ما الغرض من الحياة وهذا الكون كله؟ لماذا خلقنا الله من الأساس؟

عندي افكار الي وقتو يسمحلو يقرأ

مش فاهم بجد ايه الي بيحصل دا ان ربنا يخلقنا ويقول اللي هيعمل كذا هيعذبه ويدخله النار واللي يعبدني له الجنة هو ليه من الاول ليه كل دا طب بدل مايعذب العاصي دا يهديه دا مع اعتبار أننا نعبده ونصلي له دا ليه دا كله؟

يعني هيستفيد ايه؟ على قد ما عنيا شافت انا بفكر على قد معرفتي الي خلقني بيها انا بفكر يعني احنا فئران تجارب مثلا و حوار العدل دا أنا من ساعة ما تولدت مهموم و في مشاكل وابتلاءات وحوادث في المقابل أن غيري كويس انا معايا جنيه هو معاه مليون انا مثلا معايا جنيه غيري مش معاه خالص دا ليه الحكاية.

و قصة أنه يخلي فيه دين ويخلينا احنا اصلا بيتلى بينا مثلا مع أنه إله المعنى اللي انا لحد دلوقتي مفهمتوش قوي فلنعتبر أنه هو الفراغ والوجود والمعاني اللي انا بقولها دي اصلا والكلمات دا الي انا اعرفه دا حد تفكيري الي هو خلقني بيه دا كله ليه يعني هو مالك كل شي فكر مثلا أنه يخلق مخلوقات ويبعت رسالة مع نبيين والي مش هيعمل كذا وهعمل وهسوي ونا مالك كل شي ومش عارف ايه طب قبل فلنعتبر أنه له حكمة على أن على حد تفكيري انا مش شايف اي حكمة من تصرف اله هو كل شئ طب قبل ميخلقنا كان فين وبيعمل ايه يعني الزمن دا راح فين مع العلم أن كلمة وتعبير زمن دا دا الي انت عارفه يعني مثلا باعتباره اله هو عارف معاني تانية عارف كل حاجة وليه مبوظ حياتي حياة شخص ضعيف هو خلقه اللي هو شخص لا حاجة واللي هيقولك دا بيحطه في محن عشان يشيله منها وأن مع العسر يسرا وليه من الاول الحوارات ديه ليه دا كله ليييي والقصص دي كلها الحروب ومش عارف ايه الي هي بالنسباله ولا حاجة عايزكو تعرفون اني عندي ١٧ سنة وأنا مسلم على فكرة وبصلي ويصوم وبعمل الحجات الي قال عليها وخلاص بس انا مش مقتنع وانا قائم اصلي الفجر اهو وبرضو مش مقتنع انا بعمل كدة غصب عني دا بتهديد ومش عارف ايه هقولك لي من الاول مكان يهدينا وخلاص وووبسس (انا تايه)

سؤال من احد أعضاء فدني

تم النشر الجمعة، ١٩ يوليو ٢٠٢٤

9 إجابة

سأجيبك من واقع التجربة، لقد مررت بهذه الأزمة منذ قرابة سنة، وسألت عدد من المشايخ ولم أقتنع بإجابة أحد. وذات يوم ترددت في ذهني آية "إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان" يعني الإنسان لم يُجبر طرفة عين. وسأخبرك شيئًا سيريح قلبك، إذا قابلك أي أمر في إشكال أو تشتت قل لنفسك قولًا واحدًا: حاشا لله أن يكون ظالمًا والأمر فيه حكمة لا أفهمها. فقط قل لنفسك هذا القول حتى تدحر شيطانك، وبعد أن تهدأ أفكارك عد وابحث بقلب مطمئن عن الحكمة والمقصد.

تم النشر السبت، ٢٠ يوليو ٢٠٢٤

كلما راودتك هذه الأفكار تعوذ بالله من الشيطان الرجيم الشيطان هومن يفتح باب هذه الاسئلة.

