السلام عليكم ورحمه الله وبركاته اول حاجه هقولها لك يعني ما تضايقيش ابدا من ان بيجي في بالك نوعيه الاسئله دي تضايقي بس لما تسمعي لصوت الشيطان اللي هيبقى بيرد عليك في وقتها وتسكتي لكن اللي انت بتعمليه هو حاجه جميله جدا جدا وهي اللي ربنا امرنا بيها امرنا ان احنا نتفكر ونتدبر يعني ايه يعني نفكر في الحاجات اللي حوالينا بتحصل ازاي وبتحصل ليه وندور على الاجابات علشان كده كانت اول حاجه. نزلت على الرسول صلى الله عليه وسلم سيدنا محمد هي اقرا ليه ليه هيقر ايه وهو كان امنيه هنقرا هنقرا القران نتدبر ونفهم كل اللي بيتقال جواه وهنقرا من كتب كثير حوالينا عشان نفهم ونفهم اكثر وطول حياتنا نبقى نقرا علشان نفهم ونبقى بندور على ان احنا نبقى فاهمين ازاي وليه فانك بتتسائلي وانك بتسالي عشان تفهمي مش حاجه وحشه خالص طبعا اول حاجه بتيجي في بالنا لما بيبقى عندنا اي سؤال هو على قد معرفتنا الحاليه عشان كده احنا مامورين ان احنا نقرا عشان نزود معرفتنا عشان بعد كده اجابات الاسئله اللي تتكون من جوانا تكون اعلى وتكون اكثر عمقا ما يكونش بس يعني بيطلع من جوايا كده اجابات مش هي اللي قد السؤال يعني تعالي كده ناخد الحاجات اللي انت فكرت فيها ونفهم انت ليه مش قادره توصلي الاجابات لانه دي قدره معرفتك اولا مساله ان دي اقدار ربنا وانه ربنا قدر ده ده مش معناه انه ربنا كتب علينا ده من غير ما احنا يكون لنا اي يد فيه لا هو مش كده كلمه انه ده المكتوب عند ربنا يعني ايه يعني دي بقى المقدره الالهيه المقدره الالهيه بتاعه ربنا انه ربنا عارف كل اللي هيحصل ايه ده طب انت برده هتسالي هو ربنا عارف كل اللي هيحصل قاعد مستني ليه علينا كل ده علشان يشوف احنا هنعمل ايه انتم هو عارف خلي بالك من نقطه مهمه قوي دي المقدره الالهيه اللي بتفرق كتير قوي عن مقدرتنا البشريه احنا اه لما بنحاول ان احنا نفهم بنحاول نبص على قد اللي احنا فاهمينه واحنا عشان كده لازم نقرا ونفهم عن ربنا وعن الذات الالهيه. فبالراحه واحده واحده عشان ما تولتنيش يعني ايه ربنا قدر علينا ده يعني ربنا اا زي ما هو لما كل بني ادم اا بيتنفخ فيه الروح وهو مامته ربنا بيبقى عارف ده هيتولد هيبقى اسمه ايه ولما يكبر هيبقى ايه وهيعمل اذن ربنا عارف ده ربنا عارف كل المراحل اللي هتعدي على كل بني ادم في حياته وعارف هو هيوصل لايه في الاخر وعارف. اجلوا هيكون يوم كامل بالضبط والساعه كام وهيموت فين وكل حاجه؟ الرحله اللي في النص ربنا بيبدا يشوف فيها قد ايه البني ادم ده هيحاول؟ عشان كده مدينا الاختيار. وبدا ان ربنا عالم مننا كلنا ومن اي حد لان هو اللي خالق الكون كله خالقنا كلنا وخالق كل المخلوقات فعارف كل حاجه هتمشي ازاي عارف منين عشان هو عارف مخلوقاته وهو عارف النسل اللي جاي من هنا هيطلع منه ايه ومن هنا هيطلع منه ايه لذلك بما ان هو عارف كل اللي هيحصل وكل ده مكتوب في اللوح المحفوظ. بيبدا تنزل الاقدار دي علينا اللي هي هتبدا تتحقق بقى يوم بيوم طول الوقت طيب خلينا كده نبص على حته انا متاكده ان انا هتيجي في بالك طيب هو دلوقتي لما هي الحاجه مكتوبه احنا بندعي ليه ندعي ليه ونقول يا رب الحاجه ما تحصلش كده هتحصل خلي بالك بقى احنا ممكن الدعاء بتاعنا يخفف الحاجه اللي هتحصل ازاي هديكي مثال صغير ممكن يكون في واحد مقدر اليه ان هو العربيه تخبطه تمام ده القدر اللي علينا العربيات خبطه في الوقت ده وفي الساعه دي لكن هو بيدعي كتير اوي ان هو ميحصلوش حاجه وحشه في الطريق فتلاقيه اتخبط فعلا بالعربيه بس الخبطه كانت خفيفه. فالدعاء بتاعه خلاه ما يغيرش القدر، ولكن هو العربيه خبطت وخبطه خفيفه. تعالي ناخذ نقطه كمان دلوقتي انت بتقولي ليه ربنا رغم انه عارف ان مكتوب عليه انه هيعمل الذنب ده ليه يعذبه اصل هو ما اختارش لا طبعا هو كده كده اختار طب هو ازاي اختار ربنا عارف اختيار البني ادم اه لكن تعالي كده ناخد مقارنه ما بين حالتين. بني ادم عارف انه كده كده هيخش النار. تفتكري هيعيش حياته ازاي هيحاول في اي جزء من حياته ان هو يمشي صح ان هو يحاول يرضي ربنا ان هو يعامل اللي حواليه كويس مش هيحاول هو خلاص عرف انه كده كده مكتوب له ان هو هيتعذب فيعمل ايه هيعمل اي حاجه وكل حاجه غلط لحد ما يموت وعادي جدا يخش النار. لكن الجزء لكن ههه. شخص ثاني عارف ان هو. هيخش الجنه طب الشخص ده لو عارف انه كده كده هيخش الجنه يعمل ايه ممكن يعمل شويه حاجات كويسه والباقي يعمل حاجات وحشه الله طب انا كده كده مقدرني اخش الجنه برده مش هيجتهد الاجتهاد الكافي. تعرفي بقى انه ممكن شخص يكون كان مكتوب له مقدر له ان هو اعمله سيئه وهيدخل النار لانه هو اجتهد في حاجه واحده بس في حياته لانه محجوب عنه ان هو يخش النار وان ده قدره ومن خوفه من ربنا بس. يدخل الجنه ويدخل الجنه برحمه ربنا لان ربنا في الاخر يغفرله وربنا يقرر انه رغم ان ده اللي كان مقدر ليه ربنا يقدر ان هو يغفر له ويدخله الجنه. ربنا رحمته وقدرته وسعه كبيره والمساله بس مش واقفه على مساله انه مقدر اليه كذا ومش مقدر كذا وانه مكتوب وخلاص ومقفوله على كده لا كده كده ربنا اكبر واعظم من اي شيء عشان كده كلمه الله اكبر يعني اكبر من كل شيء اكبر من كل شيء اتخلق واكبر من كل شيء لسه ما اتخلقش اكبر من كل شيء فعلا اكبر من كل حاجه احنا نفهمها واكبر من كل شيء اتوجد او لسه متواجدش. اتمنى اكون فهمتك شويه وريتك شويه حاجات تبصي على الموضوع بشكل ثاني وهرجع اقول لك ثاني اقرئي اقرئي كتير هتفهمي كثير استوعبي تفاصيل كثير وتبداي تشوفي الدنيا بمنظور ثاني خالص.
جزاكي الله خيرا ♥
تم النشر الأحد، ١٦ فبراير ٢٠٢٥
لعرض الإجابة في فدني اضغط هنا