السلام عليكم
انا اسمي شهد عندي 21سنه مخطوبه بقالي 6شهور لشخص مكنتش اعرفه يعني صالونات انا من بلد وهو من بلد تانيه بيني وبينه 9ساعات وقت ومش بنشوف بعض كتير شوفنا بعض من ساعه ما اتخطبنا مرتين كان ف الاول الحياه حلوه والمعاملة حلوه ومكنش في خناقات وهو بيقول أنه بيحبني بس بعد كدا بقا في خناقات والخناقات زادت وبقت بتوصل لاهلي ولأهله أنهم يدخلوا هو شخص عصبي جدا بيتعصب علي اتفه الاسباب وبيكبر الخناقه ع الفاضي وكل شويه يعتذر وانا بقبل الاعتذار وبعدها بردو بيحصل مشاكل وانا نفسيتي تعبت ومش عارفه اعمل ايه
شوفى يا شهد اولا ضرورى تركزى فى ان فترة الخطوبة عشان تعرفى الشخص مناسب ليكى ولا لا ثانيا : لازم تكونى عارفه نفسك واهتماماتك عشان تحكمى اذا هو مناسب يكون زوجك ولا لا ثالثا : الحياه الطبيعية هيكون فيها خلافات وحتى لو اتسمت خناقات فده وارد حتى بين المتفاهمين ..لكن المهم انهم يكونوا بيعرفوا يحلوا الامور سوا طبعا انتى مش موضحه ايه نوع الاختلافات اللى ظهرت بينكم وهو لجأ للاهل فيها فمش هنقدر نحكم فى ده
تم النشر الجمعة، ٢٢ ديسمبر ٢٠٢٣
والله انا اخر مشكله بينا الاسبوع اللي فات زعلت منه جدا وقعدت يومين مش برن عليه زي كل يوم بس لما كان بيرن عليا كنت برد ومش بطول معاه اخر مره اتاسفلي وقال إنه مش هيعمل كدا تاني واهو لحد دلوقتي معملش حاجه انا هددته بأنه لو عمل كدا تاني هسيبه بس هو كدا وهو دلوقتي تمام الحمدلله
تم النشر الخميس، ٢٨ ديسمبر ٢٠٢٣
انا استخرت كذا مره وكنت مرتاحه جدا
تم النشر الاثنين، ٢٥ ديسمبر ٢٠٢٣
انا استخرت كذا مره والله وكنت مرتاحه جدا بس مش عارفه اعمل ايه ف غيرته الزياده دي
تم النشر الجمعة، ٢٢ ديسمبر ٢٠٢٣
هو حقيقي الحب ممكن يكون من غير دافع معين، بس العقلاني ان يكون بدوافع، والحب الحقيقي هو بعد العقد، بعد الزواج ولا خطوبة ولا قبلها .. ده ف العالم بتاعنا المظبوط والتمام..... معلش بقى هو اسلوبه كده متسلط وتهديدي ، بس برضو لازم تسامحي الانسان لانه مش خالي من العيوب، كلنا شايلين عيوب بس الل يكتشفها، ممكن واحد يكون بيهزر وهزاره ناشف شوية وغليظ، وفيه بيستحمل وفيه مابيطقش وبيختار وضعه الارتياحي، لو شايفه ان الكلام ده بيؤذي النفس ومش بتقدري تتقبليه، عليكي تبلغيه مرة او اتنين يعني بحساسيتك او اصدميه وازعلي منه، صحيح انت لازم تزعلي، ازعلي منه كده
تم النشر الخميس، ٢٨ ديسمبر ٢٠٢٣
لا بالنسبه للكرامة مفيش اهانه ولا اي حاجه من دي عشان انا حاطه حدود بس في حاجه كمان ساعات بيكدب ساعات بيقول حاجات ويرجع يقول مقولتش أو يعمل حاجه ويقول معملتش ودي بتدايقني ومش عارفه اعالجها ازاي مش صريح معايا ف كل حاجه ف مره طلب مني حاجه وانا رفضت راح قالي خلاص انا هشوف راحتي مع حد تاني وانتي خليكي زي ما انتي كدا رافضه كل حاجه قولتله ماشي اللي يريحك يا اما اعمل اللي هو عوزه ف الخطوبه يا اما يكلم حد يوافق علي طلاباته دي والمشكلة اني بحبه مش عارفه اعمل ايه