تم النشر السبت، ٢٠ يوليو ٢٠٢٤

كتر التفكير ف الموضوع دا ممكن يؤدي للكفر والعياذ بالله عشان كدا اشغل نفسك ب اي حاجه ومتفكرش ف الموضوع دا ربنا خلقنا عشان العباده والعمل ويشوف هل هنقدر نبعد عن الغلط ولا لا وهل هنقدر نقاوم الشيطان ولا لا عشان الشيطان تحدي ربنا ف انه يخلينا كلنا معاه الا اشد الناس ايمانا لانه عارف انه مهما وسوس ليهم مش هيقدر يخليهم يبعدو عن دينهم ابدا ف انت لازم تعمل ل اخرتك واعرف اننا جايين الدنيا دي عشان نعمل للاخره عشان الدنيا فتره و هتزول لان الحياه فانيه ف لازم تعمل ل اخرتك عشان تكسب ف الاخر ودا هو المكسب الصح

تم النشر السبت، ٢٠ يوليو ٢٠٢٤

السلام عليكم. يعني الحمد لله كان وقت يسمح وقالت خليني اقول لك انت ليه بتفكر كده او ليه بتجيلك التساؤلات دي ومش لوحدك؟ في الاغلبك هتلاقيها جت يعني لكل البني ادمين في مراحل مختلفه. بس انا هقول لك هي ليه بتجي اصلا قبل ما نفكر كده اجابتها هي بتيجي اصلا عشان احنا بنفكر بدماغنا اللي هي دماغ بني ادمين. بنحاول نفهم دماغ يعني الخالق بتفكر ازاي؟ فكانك بالضبط جاب طفل عنده ثلاث سنين وبتقول له تعالى. اقعد في وسط فلاسفه ومفكرين اعمارهم معديه مثلا ال 50 سنه هل الطفل ده هيقدر ان هو يتكلم او يفهم اللي هم بيقولوه او يفهم وجهات نظرهم قوي يفهم الافكار اللي هم مكونينها طبعا انت هتشوف ان ده يعني جنون هو ده اللي بيحصل معانا لما بتجيلنا الاسئله دي ونفكر فيها بالطريقه دي بنحاول بمحدوديه عقلنا وفكرنا اللي هو اصغر بكثير من عقل الخالق اللي خلقنا نفهم فده بيبقى صعب قوي فطبعا هنخبط دماغنا في الحيطه. يعني بشكل كبير مش هنعرف نوصل حاجه. طيب بس انا مش عارف اعيش كده انا مش فاهم دي واحده بقى من التحديات انه نعمل عبد هو اللي يكون فعلا. من كلمه الاسلام هو مسلم تسليم ثاني حتى هو مش فاهم يعني بما ان انا. اقريت انك انت يا الله عز وجل الخالق وانا المخلوق فانت الاله وانا العبد فمعنى كده انه اللي انت هتقوله ان انا اقريت ان قدراتك انت اكبر مني بكثير وبمراحل وانا صغير جدا وعمري ما هفهم اللي انت بتعمله ولا هفهم انت عملته ازاي ولا هفهم انت بتعمله ليه طيب على الاقرار ده انا مسلم تسليم تام لكل احكامك ولكل قراراتك والفروض اللي انت قارضها علي بدون مزحه. وهعملها من غير ما افهم وبدون ما اكون متضايق وانا عندي غصه انه انا مش عاجبني ان انا بعمل وانا مش فاهم هو ده القرار الحقيقي للعبوديه هو ده الاقرار الحقيقي لانه ده اله. عشان كده الناس الثانيه اللي عندهم ديانات اخرى لما بيقروا اله مختلف بينش وراء كلامه لا انا مقتنع بكلامه هو بس مقتنع بكلام الديانه دي بس ليه لان هو في الاساس اقر ان ده الاله بس فما بتلاقيهوش عنده اعتراض بالعكس ده بتلاقيه بيدافع الله هو بيدافع ازاي هل بيدافع لانه الكلام اصلا بتاع الديانه بتاعته ده كلام منطقي هو بالنسبه