عندي مشاكل نفسيه وأبي وأمي بينهما مشاكل اجتماعية فتأثرت صحتي الجسدية!

السلام عليكم انا عندي مشاكل نفسيه اولهم الرهاب الاجتماعي كان الموضوع مش بيفرق معايه في الاول بس انا دلوقتي كبرت 17 سنه والموضوع مزعلني ان مش يعرف امشي كويس بسبب التوتر بيحصل ضغط كبير علي اعصابي ولما بجي اكلم مع مدرس بحس اني هعيط بتوتر جامد لما امشي قدام ناس مش بعرف احط ايدي جنبي لازم اكون بلعب في حاجه زي التلفون او امسك في حاجه زي دراع صحبتي وتلغبط في الكلام من كتر التوتر او بقول كلام مش مفهوم لما حد بيبصلي او بحس ان الانظار عليه او حد مهم زي المدير او المدرس او حتى البنات المشهور في المدرسه وشي بيجيب الوان بتوتر وبيبقى غصب عني ببقى مهتمه بان محدش مركز معايه ودايما بركز مع اي حد بيلفت النظر او معروف او عامل حاجه ملفته ببقى مركزا اوي بطريقه مش طبعيه وبراقب الناس بخاف يقول عني حاجه بس والله مبفكر في حاجه وببقى مهتمه بنظرات الناس علي ولا لا وبخاف في تفكرهم من نحيتي حاولت اشجع نفسي ان مش مهم تفكير حد بس مش قادر الموضوع غصب عني مقدرش (الروح لدكتور) عندي كمان متلازمة جوسكا المتلازمه دي عباره عن ان بيبقى في عالم خيالي في دماغي وبفضل افكر واعمل سيناريوهات لحاجات وشخاص من الواقع والشخاص من الخيال عارف ان نص الناس عندها نفس الحوار بس معايه غير لان بقاعد بساعات كان الموضوع في الاول جميل بس مع الوقت بقى متعب مش بعرف اركز في حاجه وبنسي بسرعه وحرفيا بقيت بتخيل 24 ساعه مش بقدر اخرج من العالم ده اللي قليل حتى في الصلاه لما بجي اصلي واقرا قران بتلغبط لان ببقى روحت العالم ده وبنسى دايما انا في الركعه الكام وغصب عني والله بحس ان مش عارفه اعيش الواقع يعني لما بتحصل مشكله مش بحس بحاجه حتى لما تيتا توفاها مزعلتش رغم ان كنت بحبها وكنت بخدمها وقريبه مني حتى لما بشوف حد بيعيط مش بتاثر وباجي لما اكون لواحدي اتخيلي حاجات وانهار من العيط وممكن اتخل حاجات تفرحتي وبقى مبسوطه اوي رغم ان مافيش حاجه

معنديش ثق في نفسي خالص شايفه ان شكلي مش حلو وهو فعلا كده شعري مش حلو وجسمي دايما شايفه اني اقل من البنات التانيه

مش بعرف اقول لا لما حد بيطلب مني حاجه مش بعرف اقول لا بكسف اول كده او بعمل كد يمكن الاقي اهتمام من الشخص ده او نبقى صحاب او بخاف اني بقى لواحدي هو ان لواحدي بس بخاف بردو بحب اسيب انطباع كويس

عند توحد

واكتئاب

نفسيتي مش كويس حتى لما عملت تحليل عادي ظهر في التحليل

بحب اوي ابقى لواحدي بس الكويس اني مش بفكر في الانتحار علي العكس انا بخاف اموت بخاف اوي

كل ده بياثر في صحتي جامد عندي كسل مش طبيعي حرفيا جسمي كله بيبقى مكسر دايما عارفين لما بتخدو نفس وتحسوا براحه في صدركم انا بقى مش بحسها نسيتها اصلا نسيت ازاي ان الانسان ميبقاش في حاجه بتوعجوا

وغير كل ده انا فاشله في الدراسه وانا من ارياف وانا في سن الجواز بس مش مستعده في الارياف بيخلفوا بعد الجواز بشهر او شهرين

وانا مش عاوزه اخلف عارفه هتسغربوا ازي وان دي نعمه عارفه بس والله مقدر علي طفل ده لو عيط هعيط جنبوا مش هقدر اخلف وانا عندي مشاكل جسديه ونفسيا

وغير كل ده بابا وماما مش بيحبه بعض وبينهم مشاكل وكل ده بيجي علينا هو المشاكل مش بتاثر فيا لكن بيدخلوني فيها وانا مش قدها يعني بابا يكلم علي ماما ماما العكس وحاجه مقرفه مافيش حب ولا احتواء مش فكرا اخر مره بابا حضني وعمر فحياته مخرجني اتفسح انا واخواتي وامي كل اللي بيهمها الناس ومش الناس

انا تايهه مش عارفه اعمل اي انا حاليا الدنيا هاديه معايه

((اسفه علي الاخطاء الاملائيه))