكسف في الفصل بالعكس عادي بس مش بعرف اشارك في الانشطه
السلام عليكم ورحمه الله وبركاته. اولا هعتذر لك بالنيابه عن الميس اللي ممكن تكون يعني وجهت الموضوع بس بطريقه مش لطيفه فسابت عندك اثر مش لطيف خلينا نقول ان الانشطه المدرسيه بتكون فرصه احنا نجرب فيها الحاجات اللي احنا ممكن تكون هي موهبتنا الحقيقيه ممكن تطلع فيها فدي بتكون فرصه الانشطه المدرسيه اعتبريها فرصه فانا دلوقتي اتفتحت لي فرصه في النشاط المدرسي الفلاني ويعني كتقييم المدرسه طلع ان انا ايه مش افضل حد فيه تمام يلا نشوف النشاط اللي بعده اروح اجرب مهاراتي فيه واشوف انا كويسه فيه ولا لأ اعملي ده مع كل الأنشطة المدرسيه لما تعملي حاله التجربه دي هتقدري ساعتها اولا مهما كان اللي هيتقال انت عارفه انك رايحه تعملي ايه؟ رايحه تجربي رايحه تشوفي انا مهاراتي في الموضوع ده او موهبتي في النشاط ده قد ايه في نشاط هلاقي نفسي مش موهوبه فيه خالص في نشاط ثاني هلاقي ان في عندي حاجه اقدر اقدمها بس انا يعني مش اشطر حد وفي نشاط غيره هلاقي نفسي انه انا عندي مهارات كتير وعندي قدره كبيره ان انا ادي النشاط ده وكمان انا احسن حد. جربي كله بمعنى جربي كله فعلا روحي كل الانشطه واتفقي مع كل مدرسين انا عايزه اجرب انا عاوزه اشوف اذا كنت هقدر اعمل ده ولا لا وانفع اعمل ده ولا لا؟ وحتى لو اللي زعلني انت بتقولي انك اللي موجودين فيها كثير لا روحي لان ممكن لما تجربي تلاقي نفسك انت من افضل الناس ويبداوا يختاروكي اكتر من الناس اللي موجوده كلهم.
تم النشر الأربعاء، ١٩ فبراير ٢٠٢٥
مرحبًا، أشكرك على مشاركتك هذه التجربة الخاصة بك. أود أن أقول لك إنه من الطبيعي أن نشعر بالإحراج أحيانًا، خاصة عندما نواجه تجارب سلبية. ولكن لا تدع هذه التجربة تُثنيك عن المشاركة في الأنشطة المدرسية. إليك بعض النقاط التي قد تساعدك على التغلب على هذه المشكلة: تغيير نظرتك لنفسك : عليك أن تدرك أن كل شخص لديه قيمة فريدة. بمساهمتك في الأنشطة، أنت تقدم شيئًا مختلفًا يمكن أن يُفيد الآخرين. لا تقارن نفسك بالأساتذة أو الأصدقاء، بل انظر إلى الجوانب التي تميزك. التحضير والتدريب : إذا كنت قد شاركت في السابق في أي نشاط، حاول التحضير بشكل جيد قبل المشاركة. ما يمكنك القيام به هو معرفة ما هو مطلوب منك والاستعداد لذلك. هذا سيساعدك على زيادة ثقتك بنفسك. ابدأ بخطوات صغيرة : إذا كنت تجد الأمر صعبًا، يمكنك البدء بالمشاركة في أنشطة بسيطة أو صغيرة. هذا سيعطيك الفرصة لبناء ثقتك بنفسك تدريجيًا. التواصل مع الآخرين : تحدث إلى معلمك أو أصدقائك حول مشاعرك. قد يفيدك ذلك في الحصول على دعم معنوي وقد يساعد في تخفيف التوتر الذي تشعر به. تقبل النقد البناء : من المهم أن تدرك أن النقد يمكن أن يكون خطوة نحو التحسن. لا تأخذ التعليقات السلبية بشكل شخصي، بل استخدمها كفرصة للتعلم والنمو. تذكر أن الحياة مليئة بالفرص، ولا يجب أن تتردد في استغلالها. لديك القدرة على النجاح، ولديك أيضًا الحق في أن تكون جزءًا من الأنشطة التي تحبها وتستمتع بها. بالتوفيق!
تم النشر الثلاثاء، ١٨ فبراير ٢٠٢٥
اتكلمي مع حد من زمايلك المشاركين واعرضي عليه التبديل في الأنشطة مثلا أنت مرة وأنا مرة انتباه للمذاكرة للإتنين ودرجات نشاط وتوفير وقت حاولي تقنعيها بكدا وإن شاء الله هتوافق بس اختاري واحدة مقربة اليك و اعرضي الفكرة على المدرس برده بالتوفيق 👍
تم النشر الأربعاء، ١٩ فبراير ٢٠٢٥
شكرا ليكم
تم النشر الأربعاء، ١٩ فبراير ٢٠٢٥
بصي مش عايز اقولك اكيد التعبير خانها او انها قالتها بطريقة مش شيك و كدا لان عموما في حياتك كلها ممكن تبقى شاطرة جدااا و كفاءة و هتتعرضي للرفض ده لازم كدا كدا بيحصل و في اللي هيرفض بطريقة شيك و في اللي هتبقي طريقته محرجة ففي كل الحالات دي حاجة هتتعرضي ليها في حياتك كتير اوي و هي قالتلك مش محتاجين حد دلوقتي عندنا بديل خلاص السبب واضح و مش نهاية الكون هشوف نشاط غيره او مكان غيره و كدا بس تقبلي ان الرفض عموما مش معناه اني وحش او اخاف أشارك بعد كدا لا خالص بشوف مميزات و عيوب الموضوع ببساطة خالص بشوف المشاكل فين و احلها و اروح اشوف نشاط غيره خدي الموضوع ببساطة
تم النشر الأربعاء، ١٩ فبراير ٢٠٢٥
طب ممكن أسأل سؤال هو ايه النشاط اللي ممكن يبقى في الفصل لان انا بحب دراستي ومش هعرف اسيب فصلي وانزل اعمل نشاط والإذاعة فأنا مش هينفع اشارك لان فيها ناس كتير فممكن متقبلش
تم النشر الأربعاء، ١٩ فبراير ٢٠٢٥
بصي انت ما تخافي هي المس محتطش ختم العار على جبهتك يعني ومنعتك من اي انشطة في الدنيا لا، وكمان الأنشطة متنوعة تقريبا كانت في موسيقى او مكتبه ورسم وازاعة حاولي تشوفي اللي يناسبك اكتر وكملي فيه
تم النشر الأربعاء، ١٩ فبراير ٢٠٢٥
لعرض السؤال في فدني اضغط هنا