السلام عليكم
انا شخص خلصت اعداديه وما عرفتش اكمل بعدها علشان حصل ظروف اضطريت اصرف على اخواتي البنات عشان يكملوا تعلمهم ودلوقتي انا عندي 26 سنه الحمد لله اشتغلت قبل كده في مولات و في محل اجهزه استقبال
وبعد كده خت كورسات برمجه ودرست تصميم مواقع الكترونيه بشتغل دلوقتي فري لانسر بس من فتره قريبه حصل موضوع كركر معايا قبل كده ان في ناس بقت تتريق عليا وتقلل مني بتقول لي مثلا يا بتاع اعداديه انت بتداري فشلك بالحاجات اللي انت بتقولها دي انا دلوقتي مشكلتي مش انا بتضايق من الكلام بس انا مشكلتي في اخواتي البنات ان انا بقيت اخاف اسبب لهم احراج خصوصا ان هم دلوقتي في جامعات الحمد لله وانا فخور انا قدرت اوصلها المرحله دي بعد توفيق ربنا طبعا بدات اخش في حاله اكتئاب حاولت اسيب البلد اشوف البلد تانيه بس ما عرفتش ساب ان انا مش معايا فلوس كافيه اني اسافر دلوقتي ما بقتش عارف اشتغل ولا عارفه امارس حياتي بشكل طبيعي وحاسس ان في حاجه ناقصاني وشعور انك انت تبقى قليل في المجتمع وان كلام الناس بيقوله اللي معايا شهاده جمعيه وضعي احسن فكرت ان عيد بس مش قادر بسبب ان انا هبتدي من الاول خالص وشغلي مش هيتناسب مع دراسه ما بقتش عارف اعمل ايه خالص لدرجه ان بقيت اخد ادويه اكتئاب عشان اعرف اكمل بقيت شخص منعزل غير اجتماعي بيت اهرب من الناس مش عاوز اكلم حد خصوصا مواقف بقت تتكرر معايا كتير عشان انا صريح وبقول ان انا حصل على الشهاده الاعداديه وكنت متصالح مع الامر بس الناس هذه ثقتي في نفسي وتحس ان انا ناقص مش عارف اعمل ايه
مجتمع مبيفكرش للاسف غير فى اللى هو عاوزة . اللى يسلم ودانه للناس بيتداس. شوف كده قصة عبد الغفور البرعى وغيره من الناس اللى حياتهم اتطورت بعيدا عن المؤهل . انت لازم اللى تشوف ده وترمى الباقى وتستقبل كل حاجة بظروفك كما هى بكل فخر وعزة.
تم النشر الاثنين، ٢٠ مارس ٢٠٢٣
نا لو مكانك صدقنى هبقا فخوره بنفسى جدا ، حتا وانا بقرأ مشكلتك كنت برويها لاخويا ف ثانوى كحافز ليه انو انسان قرر يضحى بمستقبلو عشان خاطر يعلم اخواتو البنات ويصرف عليهم وبعدين ونا بكمل اتفاجات بيك جدا وانت بتقول خدت كورسات برمجه دعايزه اقولك ان لو متابع الناس اللى بتشتغل فري لانسر هتلاقى معظمهم عانل شيفت كارير من صيدله وهندسه ومش عارف اى ف اخر حاجه تفكر فيها هى الشهاده اصلا ، بالنسبه اثلا للناس اللى بتقولك انك بتدارى فشلك ف انت مفيش فشل عشان تداريه انت مفشلتش ف انك تعلم بناتك مفشلتش اما قررت تشتغل وتجيب فلوس مفشلتش انك تاخد كورس وتشتغل بيه ، انت وصلت لحاجه كويسه اوى اللهم بارك متضيعهاش منك بسبب كلام انسان منفسن منك وملوش اى تلاتين لازمه ع الكوكب بينتقدك وبيقلل منك عشان شايفك بتنجح وهو مش عايزك تنجح ، بالنسبه لاخواتك ف انت زى م بتقول لو هتسبب ليهم احراج ف هنفترض انك ابوهم ومعروف قليل من الاباء المصريين اللى بيبقا معاه شهاده ف هل هيسمحو لحد انو يقلل من ابوهم او هل ابوهم بعد م صرف عليهم وكبرهم هيبقا سبب احراج ليهم ولا هيبقو فخورين بيه ، عايزه اقولك كمان ان مجتمعنا دايما بيقلل من اى حد سواء شهاده او لا يعنى خلصت ثانويه والنصيب جابلى تمريض لما بدخل المستشفى بتحس انك اققل من اى عامل شغال هناك ومش بتفرق معايا عمتا هتلاقى دايما فى تمرد على اى حد واى حاجه واى مهنه ف متخليش التمرد دا يضيعك ويضيع منك مستقبلك تقدر تقدم ثانويه عامه منازل او تكمل تعليمك عادى ويبقا معاك الشهاده
تم النشر الثلاثاء، ٢١ مارس ٢٠٢٣
قرب من ربنا وستعين بالله ان شاء الله هيريح قلبك ويوفقك للطريق السليم
تم النشر الجمعة، ٢٢ مارس ٢٠٢٤
