دلوقتي ....انا طالبه شطوره ...ومن اوائل المدرسه وانا ف تالته اعدادي بالمناسبه يعني....
ف احنا من يومين الاخصائيه الاجتماعيه رنت عليا عشان مسابقه اوائل طلبه....بخصوص انو ندخل ونشارك وكدا.. بس بحكم الغش اللي بيحصل باقي الاوائل مش شطار خالص وفي ناس كتيره اتظلمت بسبب الغش والكلام دا .....
لكن هي كلفت بنت صحبتي بتجميع سبعه شطار عشان المسابقه وانا طبعا كنت ضمنهم . فاختارنا وكدا وكان حرفيا الكل مراهن علي خسارتنا عشان احنا عارفين قبل المسابقه بيومين والصبيان اللي ف المرحله بتاعتنا عارفين قبلها بأسبوعين فدا عامل كبير لنجاحهم ...
وهما كانو شمتانين فينا وداخلين واثقين من نفسهم بس انا قولت للتيم الخاص بيا احنا أشطر منهم واكيد قدها ونقدر نعملها وكدا احتمال كبير مش نعرف نلم المنهج .وكدا ف دا ب نسبه كبيره عامل يؤدي للخساره
بس انا مش يأست خالص وحفزت التيم بتاعي وقولتهم انو نعمل أقصى استطاعتنا في المسابقه فأول ما وصلنا مكان المسابقه قعدنا وحرفيا كنا هبل وعبط اوي بسبب كنا قبل ما المسابقه تبدأ بنتخانق علي التبديلات وبنضحك ونهزر ونتصور وحاجه جنون
المجموعات التانية كانو هاديين جدا وبيخططوا هيعملوا اي وبيرتبوا افكارهم واحنا اللي كنا عبط فيهم وحرفيا كل المدارس بصت علينا بنظره استهزاء وكمان الصبيان اللي قدنا كانو بيضحكوا علينا بسبب اللي بنعملوا لكن وقت الامتحان حلينا وكله فل.
جه وقت التبديلات فأنا اساسيه في التيم بس عشان كان هيحصل مشاكل بين بنتين معايا
قررت اطلع انا في التبديل وبعدين جه الماده التانيه اللي هي علوم مفروض على واحده تطلع وتدخلني عشان انا اساسي ومحضره الماده لكن هي خافت على صورتها ان ازاي تطلع ولازم تفضل قاعده ومش قبلت تقوم بس كانت حركه انانيه منها ولما جيت واجهتها مش كانت متقبله فكره انها غلطانه
وأنا كرده فعل مني قولت هتترد فيكي المره الجايه وللعلم احنا اللي فوزنا بالمركز الاول
دلوقتي كل سؤال هل أردها فيها او اعديها؟
وملحوظه هي شخصيه انانيه ومش بتحب الخير لغيرها.
أولاً، أود أن أهنئك على نجاحك وزملائك في الفوز بالمركز الأول في المسابقة، فهذا إنجاز يستحق الفخر. بالنسبة للموقف مع صديقتك، من الطبيعي أن نشعر بالإحباط عندما نواجه سلوكيات أنانية من الآخرين، خاصةً عندما يتعلق الأمر بفريق يعمل معًا نحو هدف مشترك. من المهم أن تدركي أن سلوك الآخرين لا يحدد قيمتك أو نجاحك. إذا كان لديك الرغبة في التواصل مع صديقتك بشأن سلوكها، يمكنك القيام بذلك بطريقة لطيفة، تعبرين فيها عن مشاعرك وأفكارك عن موقف التبديل. يمكنك أن توضحي لها كم كانت هذه اللحظة حاسمة بالنسبة للفريق ومدى تأثير قرارها على الجميع. على الجانب الآخر، إذا شعرت بأن النقاش معها لن يجلب فوائد أو سيزيد من التوتر، قد يكون من الأفضل أن تتجاوزه وتستمري في تقدير نفسك ونجاحك دون النظر إلى سلوكها. التوجه نحو الأمور الإيجابية وبناء علاقات مع من يشاركونك نفس القيم يمكن أن يكون أكثر فائدة. تذكري أن الأشخاص الذين يتمتعون بالصفات الإيجابية هم مَن يستحقون وقتك وجهدك. وعيك بهذه الأمور سيساعدك في بناء علاقات صحية ومثمرة في المستقبل. وفقك الله في دراستك وحياتك.
تم النشر الاثنين، ١٠ مارس ٢٠٢٥
طيب ممكن توضوحي أكتر المشكلة فين؟ بس تصرفها يعني؟ طب في احتمالات لفعلها دا غير انها أنانية؟ وانتم فايزين فايه المشكلة برضه؟
تم النشر الجمعة، ١٤ مارس ٢٠٢٥
هي عملت اي بالظبط معاكي
تم النشر الجمعة، ١٤ مارس ٢٠٢٥
فكك منها وبلاش تتعاملي شبهها بس لو الموضوع اتكرر ممكن تكلمي الاخصائي وهو اللي يتعامل معاها.
تم النشر الجمعة، ١٤ مارس ٢٠٢٥
عديها ، لو كل حد شوفتيه وحش و حبيتي ترديله الموقف أنتى هتبقى شخصية وحشة جدا وهتلمي كل الصفات الوحشة من ال حواليك بسبب فكرة انك تردي أذى كل حد اذاكي..
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا