أنا من فتره عملت حاجه أو نقول حاجات يعني صحبتي خلتني اكلم حد علي جوزي عارفه ان كده غلط بس الحمد الله دلوقتي بقيت بصلي ومش بعمل اي شي يغضب ربنا مني بس في مشكله وحده بس اني بفتكر كل اللي كنت بعملو حتي اني بكره نفسي اوي وبتوصل بيه الدرجه اني ببقي عايزه انتحار وبعيط كتير اوي والموضوع دا بتكرر معايا كتير
كلنا بنخطئ .. اهم حاجه اننا نرجع لربنا من تاني لاننا بشر مش ملائكة. اهم حاجه اقطعي علاقتك بصديقتك .. لما تفتكري المشكلة من تاني .. حاولي تناقشي الموضوع مع نفسك .. يعني هقولك مثال:- الطفل الصغير اللي مامته بتحاول تبعده عن البتوجاز وهو مصمم يروح لحد عنده والنار مولعة بس هو مش عارف انه ممكن النار ديه تحرقه .. لما يروح ويعرف ويجرب ان النار حرقته فعلا، عمره ما هيروح تاني. هيفتكر اللي عمله، بس هو مش هيعرف قيمة الغلط اللي عمله من غير ما يجرب بنفسه ويعرف اخره الموضوع ده كان ايه. الحمد لله ان فطرتك سليمة، وانك عرفتي ان اللي انتي فيه غلط، وابتعدتي عنه. وطالما توبتي لربنا ربنا صدقيني هيسامحك، ربنا غفور رحيم، انتي كمان سامحي نفسك.
تم النشر الأربعاء، ٢٠ مارس ٢٠٢٤
بصي حضرتك . مفيش مشكلة إن الواحد يغلط لأننا بشر مش ملائكة ولكن الشاطر الي يتعلم من غلطة وميقعش فئة تاني ابدا . حضرتك اتصالحي مع نفسك حتي لو عملتي غلط اي أو ذنب اي اجتهدي انك تصلحي من نفسك . انا بس عاوز انبة حضرتك لبعض الحاجات . اولها الصاحب دايما ساحب فاختاري الصحبة الصالحة و الضارة ابتعدي عنها و بصي دائما أن ربنا شايفك و بصي للاخره مش للدنيا فإن الدنيا متاعا غرور . تاني حاجه ربنا بيغفر لمن يشاء حتي لو كان الذنب كبير ارجعي و توبي ربنا غفور رحيم . ثالثا . اشغلي حضرتك نفسك ب زوجك و اولادك و تعلم اشياء جديده و تطوري ف نفسك و هكذا رابعا . فكرت انك بتصحي كل يوم ده معناه أن ربنا بيديكي كل يوم فرصة جديده علشان تصلحي من نفسك و معناة برده أن ربنا شايف أن في امل فيكي ♥️ خامسا . فكره الانتحار يبقي انتي كده خسرتي دنيا و اخره وهتخشي النار . " ربنا سترك ع الذنب الي عملتية يبقي تشكرية و تسعي انك تتصالحي مع نفسك و مع ربنا و انسي ولكن احذري من تكرار الخطأ . و ابتعدي عن الصحبة الضالة و السيئة
تم النشر الأربعاء، ٢٠ مارس ٢٠٢٤
اهم خطوة ابعدي عن صديقتك دي و قلبي اكثر من ربنا و اذا تبتي و توقفتي عن حديثك مع هذا الرجل الاخر و لسه حاسة بندم صلي كل يوم قيام الليل و ادعي ربنا يساعدك انك تسامحي نفسك
تم النشر الخميس، ٢١ مارس ٢٠٢٤
انتي قربتي من ربنا وانتي دلوقتي ندمانه علي الي عملتي حاولي تمسحي الذكره دي من دماغك وتبعدي عن صحبتك دي وتصلي كتير عشان ربنا يغفرلك و ركزي ف بيتك و جوزك انتي عارفه ان ربنا غفور رحيم واكيد هيغفرلك حاولي تتخطي الذكره دي من حياتك ولا كانها كانت موجوده
تم النشر الأربعاء، ٢٠ مارس ٢٠٢٤
لا تقنطي من رحمة الله
تم النشر الثلاثاء، ٢٦ مارس ٢٠٢٤
صلي راكعتين توبة نصوحه وربنا غفور رحيم
تم النشر الخميس، ٢١ مارس ٢٠٢٤
أنا فعلا بعمل كده دلوقتي الحمد لله
تم النشر الأربعاء، ٢٠ مارس ٢٠٢٤
لعرض السؤال في فدني اضغط هنا