تم النشر الأربعاء، ٢٧ ديسمبر ٢٠٢٣
معلش هو غلطان هنا انه بيعلق على كل حاجة .. بس عادي عرفيه انك متضايقة بأسلوب، يعني وضحيله ايه نظرتك واستقبالك، ونسبة للكرامة انك تحافظي عليها يعني مايكونش فيه إهانة ولا تطاول عليكي ولا ع أهلك ولا تقليل من الشخصية كده، يكون محترمك يعني
تم النشر الأربعاء، ٢٧ ديسمبر ٢٠٢٣
المشكله اني مش عارفه ازاي متخلاش عن كرامتي وشخصيتي كله بيقولي اعملي لنفسك كرامه وشخصيه بس انا مش عارفه اعملها ازاي غير بقا ان انا بفوتله كل حاجه ومش بدقق لكن هو لا علي اتفه الاسباب بيكبر الموضوع ويكلم اهلي يقولهم مع أن هو لو عملي حاجه مش بشتكي لا لاهلي ولا لأهله وبقول الحمدلله احنا كويسين مع بعض مش بشتكي لو هموت بس هو لا ودايما بيحكيلهم عن غلطاتي انا هو لا بيحكي اللي يديني انا لكن هو لا
تم النشر الأربعاء، ٢٧ ديسمبر ٢٠٢٣
قصة حب أهي، كملوها بقى 🙂، راجل مقدام وابن اصول واختار الباب مش الشباك، حافظي عليه لكن ماتتخليش عن كرامتك وشخصيتك برضو .. يعني بالمعروف كده... الخلافات البسيطة فوتوها والعقد فكوها والمشاكل صلحوها .. مادام حب مشترك في الحلال الله يصلح اموركم
تم النشر الأربعاء، ٢٧ ديسمبر ٢٠٢٣
والله هو كويس وطيب بس عصبي جدا وغيور لدرجه فظيعه هو بيصلي وقريب من ربنا وبحاول استحمل أسلوبه بس مش بايدي اني احدد فتره الخطوبه تكون قد ايه سبب بعد المسافه اني مكنتش اعرفه لاني انا عايشه ف الغردقه طول عمري وبروح المنصوره فترات مره او مرتين في السنه وهو عايش ف المنصوره وشافني وانا هناك اخر مره واتقدم
تم النشر الاثنين، ٢٥ ديسمبر ٢٠٢٣
هي الغيرة ميزة وشيمة طبعا مش عند كله... بس انت بتحددي اذا كنتي هتتحملي اسلوبه ورد فعله على الأمور واستجابته للافعال ده بإيدك، وتاني بقول الخطوبة المفروض ماتزيدش عن ٣ شهور تقريبا كنت قارئها فين كده، وايه سبب بعد المسافة هل معرفة من الأهل أم أقارب ... ولا هو بيشتغل .. .. كل واحد له مخزون طاقة يساعده يتحمل الل قدامه، لو الراجل بيصلي فرضه وعلاقته مع ربنا سليمة تقدري تتعاملي معاه ان شاء الله وتطمئني .. الدين والاخلاق
تم النشر الاثنين، ٢٥ ديسمبر ٢٠٢٣
لو استخرتي وبتحصل مشاكل اظن ان دا معنا انه مع السلامه هذا والله اعلم
تم النشر الأحد، ٢٤ ديسمبر ٢٠٢٣
انصحك بشدة وبتجارب كتير، انك تحتكمي للعقل ان الخطوبة هي التجربة والاختبار الل بيبين صلاحية العلاقة وقابلية استمرارها، بجد يعني، وكلما طالت فترة الارتباط بيحصل مشاكل ده معروف .. واستخيري ربنا يخيرك الافضل ليكي
تم النشر الجمعة، ٢٢ ديسمبر ٢٠٢٣
لعرض السؤال في فدني اضغط هنا