العفو ، ربنا معاكي ❤️
تم النشر الأربعاء، ٢٧ سبتمبر ٢٠٢٣
كلامك منطقي جدا وفهمتوا وهعمل بيا وربنا معانا + شكرا 🥰❤
تم النشر الأربعاء، ٢٧ سبتمبر ٢٠٢٣
بصي احنا كشباب عشريناتي و مقبل علي الجواز مش هيهمنا اوي الجمال الفائق علي قد ما يكون الشكل مقبول بس عشان كلنا عارفين عمليات الصنفرة اللي البنات بتعملها في وشها اليومين دول 😂 ، فالاهم من الشكل هو الاخلاق و التوافق ما بينا و النضج الكافي لإقامة بيت و أسرة ، فلو دي حاجة مخوفاكي انسيها خالص الجواز دا رزق يعني و ادعي ربنا يرزقك بزوج صالح ، ثانياً انتي لو مبطلتيش مقارنة مع الآخرين عمرك ما هتحبي نفسك ابدا ،و مش لوحدك يعني انا بردو لو قعدت اقارن نفسي باللي حواليا مش هحب نفسي واي حد كدا ف لازم تبطلي العادة السيئة دي و تنسفيها خالص من دماغك لأن هي سبب كل دا .. كمان لازم تدركي الاختلاف بين البشر و أن دي حاجه طبيعية دا قصير و دا طويل ، البنت دي بيضة و دي سمرا شوية احنا كبشر مختلفين عن بعض ولازم نتقبل دا و منكترش ف التفكير فيه ، ولازم بردو تظبطي علاقتك مع ربنا و تدعي ربنا دايما أنه ينزل عليكي السكينة والطمأنينة كدا و أن دماغك متقعدش تحود للحاجات اللي ملهاش لازمه دي فيه دعاء اسمه ( دعاء السكينة ) ابحثي عنه و قوليه علطول ، و علي الجانب الآخر بردو لازم تقدري قيمة نفسك كدا و تحبيها زي ماهي و تحسسي نفسك بجمالك و أنوثتك ( طبعا جوا بيتك بس مش تفرجي أنوثتك للبشر كلهم ) ، يعني تهتمي بنضافتك الشخصية و بشعرك و بشرتك و شوفي البنات بيعملوا ايه و اعمليه ، و شوفيه فيديوهات علي اليوتيوب لو عندك مشكلة ما .. عيشي ( حياة صح ) كدا و فكك من الحاجات اللي ملهاش لازمه دي
تم النشر الأربعاء، ٢٧ سبتمبر ٢٠٢٣
شكرا لدعمك هحاول انشاء الله 🥰❤
تم النشر الأربعاء، ٢٧ سبتمبر ٢٠٢٣
اسفه اني تدخلت بس انتي جميله رغم كل حاجه .. ما تفكريش انك مش حلوه لان دا هيتعبك ممكن تجربي تعملي قصه جديده مثلا المهم شيلي المعتقد دا عن نفسك لانه هيخليكي كل مره تتقفلي من نفسك ما تعمليش كدا ... وتاني انتي جميله
تم النشر الأربعاء، ٢٧ سبتمبر ٢٠٢٣
كلامك جميل وهعمل بيه وانشاء الله هكون كويس + بس انا عندي شوية مشاكل في شكلي زي ان شعري وحش وجبهتي كبيره وحاحات تاني الحل فيهم 🙂♥
تم النشر الأربعاء، ٢٧ سبتمبر ٢٠٢٣
انا مقولتش انك زودتي بالعكس انتي عبرتي عن اللي جواكي فعلا ولكن أنا قصدي أن دي مش حقيقة دي مجرد مشاعر سطحية .. يعني انتي معندكيش اكتئاب ولا حاجه دول شوية زعل و حالتك النفسية مش كويسة ، الاكتئاب حاجه تانية خالص ربنا يعافيكي منه ، نفس الكلام قولتي عندي كسل مش طبيعي و جسمي مكسر مع أن دي حاجه عادية بس انتي شايفاها مشكلة ، انا بكلمك دلوقتي وانا تعبان جسمى مكسر و مش قادر اعمل حاجه بس انا عارف إني دي مش مشكلة يدوب هنام ساعتين و اصحي أكمل الحياة عادي ، بردو قولتي أن نظرتك لنفسك سيئة و معندكيش ثقة في نفسك و بتقارن نفسك باللي حواليكي كتير و مش عاوزه تخلفي ومش قد المسؤولية.. كل دي مشاعر سطحية و ليست مشاكل أو عقد الحمدلله .. زي ماقولتلك محتاجه بس تهتمي بنفسك شوية و تحبيها و تصلحي المفاهيم الغلط اللي عندك و ترجعي تواجهي العالم الصعب دا بنفس جميلة طيبة و خالية من المشاعر دي كلها
تم النشر الأربعاء، ٢٧ سبتمبر ٢٠٢٣
يشهد وربي ان مازودتش حاجه + اعتقد انك اكتر حد فهمني هحاول اعمل زي مابتقولي ♥♥
تم النشر الأربعاء، ٢٧ سبتمبر ٢٠٢٣
لعرض الإجابة في فدني اضغط هنا