لنا احنا ممكن لما نسمعه نحط مش منطقي بالنسبه له وهو شايفه منطقي وهو بيقول عليه امين. هي دي النقطه الاساسيه اللي بتخليك تفكر التفكير ده حاول تشوف نفسك بني ادم وهو اله الاول علشان حده الموضوع ده بخف. لو حابب احط لك مثال كمان هو ليه بيعمل فينا كده اللي هيعمل كده ليه خلق مخلوقات ويحطهم اختيارات العذاب والنعيم دي يعني هو الحقيقه انه ربنا ما عملش كده بدون وعي من اييي ربنا لما خلق سيدنا ادم اخرج ذريته كامله اللي هو انا وانت وكل الناس اللي موجوده هنا واللي موجوده في العالم كله قال لهم ان هم يحملوا الامانه والامانه دي هي القدره على الاختيار القدره على ان انت تقول اه او لا مش موجوده غير عندنا احنا بس مش موجوده الحيوانات يعني هم ما يقدروش يعملوا حاجات غير ان هم يقدوا الدور اللي هم مخلوقين ليه وبس لكن احنا. اخذنا الاوبشن بتاع ان احنا نقول اه ولا لا شفت ازاي احنا اتشهدنا على اننا معانا امانه الاختيار دي ومعنا الاوبشن ده واا اتشهدنا ربنا شاهدنا انه هو الخالق وهو الاله الاوحد واحنا قلنا تمام واحنا موافقين. واحنا فاهمين. وبعد كده رجعنا ثاني كذريه في دوره ادم وجينا بقى كلنا بمختلف ابهاتنا مين وامهات. فاحنا ما اتعملش ده غصب عننا لا بس هي حاجه ما حدش فينا ولكن هو قرار بدايه قبل اي حاجه. بيقول انه احنا فاهمين ان احنا عندنا امانه الاختيار وامانه الاختيار دي هي اللي بتخلينا واقفين احنا اللي هنكرر هنروح ناحيه. الشكل بتاع الحياه اللي فيه عذاب ولا هنروح في ناحيه الشكل اللي فيه نعيم والشقاء والنعيم الحقيقيين هم اللي في الاخره مش اللي في الدنيا اللي في الدنيا ده مجرد كده زي ما تقول الجيم اللي كل واحد فينا دخله. ويشوف هو هيستخدم فيه الامانه اللي عنده ازاي؟ ليه انت ممكن يكون معك جنيه وغيرك معاه مليون عشان اللي خلقك اللي هو عارف اكثر من اي حد ثاني هو عارف ان انت ممكن ما تقدرش تتعامل مع المليون وان ممكن المليون. بخليك تتصرف غلط. وعارف ان اللي معه المليون. يقدر يتعامل معهم. ومش زيه زيك. هتقول لي في ناس معاهم ملايين وبيغلطوا ربنا مديهم ملايين وبيغلطوا يعني الملايين بس مش زيهم زيك. ودي حكمه ربنا اللي هنرجع ونقول تاني هو عارف اللي احنا عمرنا مهما اشتغلنا بدماغنا هنعرف. هو اللي شايف اللي جوه البني ادمين هو اللي يقدر يحكم جواك انت عامل ازاي وجوه غيرك عامل ازاي تكوينك انت يسمح بايه وتكوين غيرك يسمح بايه. انت تستحمل انهي اختبار وغيرك يستحمل انه يخطبك. فالمساله زي الاب اللي بتلاقيه بيقف قدام ابنه بعد ما ابنه يكبر ويقول له انا اللي كبرتك وانا اللي عملتك وكانه بما ان هو. ادى مجهود في تربيته فهو ليه حق في ان هو يسمع كلامه ده لله المثل الاعلى انا بحاول اوسط لك الامثله ولكن ربنا خلقنا وادانا نعم كتير جدا وهي دي اللي تخلينا نعبده حق العباده من غير ما نقول انت بتعمل كده ليه؟

