الواحد بقي فاقد الشغف في كل حاجه حرفيا
البرمجه الكنت بتعلمها علي امل اني الاقي شغل محترم دالوقت بقيت شايف اني خلاص مش لاقي شغل فيها اصلا...
شغلي الحالي بكليتي وحاسس ان شركه النا فيها دي طبيعه شغل ملل ومميته للعقل والروح كله بياكل في بعض حرفيا...
حتي بقيت حاسس بكسل اني اعمل اي حاجه حرفيا اي حاجه حتي لو بسيطه بتبقي تقيله اوي عليا...
مشوش وتايهه وبايظ خالص والدنيا مقفله اوي معايا في كل حاجه حرفيا مش عارف ليه كدا بجد
حتي مكنش لنا حظ في صحاب افضفض وندردش حتي لاني كنت انطوائي جدا ويوم متفتحت في الكليه كانت صداقات عابره زمايل كليه بس ....
الواحد حتي مش لاقي معني لاي حاجه بيعملها عارف احساس أن الحياه بقت خط مستقيم كدا ولا بيطلع ولا بينزل .....
وديما بقلل من اي حاجه بعملها ودي حتي زميلي في الشغل قلهالي حتي 💔 واني ديما شايف كل الناس بتحاول تقلل مني وده مش صح مش طبيعي اصلا
الموضوع بايظ اوي ...!؟ ولا انا عايش دور الضحيه..!؟ بس انا بجد حاولت وتعيت جامد اوي حرفيا كان في فتره بستغل فيها كل دقيقه من وقتي ضحيت بخروجات وتجمعات والخ الخ عشان اذاكر واوصل لهدف وهوب موصلتش ولا حتي قربت بالعكس الدنيا ماشيه في اتجاه تاني خالص.....
انا زهقان اوي من كل حاجه واي حاجه زهقان لمجرد الزهق حرفيا
شكرا ليك على المشاركة التوازن فالحياة هوا السر اللي يغفل عنه الكثير الانسان يهلك نفسه فجانب واحد فقط ويهمل باقي جوانب حياته واما يمل منه يلقي نفسه الدنيا بايظة من كل جانب وملعبه ومش عارف يبدأ منين في استراتيجية اسمها عجلة الحياة والأفضل حد يمارسها معاك ولكن هبعتلك فيديو توضيحي ممكن يساعدك https://youtu.be/E-wJGtS0_VU?si=b72bzqD2v7MCfu6a
تم النشر الثلاثاء، ٧ مايو ٢٠٢٤
ان هو استلم شغل جديد فانت مركز بس البيت اللي بنشوفها بتاعته واو ايه ده والحماسه دي لان هي تحفه دايما بالانبهاج الفظيع ده والكلام ده مش حقيقي الشغف هو بس مجرد تعريف بيعمل فيها التفاصيل بتاعتها فالوقت بيعلي وما بيحسش ان هو مرهق قوي يعني هل معنى كده ان الشخص ده مش هيرهق يعني لا هيورهق لان هو جسد بعيد جدا بعد شويه ومع مجهود كبير هيتفتح وتعمل حاجه حتى لو كان بيقفل عن انه الحاجه اللي عينها يا اما خلاص هي ملهاش طعم غالبا هو اللي مسبب لك عادي نرجع كده شويه للنورمل ونضبط التصور اللي جوه دماغنا ونحط الصور في السياق الواقعي علشان نقدر نحس بحاجات وانت قدامك اكله تخيل تتخيل الطعم وتقول ده انا لما احكي ان في حاجه نورت احلى فجاه ان انا قعدت تعمل مكرونه طعمها حلو وجميله بس ما عملتش فيك اللي انت كنت متخيله على طول فاحنا مش محتاجين نعمل كده يعني مش محتاجين نغرق نفسنا في تخيلات وتعريفات هي مش ففي الاخر اوصل للفرقه. ومتضايق وحاسس ان كل حاجه قليله ومشي تبقى مش عارف اعمل ايه لا الموضوع ان شاء الله بسيط وامس دي والتصورات حط الطول الحمد لله يعني رزق من ربنا عليه يزيدنا ويفتح لنا ابواب.
تم النشر الاثنين، ٦ مايو ٢٠٢٤
فقدان الشغف مرحلة الانسان بيمر فيها بعد ما استنزف طاقته كاملا ممكن اللي انت محتاجه ترتاح شوية و تفضي دماغك من كل افكار و تريحها شوية و مع الراحة دي ممكن تروح تتابع مع اخصائي نفسي يساعدك تتخطى المرحلة دي بسلام بدون التعرض للاكتئاب و ممكن مع دول بردو تجرب حاجات جديدة مثلا روح اركب حصان او تروح ملاهي او تجرب تعمل اكلة جديدة او تجرب تلعب رياضة جديدة مثلا زي تنس الطاولة او باسكت بول او اي حاجة كان نفسك تلعبها و مكنش عندك وقت مثلا ليها و هكذه و ان شاء الله تتخطى المرحلة دي بسلام ❤
تم النشر الأحد، ٥ مايو ٢٠٢٤
كتير مننا نعد نحلم ونخطط ونقول هاعمل كذا وهبقا كذا ونحرم نفسنا من حجات كتير لمجرد اننا منفكرش فى حاجة غير درستنا واهدفنا بس تدبير ربنا بيكون غيرنا وعارف اى الاحسن لينا ممكن نحس لا انا موصلتش وتعبت ممكن ربنا يكفأك بعد كدة بيختبر صبرك ربنا مش بيضيع تعب حد احساسك ان الناس تقلل منك دة مش صح بتهيألك لان انت حاسس بدة احسن حاجة انك خد خطوة تعلم البرجمة لان دى الى هايبقى مطلوب بعد كدة اه ممكن متلقيهاش كتير دلوقتى لاكن بعدين هاتبقى مطلوبة الزمن دة محتاج إلى يقعد يعافر من غير مايوقف ويقول انا تعبت توقع أوقف تانى وأبدأ من جديد إيمانك فى ربنا ثم نفسك دة بالدنيا خليك واثق فى نفسك انك فى يوم هاتوصل مش نهاردة بكرة متوقفش حلمك لمجرد انك لسه موصلتش اسفة على الاطاله
تم النشر السبت، ٤ مايو ٢٠٢٤
ايوا بس بجد خليك فى تعليم البرمجة وطور لان دة هو إلى هيبقا مطلوب لان دلوقتى كلنا مركزين على حاسبات ومعلومات او الذكاء الاصطناعى
تم النشر الأحد، ٥ مايو ٢٠٢٤
اسفة هو ممكن سؤال هى دى كليه حاسبات ومعلومات
تم النشر الأحد، ٥ مايو ٢٠٢٤
و الله يا صديقي و انا نفس كليتك و ظروفك و زيك بالظبط
تم النشر الأحد، ٥ مايو ٢٠٢٤
ان شاء الله خير
تم النشر الأحد، ٥ مايو ٢٠٢٤
بالنسبالي انا( كليه زراعه) وكنت بستثمر وقت الجامعه اني اتعلم برمجه وخلصت تراك mern stack ودخلت علي react native لتطبيقات الموبايل وبعدها احباط ورا احباط ورا احباط لحد مبقالي فتره كببره مش عارف اكمل ومش شايف هدف اني استمر ومفيش اي مؤشر خالص
تم النشر الأحد، ٥ مايو ٢٠٢٤
تقريبا مفيش هنا موضوع الخاص ده
تم النشر الأحد، ٥ مايو ٢٠٢٤
لعرض السؤال في فدني اضغط هنا