قرب من ربنا وستعين بالله ان شاء الله هيريح قلبك ويوفقك للطريق السليم
تم النشر السبت، ١٢ أغسطس ٢٠٢٣
وعليكم السلام ورحمة الله وبركاته.. يمكن مانجزتش حوار الشهاده بس انجزت ال ربنا خلقنا عشانه وهو العلم.. والرجوله.. ال ناقص هو ال سمعك كلمتين مش إنت. ومفيش حد كامل ولو ركزت معاهم هتلاقي كتير آوي بيداروه بشهادتهم ال ملهاش أي لازمه! العلم مش شهادات العلم منفعه وإنت عملت ده بفضل الله 💜 لو حابب ترجع تدرس استعين بربنا واعمل ده. لو الانسب تتوسع وتكتسب لغه وخبره فالشغل آكتر ومجالك أصلا مطلوب ومش سهل اتطور فية أفضل شوف ال يريحك إنت واعمله
تم النشر الاثنين، ٢٠ مارس ٢٠٢٣
انت لازم فعلا تكون فخور بنفسك، فيه ناس متعلمة وقاعدة على القهوة، ولا راضية تسعى لاي شغل ولا اي حاجة في حياتها. انت عملت حاجة عظيمة جدا، انت خرجت عن المألوف اللي الناس كلها بتعمله. ومش بس كده انت اتعلمت وبتشتغل زيك زيك اي حد، بس على فكرة انت احسن، لانك ما شاء الله كان عندك الارادة انك عايز تتعلم، مش مجرد شهادة وخلاص وكمان اديت واجبك اتجاه اخواتك. انت ليه مش شايف كل ده .. وكل الانجازات ديه. ومركز مع الناس، كده كده خلي بالك مش هتسلم من كلام الناس عموما، الناس هتفضل تتكلم ومش هتخلص حقيقي، ومش في كده وبس في اي حاجة في حياتك. لو مش متجوز هيقولوا مش متجوز ليه، ولو متجوز هيقولوا مش مخلف ليه؟ كده كده هيفضلوا يتكلموا. متركزش على الناس، ركز على نفسك، وعلى اللي وصلت ليه، انت متخيل انت وصلت ل ايه، وعملت ايه؟ لازم تكون فخور بنفسك
تم النشر الاثنين، ٢٠ مارس ٢٠٢٣
انت المفروض تكون فخور بنفسك واخواتك يفخروا بيك مش يتحرجوا منك ربنا يباركلك ويكرمك ويجازيك خير عن الي عملته معاهم عموما الناس مش بتسيب حد ف حالها لا الي معاه شهاده او الي معاهوش بتفضل تدي تعليقات تكئب اي حد وده مش عليك انت بس ولكن انا عايزه اقولك حاجه ليك انت لو حزنك بسبب انك مش عارفه تتعامل مع الناس ونقدهم ليك ف احب اقولك الي ينتقدك ويقولك انت بتعوض نقص خلي ردك عليه ان مش كل الناس بتكون كده عشان تقول عليه ده وافرض غرحان بحاجه بعملها ومتعلمها هيفرق معاك ف ايه انت اوصل وخليك احسن مني ولو حزنك ع انك كنت حابب مستوى تاني افضل ليك ف احب اقولك ان الوقت مرحش ولا حاجه ومش هتبتدي من الاول ولا حاجه وهيتماشى مع شغلك عادي لان واحنا صغيرين كنا بنواجه صعوبه ل التعليم عشان صغيري وخبرتنا قليله انما انت كبير وخبرتك كبيره هتساعدك ع التعليم وجرب مش هتخسر حاجه انت كده كده معاك شغلك ومعاك اعلك واخواتك ربنا يخليكم لبعض الاهم انك متسمحش لحد يقلل من ثقتك بنفسك ويهدم مجهود سنين انت عملته ربنا يباركلك ويكرمك
تم النشر الاثنين، ٢٠ مارس ٢٠٢٣
أهلا بك، أولا أنا أريدك أن تعرف أنه ليس من الضروري أن تعطي الأهمية لما يقوله الناس، الأهم أن تبحث عن راحتك النفسية وتهتم بمسيرتك الحياتية. ولا تنسى أن أخواتك البنات هم فخر لك ولأسرتك، وإذا كانوا في جامعات فهذا يدل على أنك قادر على تحقيق النجاح في المستقبل. حبذا لو تحاول معالجة حالة الإكتئاب الخاصة بك، ويمكنك الحديث مع أحد المختصين في هذا المجال، على مثال يمكنك البحث عن مركز نفسي أو تحدث مع طبيبك لمعرفة اختصاصي يمكنه مساعدتك. أيضا يمكنك إيجاد عمل آخر يتناسب مع دراستك في تصميم المواقع الإلكترونية، وهذا من شأنه أن يوفر لك المأكل والمشرب ويمنحك الحرية المالية. وفى النهاية، يمكنك أيضا بحث عن اهتماماتك الشخصية وتحقيق ما تشعر به ، حيث يجب أن تعلم أن أنت فرد مميز ومهم ويمكنك أن تعيش الحياة التي تريدها وأن تحقق أحلامك.
تم النشر الاثنين، ٢٠ مارس ٢٠٢٣
لعرض السؤال في فدني اضغط هنا