تم النشر الأربعاء، ٢٤ يوليو ٢٠٢٤

هقول كلام أنا سمعته قبل كدة هبدأ بلماذا خلقنا الله لنعبده دة معروف دة زي الأختبار احنا بنتعب في الدنيا عشان نعيم الأخرة الدائم بدون سقم وحزن وهم ومع أحبابك وبدون ملل وكله حاجات جديدة زي مأنت في ورق الأمتحان بتتعب عشان تحقق نتائج حلوة وتشتغل اللي أنت عاوزه وكمان سمعت من الدكتور فاضل سليمان أن مثال مثلا أنه في شخص كريم تمام هو مش محتاج حد عشان يكون كريم هو كريم بطبعه هو كريم يعني لما حد بيجيله بيطعمه ويعامله معاملة حسنة وكذا ولو الحد دة مجاش هو مازال كريم فهو قال أن ربنا يمارس صفاته بيغفر ويعف عنا ويرحمنا ويسمع دعاءنا ويعطي بجودد وكرم وهكذا تمام احنا الفقراء إليه هو غني عن أي حد تماما وكمان مثلا ليه ميهديناش كلنا ما هو لو الإنسان ميسر مش هيبقي في جنة وفي نار الإنسان مخيرررر مخير بأنه يتبع طريق الحق أو الباطل وكذا وكمان أن اللي هيدخل النار دة ربنا مأجبرهوش أنه يعمل حاجات وحشة تدخله النار كان ممكن يتقي النار بلا إله إلا الله ويؤمن بالأنبياء جميعهم والملائكة والكتب السماوية والقدر خيره وشره ولكن هو استكبر رغم كل البراهين دييي الإنسان خُلق من عدم ترا هم عارفين ولكن هو أستكبار وسمعة وألخ وملك وسلطة زي مثلا الوليد بن المغيرة قال كلام حلو بيتقالي لحد الأن عن القرآن ولكنه تراجع عن الكلام دة بسبب سمعته قدام الناس محدش أجبره تمام وفرعون ورحمة الله واسعةةةة جدا فرعون بكفره كله اتفق أنه ملعون ولكن لما كان بيعرف قال أمنت بالذي أمنت به بنو إسرائيل و جبريل عليه السلام مش فاكرة عمل أية بس حط حاجة في بقه مخافا أن تدركه رحمة ربي والله أعلم شاف والبحر بينشق وكملت طريقههه البحر بينشقق وكمان طريقه واستكبر وانشقاق القمر وهكذا هم اللي ظلموا أنفسهم وكمان حوار الإبتلاء ربنا ليعطي كل واحد علي قد قدراته في انواع من الابتلاءات كثيرا مثال في فلسطين ربي ينصرهم آمين مش كله زي بعض في ناس ماتت أهلها وناس دارها راح وناس ماتت أهلها ودارها راح كل واحد علي قد اللي يستحمله ربنا عارف أنت تقدر تستحمل قد أية وهكذا وربنا بيجازي كل واحد علي صبره حتي شكة الدبوس بيتغفرلك بيها من ذنبك بإذن الله يعني حتي الغني دة ممكن ينبسط في الدنيا بس في الأخرة لأ لية لأنه لم يعطي مما أعطاه الله للفقراء والمحتاجين وهكذا وربنا عارف مين هيخش الجنة ومين هيخش النار مثال أنه مثلا أنت شوفت المستقبل ولاقيت واحد صاحبك معاه سيارة فخمة انت مأجبرتهوش أنه يشتريها ولكن الله بعلمه وعظمته يدري والله أعلم أن قولت اللي أعرفه وربنا يغفر لي إن أخطأت

تم النشر الأربعاء، ٢٤ يوليو ٢٠٢٤

لو احنا ماشيين باوامر ربنا بحذافيرها. في حاجات كثيره هتتعدل من الغلط بالصح. فلازم الناس اللي هي ما بطبيعتها هي بطبيعتك اصلا انت بتحس بالغلط بتحس بتعذيب النفس ليه؟ فلازم الناس ديت تحس بوجودك قيمه الغلط وتعرف تفرق بين الصح والغلط وان الصح هو اللي بيريعه في الحياه والغلط هو اللي بيتعب نفسيته وحكايه انك تكون مش شايف العدل في الدنيا دي انت ما بتشوفش برده الجانب الناس اللي هي معاه فلوس انت فحسبت الموضوع ماديا يعني هو انت حسبت الراجل اللي معاه الفلوس ده ان هو قيمته بالفلوس يا ابني الناس اللي قيمتها بالفلوس دي قيمتها بتنزل وبتغلى ههه على حسب سعر الدولار يعني انت بتقول ايه بس الفلوس دي لو راحت منه في لحظه وحصل له حاجه فهمت خلاص نزلت لكن الانسان اللي عنده دين واخلاق وعلم. عمري ما قيمته هتنزل ابدا مهما حصل ما تقوليش مثلا ان واحد جاهل وما عندوش اي علم ومش فاهم حاجه عايزا نفسه عالم بينما العكس ممكن يحصل واحد فقير يصحى يلاقي نفسه غني دي الحقيقه مع الزمن الوضع بيتغير لكن فيلم. امور الماديه لكن في الامور المعنويه والعلميه مستحيل فاكيد اكيد اكيد كانت ثاني ان هو العلم والاخلاق والتدين. وانك تكون على مبادئ هو ده القيمه الاغلى مش الفلوس. ولو سالت نفسك برده هتلاقي الفلوس ليها مخرج والرزق مكتوب وهتلاقي نفسك لو فكرت في كذا وسيله وسعيد هتلاقي نفسك مرتاح ماديا بس الحقيقه اصلا مش مستاهله انك تكون يعني شاغل نفسك بالملايين والكلام ده كله غيرك فيهم ده من افكار الشيطان لان هو عايز يمسكك في الدنيا اكتر فبيستغل الفكره بالضبط لكن انت عايش في الدنيا ايه يعني مهما عشت في الدنيا انت هتعيش قد ايه برده يعني يعني قول 100 سنه 200 سنه يا عم بردو ااا الكون ده الارض بس تكون ايه الارض بس عمرها 4,600 و600 مليون سنه لكن حياتك بقى في الاخره هي الحياه الابديه فهي دي اللي تشتغل عليها صح في الدنيا عشان تكسبها لان ما حدش في الاخره بيشتريها بفلوسه فهي الحياه في الاخره هي الاغلى ما حدش هيوصل لها بالفلوسه. فا اسال الله لك الهدايه ربنا يوفقك واتمنى تكون فهمت حاجه من كلامي واتعلمت منه اي حاجه ودور برده ورايا ودور كتير وشوف محاضر ناس كتير وهتلاقي نفسك في الاخر انت ورا الحق ويقينا انت ورا الحق مع الف سلامه.

