انا امي وابويا منفصلين من ساعت ماتولدت وانا حاليا عندي عندي 20 سنه وقعده مع جدتي «ام امي» امي اتجوزت وانا ف 3 ابتدائي كانت قبل ماتتجوز كنا عايشين احلي الايام مع بعض كنا ع طول ف خروجات وفسح وكنت متفوقه ف دراستي لحد مالراجل دا الل جوزها حاليا ظهر في حياتها مع العلم انها اتجوزت مرتين بعد ابويا بس الجوازه التانيه حقيقي انا حياتي ادمرت فيها المهم انا سنه 4 ابتدائي اول سنه ليها جواز شيلت ملاحق مكنتش مستوعبه انها تبعد عني ومن اول سنه 5 ابتدائي لحد 3 اعدادي عشت اسود ايام ف حياتي مع العلم انه قبل الجواز كان قريب مني جدا كان بيعامني زي بنته بالظبط يعني بالمعني كدا خلني احبه اكتر من ابويا الحقيقي وانا من اولي فني امي طردتني وودتني عتد جدتي وقالتلها البت دي هتخرب عليا مع انه وحيات المصحف هو الل كان مبهدلني وهو اللي كان بيشوهلي جسمي بالخرطوم لاسباب اتفه من التفاهه وف نفس الوقت محدش واقف جمبي لانه ببساطه كدا قدر يكسبهم بالفلوس وهم عاوزينه عشان الفلوس وانا حاليا بدعي ربنا يوم بعد يوم انه يطول ف عمر جدتي لان حرفيا انا هموت من بعدها وابويا اه بيديني مبلغ حلو كل شهر لكن بيته غير ادمي واكلهم مش زي اكلنا الاكل بتاعهم تلت اربعه زيت وطعمه غريب دا غيرك انه بيته ع الطوب الابيض ومليان فران انا عشت 5 شهور اقسم بالله رجعت زي الموميا ممكن حد يدلني اعمل لقدرالله وبعد عمر طول لتيته اروح فين ولاعمل اي
اسفة طبعا لكل اللي حصلك. ولكن انتي تقدري تكوني شخص فعلا يعتمد عليه، اللي مريتي بيه اكيد مش سهل. ولكن برده اتمنى اللي مريتي بيه يجعلك اكتر أنك تكوني انسانه يعتمد عليها. وتكوني اقوى. انزلي من دلوقت اشتغلي، لازم تحتكي بسوق العمل، ده هيفيدك جدا في حياتك. محتاجة اسألك هل بيت جدتك لما ينقسم على الورثة هل ينفع أنه يكون ليكي نصيب منه أو جزء مثلا؟ مش عايزين طبعا نسبق الأحداث، ولكن دلوقت لازم تشتغلي وتجيبي دخل ليكي كويس يكون درع حماية ليكي مستقبلا. وعايزة اسألك سؤال تاني هل احد من أقاربك ينفع تعيشي عندهم ولا لا ؟
تم النشر الأحد، ١٨ ديسمبر ٢٠٢٢
ربنا أراد لك الخير بالبعد عنه .. لا قدر الله كانت حياتك هتبقى عامله ازاي لو عيشتي معاهم وهو بيضربك بالطريقة دي من وانتي في السن ده .. الحمد لله إن ربنا قدر ليكي المعيشة مع جدتك ويحفظهالك من كل سوء. مقدرة قلقك وخوفك لو فقدتي جدتك الله يبارك في عمرها .. لكن تأكدي إن ربنا هيسخرلك اللي يراعيكي وتقدري تعيشي معاه .. خلينا نفكر ف ايه ممكن تعمليه لمستقبلك سواء في وجود جدتك أو فقدانها لقدر الله وسواء من بعدها قعدتي مع حد كويس أو لأ. سنك مناسب جداً إنك تشتغلي سواء في مكان قريب مع حد موثوق عشان جدتك متقلقش عليكي أو تشتغلي اون لاين بأي مهارة تقدري تتعلميها .. الشغل هيخليكي تتعاملي مع ناس أكتر ويبني شخصيتك ويطور منها .. وكمان هيأمنلك الجانب المالي بشكل مناسب عشان تقدري تحوشي منه ومن الفلوس اللي أهبك بيدوهالك .. وكل ما تجمعي مبلغ اشتري بيهم حاجه دهب مثلا عشان تحفظي قيمتهم. حاولي تحسني علاقتك بوالدتك ووالدك على قد ما تقدري .. خلي في بينكم معاملهووثقة وأمان عشان لما تيجي تاخدي قرار ف حياتك قدام متلاقيش معارضات كتير أو بمعنى أصح بأقل الخساير. ركزي في دراستك وقوي نفسك في مجالك ده هيساعدك تلاقي شغل أفضل في مجالك وهيساعدك تطوري من قدراتك العقلية ويبقى عندك حلفية ثقافيه كويسه .. لو خلصتي دراسة أو مش مهتمه بمجال دراستك ممكن تقرأي اكتر عن مجالات العمل اونلاين زي التسويق والبرمجة وكتابة المحتوى وغيرهم .. واتعلمي حاجه منهم وطوري نفسك فيها من ناحية يساعدك في الشغل ومن ناحية تقوي شخصيتك وتطوريها. متنسيش تدعي ربنا دايما أنه يطمن قلبك ويبارك في عمر جدتك وصحتها وميضيعكيش أبداً في وجودها أو من بعدها
تم النشر الاثنين، ١٩ ديسمبر ٢٠٢٢
خلينا متفقين ان كل شىء يجرى بأمر الله وانه ا يعلم الغيب الا هو جميل انك بتفكرى ترتبى امورك كلها قبل ما تتحطى فى وضع صعب. الظروف اللى عايشاها طبعا مش هى الظروف المعتادة او اللى بنقول عليها طبيعية ...ورغم كده انتى ذكرتى مميزات و ايام حلوة وسط كل ده اى حل بتفكرى فيه يتضمن ان اهلك تكونى بعيد عنهم وميعرفوش مكانك الغيه تماما ( مهما حصل مينفعش تعملى ده ) نصايح صحابك وهما قاعدين فى بيت اهلهم هى كلام غير واقعى وكأنهم بيحكوا على مسلسل . انتى لا تعلمى شىء عن انك تكونى لوحدك ولا يجوز ان يحدث هذا االا فى اسوأ الظروف( ولا تتوقعى الاسوأ ) وجودك فى بيت ابيكى ( فى حالة انتهى عمر جدتك ) مع التعامل فى امر الطعام واقناع الاب مثلا فى اجراء احتياطات للحفاظ على البيت من الحشرات او غيرة ( كل ده ممكن ولن يساوى مجهود التعايش وحدك فى سن صغيرة ) لعل الله يحدث بعد ذلك امرا ( محدش عارف الايام فيها ايه ) ركزى فى النهاردة ...اشتغلى ..حققى حاجات لنفسك..فرحى جدتك اللى انتى بتتحامى فيها دلوقتى باى حاجة بتحبها. الجأى لمتخصص يساعدك فى التخلص من الحاجات اللى اثؤها جواكى من وقت انفاصل بابا وماما. ارجوكى متسمعيش لكلام حد واختارى صحبتك بعنايه.
تم النشر الاثنين، ١٩ ديسمبر ٢٠٢٢
اسفه ليكي علي كل ال مريتي بيه دا متزعليش مني مامتك اختارت غلط ولو بتحبك هترجعك ليها تاني الجوز ممكن يتعوض الا الضني غالي ربنا يطول بعمر جدتكك يرب وبعد عمر طويل ليها انشالله حاولي تكسبي مامتك دلوقتي مهما تعمل هي ام والرسول عليه الصلات والسلام قال لجنه تحت اقدام الامهات الهروب م حلل انتي ال هتتعبي ونتي بعيده عنها حاولي معاها تاني بينلها حبك ونك محتجاها وهي عمرها مهتسيبك انا معنديش خلفيه عن شعور ايي بس ال اعرفو ان اي ام بتحب بنتها هتضحي عشانها ومتيأسيش عشن رلنا اذا احب عبدا ابتلاه وبجد ال يشوف مشاكل الناس تهون عليه مشكلتو احنا م فجنه وكلنا م اسوياء من جوه عوزين بس ال يمدلنا قيدو الدنيا ظالمه وماعلينا الا نستحمل ونصيحه الهروب م حلل بجد
تم النشر الاثنين، ١٩ ديسمبر ٢٠٢٢
تزوجي
تم النشر الأربعاء، ٢١ ديسمبر ٢٠٢٢
لا مش بدرس
تم النشر الأحد، ١٨ ديسمبر ٢٠٢٢
لا مش هينفع اقعد عشان دي ورث
تم النشر الأحد، ١٨ ديسمبر ٢٠٢٢
وهل بعد عمر طويل إن شاء الله مش هيبقى متاح ليكي تقعدي في شقة تيتة؟
تم النشر الأحد، ١٨ ديسمبر ٢٠٢٢
أنت حاليا بتدرسي في جامعة؟
تم النشر الأحد، ١٨ ديسمبر ٢٠٢٢
لعرض السؤال في فدني اضغط هنا