هو انا بتجيلي رعشه في ايديا ولما بتخانق او اتشاجر جسمي كله بيترعش وريقي بينشف وخفقان قلب وجسمي خاسس ولو اتصدمت في اي حاجه حتا لو كانت بسيطه بحس بألم جامد وتفكير علي طول عاوز اجابه لو سمحتو
انا لسه شايفه السؤال بتاعك بتاع نوبات الخوف والهلع كده بما انك بتتكلم في نفس الموضوع موضوع له علاقه بانك لما بتتخانق بالذات مع حد او بيكون فيه مشاده كده مع حد فده كده معناه انك حاسس انك مش هتقدر على اللي قدامك حاسس انك دايما اضعف فلينت حاسس انك اضعف. كل اما هتحس نفسك لا تقدر وتبدا تقيم قدراتك صح بمناء على تقييمك لقدراتك تقول انا هعمل كذا ومش هعمل كذا هتقدر تكون مرتاح اكتر حتى لو انت واقف في مرتده. لو طول الوقت شايف انك هتكون اضعف من اللي قدامك وهو يقدر يغلبك لازم طبعا تحس بمجرد ما تقومي الخناقه او بمجرد ما تقوم المشدد لانك شايف نفسك انا كده هخسر. ولو هتفضل حاطط نفسك في الصوره دي هو ده اللي هيفضل يخليك تحصل لك الاعراض دي زياده في ثقتك في قدراتك هتحسن الموضوع كتير ان شاء الله.
تم النشر الثلاثاء، ٢٥ يونيو ٢٠٢٤
الحوار دة طبيعي جدا اي حد وهو بيتخانق بيحس بنفس الحاجات دي حتى لو اللي قدامك انت شايفه انه مش خايف او مش حاسس بحاجة في الحقيقة هو زيك زيه بالظبط ولو كان مين لانها غريزة في مخ الإنسان البقاء على قيد الحياة ف لما بتواجه مشكلة زي دي مخ الانسان بيقلق و بيفرز هرمونات معينة زي الادرينالين لان دة اللي هيساعد الإنسان في انه يضرب او يجري ودة اللي بيسبب الرعشة و خفقان القلب و تعرق كمان اما بالنسبة للصدمة في دي برضوا حاجة طبيعية لنها صدمة في الاول وفي الاخر
تم النشر الأحد، ٢٣ يونيو ٢٠٢٤
السلام عليكم ورحمه الله اهلا وسهلا من الواضح مرورك بضغوط نفسيه شديده و دا الجهاز العصبي عندك مستثار. انتي هنا محتاجه ✴️ تمارين الاسترخاء العضلي الشديد تعمليه مرتين في اليوم مره و انتي داخله تنامي و مره في وسط اليوم. ✴️ تمارين التنفس العميق تعمليه خمس مرات بعد كل صلاه. التمرينات دي هتلاقي فيديوهات ليها علي اليوتيوب. ✴️ الصور الذهنيه ، يعني تفكري في مكان نفسك تروحيه ، و مثلا لو مصيف في المالديف ، فكري في شكل البحر و صوت مياه البحر و شكل الأشجار و الرمله و لونها و الحراره اللي طالعه منها و انتي بتحاولي تمشي بسرعه علشان تقعدي و تستمتعي بشكل البحر ( تتخيلي مكان آخر نفسك تروحيه بهذه الطريقه) مره كدا أو مرتين في اليوم مع إضاءه خافته بلاش يكون النور الابيض العادي شغال. هتلاقي فرق واضح جدا بعد ممارسه التمارين دي. تحياتي لك
تم النشر السبت، ٢٢ يونيو ٢٠٢٤
أيوه، باين إنك بتمر بتجربة صعبة. ممكن تكون الأعراض اللي بتوصفها مرتبطة بالتوتر والقلق. لما بتكون في موقف صعب زي الشجار أو الصدمة، جسمك بيفرز هرمونات التوتر زي الأدرينالين، وده ممكن يسبب الرعشة، وجفاف الفم، وزيادة ضربات القلب. في حاجات ممكن تعملها تساعدك تهدأ شوية: تمارين التنفس : حاول تركز على نفسك وخد نفس عميق وبطيء، وخرجه بهدوء. الرياضة : النشاط البدني ممكن يساعد في تخفيض مستويات التوتر. الاسترخاء : جرب تاخد وقت لنفسك يوميًا للاسترخاء، زي اليوغا أو التأمل. التفريغ : الكلام مع حد تثق فيه عن مشاكلك ممكن يخفف عنك شوي. لو استمرت الأعراض دي أو كانت بتأثر على حياتك اليومية بشكل كبير، ممكن يكون من الأفضل تزور مختص نفسي عشان يساعدك تفهم السبب وتحصل على العلاج المناسب. أنا هنا دايمًا لو محتاج أي مساعدة تانية. 🍀
تم النشر السبت، ٢٢ يونيو ٢٠٢٤
لعرض السؤال في فدني اضغط هنا