تم النشر السبت، ٢٠ يوليو ٢٠٢٤

انت لو فكرت في حكمه ربنا انه لما بيبدل ذنوبك بحسنات بعد التوبه. هتلاقي الافاده الكبيره جدا. هتلاقي ان بعد ما توبت الموضوع ما كانش بيكون بالسهل. فانت بعد ما تبت لك اجر عظام عند ربنا. فانت فكرت في الجنه والنفطرتش ليه ربنا مثلا بيديك الحسنات دي بالسيئات اللي انت عملتها بعد ما بعتوها مثلا؟ يعني جهدت نفسك وتبت ده مش من رحمه ربنا ولا ايه يعني اكيد من رحمه ربنا وللطف بيك من الناس اللي تابت من الذنب لازم تتبدل ذنوبها حسنات. ربنا اللي اقررنا بكده في القران. فما تخف ولا تحزن. وتاكد انك على يقين يعني ودور كتير واسمع دوره تحس ان المسلم لهيثم طلعت. واسمع لناس كتير وما تسمعش الافكارك بس لان انت بتسمع لطرف واحد والطرف اللي انت بتسمع ليه ده هو الخسران في الاخر؟ الطرف ده مالوش طرف مقابل فانت بتسمع على نتائج انت شايفها من وجهه نظرك صح وهي غلط 100% جنه نار هو ده الحق اكلنا ونار يعني الناس اللي عملت ظلم في الدنيا تستاهل تتعاقب ما تقوليش مثلا انت عشان ماشي كويس يبقى غيرك هيبقى ماشي كويس انت انت لو شايف الناس اللي حواليك عملت ظلم فيك وما تعاقبتش انت تتمنى لهم العقاب انت لو بتشوف الناس اللي بتظلم الناس والناس اللي بتقتل الناس والناس اللي بتفتري وبتنتهك الاعراض ديت مش كفايه فيهم الحبس او السجن او الاعدام بيبقى لازم لهم عقاب اشد من كده. فالعقوبه بتاعتهم ربنا من اساس العدل حطلنا العقوب وان مش اي حد كده يمشي في الدنيا ويعمل حاجه صح. وما يدخلش الجنه لا لازم هيدخل الجنه هو يعمل طب هو عمل الغلط ومتابش عنه وما اصلحش الغلط ده لا لازم يدخل النار لازم يتعاقب ولازم الحق يرجع. اهو فهو ده منطقي جدا وكل انك بتقول مثلا انك انسان ضعيف وليه ربنا مثلا بيعذبني حبيبي هو انت فاكر انك مثلا ان انت كده اما تفضل تفكر في حاجات زي كده انت مش بتعذب انت اللي بتعذب نفسك ومعظم كانوا انفسه طب ما تفتكر كده ان ممكن تكون من رحمه ربنا دي. فكرتش ان هو ممكن تكون من رحمه ربنا انه بالطريقه اللي انت بتتعذب بيها دي يخليك تفكر في حاجات وتكون بعدها تدرس حاجات وتتعلم حاجات وتشوف حاجات ااا عن ضد الموضوع اللي انت بتتكلم فيه ده وتشوف حاجات اكتر عن الاسلام وتستخدمها في الاسلام وتاخد فيها ثواب اكتر. يعني ما فكرتش في النقطه دي ان انت هتتحول من حال لحال تاني خالص. وكله هتاخد بيه خير برده. انت فكرت بس بالشيطان بيفرضوا عليك بسم الله الرحمن الرحيم انما ذلكم الشيطان يخوف اولياء اهو فلا تخافوهم وخافوا ان كنتم مؤمنين وانا جاي النهارده عشان افسد دور الشيطان ده وعارف هو بيعمل ايه بالظبط عشان هو عايز يخليك تشك في اي حاجه لكن اللي يكون الحياه الثابته ان ربنا حتى يعني سبحان الله في كتابه اول الايات اللي بدا بيها الف لام ميم ذلك الكتاب لا ريب فيه مفيش كاتب في الدنيا هيقول لك انا هكتب كتابي 100% صح هيقول لك سامحوني لو في اخطاء ولو اخطات فمني او من الشيطان الله فذلك الكتاب القران الكريم ما فيهوش اي شك انت بتدخل نفسك في الشكوك عشان انت ما عندكش علم. الواضح كدا انك مفيش علم يعني تقدر تستند عليه فهو بقى حيستغل ضدك فانت بقى تعمل ايه انت لو اتعلمت هتفيد غيرك وهتفيد نفسك اولا وهتفيدك في المستقبل. فما تشيلش هم ان ربنا ظلمك ولا اي حاجه لا الوقت اللي انت تكون حاسس فيه بضعف ده الوقت اللي انت بتكون فيه ماشي بطريقه مش كويسه والوقت اللي انت بتكون ماشي فيه بطريقه منتظمه كويسه وحسن ظن بالله هو ده الوقت اللي انت بتكون عايش فيه في امان وراحه وجهه نظرك انك لازم تكون كده ملتزم باوامر ربنا اي هو لازم تكون متصل باوامر ربنا ليه بقى لان احنا موجودين على الارض مسيرين باوامر ربنا فكل حاجه هتمشي مظبوطه على الارض لو احنا ماشيين في اوامر باوامر ربنا حذافرها.

تم النشر السبت، ٢٠ يوليو ٢٠٢٤

السلام عليكم ورحمه الله وبركاته. ازيك يا اخويا؟ انا اول مره اتكلم في الابلكيشن صوتي. بس لو اتكلمت فهي دي المره الصح دي الحاجه اللي انا؟ اللي انت اتكلمت فيها يعني هي دي الحاجه اللي انا؟ بحب اتكلم فيها كثير. عندي معلومات عنها يعني ولو بقدر قليل فالحمد لله. فانا عايز اقول لك ان التفكير اللي في دماغك ده مجرد وهم من الشيطان. مش حقيقي انت اللي فتحت لنفسك طريق الشك من الاول فانت بتتحمل عقده دلوقتي او شاي شويه ندم دلوقتي ليه بقى ان انت ما عندكش العقيده الايمانيه اللي تخليك تفكر بشكل صحيح انت بتفكر بشكل غلط. يا ابني هو انت ما فكرتش ان زي ما في جنه ونار زي ما في خير وشر يعني انت شايف الناس اللي على الارض دي كلها ناس بتعمل خير مثلا الناس دي مثلا لو متعاقبش بالنار او ما تهددتش بالنار هتعمل الشر زي ما هي عايزه طب حضرتك بتقول لي. ان ربنا المفروض يلطف بينا وهو الخالق وهو اللطيف هو فعلا لطيف بس لطيف مع اللي بيكون في الطاعه والملتزم بالاوامر اللي هي دي الحق. هو ده الاساس اللي موجود على الارض. يعني ربنا زي ما خلق الارض خلق النظام ده كله وانت المفروض لو طالب علم هتدرس وهتلاقي كل حاجه متسخره في الكون بقانونه بشكل معين وبقدره ربنا ان كل شيء خلقناه بقدر تفتكرش وجودك على الارض دوت مجرد وجود هين لا انت لك دور في الارض وليك اساس وجود في الارض وربنا. هيستغل وجودك في الارض اكيد. ويخليك. ليك مكانك وده الشيء الثابت ان ما فيش حد في الارض ملوش دور لان كلنا بنتكامل ولو رجعت شريط حياتك كتير انت كنت بتتكامل فيها مع الحياه. بشكل عام يعني؟ فعشان اقول لك بس ان موضوع الجنه والنار ده موضوع اساسه ومن الصنار شفت بقى يعني مثلا هتلر او استلم او نتنياهو على سبيل المثال اللي هو موجود دلوقتي عشان تكون فاهم ده مثلا هيتعاقب ازاي يعني الناس دي مثلا المفروض ربنا يسامحها طب. لو ربنا سامحها احنا المفروض ما نسامحهمش احنا المفروض نقتص منهم يعني هو اما هتلر قتل الملايين اول ما دخلوا عليه انتحر ده يعني اقول ايه بس. انت فاكر كده ان هو خلاص يعني ده قمه الظن. يعني اساس وجود الجنه والنار هي قمه العقل العدل زي ما في الخير والشر في الدنيا زي ما في ناس بتتظلم في الدنيا. وقهر في الدنيا. وجود الجنه والنار بحد ذاته ووجود اليوم الاخر يوم الحق كل واحد هياخد حقه في اليوم الاخر يوم الحق ده اكبر دليل على وجود ربنا واكبر دلاله الدنيا مكونين كلها بتتكامل مع بعضها واكبر دليل ان الدنيا اتسخرت للانسان. انا كنت بسمع محاضرات للشمسي وعلي دعوه محمد حجاب الناس دي عايشه بره وبتناقش الناس الملحدين او المسيحيين او الشيعه او ايا كانت وقفتهم. فالمهم ان حجتنا قويه والاسلام هو الصح والناس اكثر دين بينتشر هو الاسلام دي الحقيقه واكثر ناس. انت كده خدت بكل ذنوبك حسنات هو ليه بقى؟

تم النشر السبت، ٢٠ يوليو ٢٠٢٤

أولاً، شكراً على صراحتك وفتح قلبك بالشكل ده. واضح إن عندك كتير من الأفكار والأسئلة اللي بتلح عليك، وده طبيعي جداً خصوصاً في سنك. الناس بتمر في مراحل مختلفة من الشك والتساؤل عن الحياة والدين والكون. خليني أبدأ بقولك حاجة بسيطة: كلنا بنمر بلحظات ضعف وتساؤل، وكلنا بنسأل نفس الأسئلة العميقة دي. وفيه جزء من الدين والإيمان مبني على البحث والفهم والشعور بالاطمئنان. الغرض من الحياة : ممكن تفتكر إن ربنا خلقنا عشان يمتحننا. الدنيا مجرد مرحلة صغيرة من وجودنا، والمسؤولية اللي عندك هي إنك تحاول تفهم وتجد توازنك في الحياة. ربنا بيدينا اختيارات ولينا الحرية إننا نختار، والمسؤولية بتيجي مع الحرية دي. العدل والامتحان : حياتنا مليانة تحديات، وكل واحد منا بيواجه نوع معين من الصعوبات. ممكن تفتكر إن الناس اللي عايشة حياة أسهل منك هما مقدر عليهم كده، لكن ممكن برضو يبقى عندهم تحديات من نوع مختلف. الدين والعبادة : ممكن إنك تشعر إنك بتقدي الفرائض من غير شعور داخلي بالإقتناع، وده برضو جزء من رحلتك الشخصية. الدين بيتطلب مش بس أداء العبادات ولكن فهمها والشعور بيها. ممكن تيجي حاجة زي الاستسلام للواقع والمنطق في الأول، لكن مع الوقت ومع العمق في الفهم والإيمان، هتبدأ تشعر بارتباط أقوى. ااإختبار والتعلم : الحياة مليانة دروس، وربنا بيدينا الفرصة إننا نتعلم ونتطور. ااإمتحانات مش بس لتقويمنا ولكن لتعليمنا. التفكير في مشاكل الحياة والدروس اللي بنواجهها بنية إننا نتعلم ونتطور هو جزء كبير من الفهم العميق. البحث الشخصي : خذ وقتك تفهم وتتعلم وتقيم، فيش مشكلة لو مش مقتنع حالياً. الإيمان رحلة شخصية وكل واحد ليه طريقته الخاصة في الوصول للفهم والطمأنينة. قرأ وتعلم واستشير ناس تثق فيهم، يمكن ده يساعدك توصل لبعض الإجابات اللي بتدور عليها. افتكر إن ربنا كريم وعليم وحكيم، وإن الحياة فيها نواحي كتيرة مش دايماً بنفهمها بشكل كامل. ضلك قاعد على الطريق وابحث عن المعرفة والإيمان، وإن شاء الله هتجد الراحة النفسية والإجابات اللي بتدور عليها.