السلام عليكم ورحمه الله وبركاته.انا بنت وعندي ١٥ سنه . ومعنديش طموح مش عارفه انا مين وجايه هنا اعمل اي وغير كدا انا تائهة بطريقه غريبه يعني صلاه مش بصلي وصوم مش بصوم ومش عارفه مالي انا بعيده بطريقة غريبة ربنا . ولما احاول اجمع نفسي واعرف انا مين وافهم الدنيا القي انو عندي حاجات كتيره اوي عاوزه تتعمل ف معملش حاجه في الاخر افضل افكر والخطط وفي الاخر مش عارفه ليه مش بتحرك ليه ديما ببقا قاعده في نفس المكان اللي انا قاعده فيه من زمان انا عاوزه اتغير بس مش عارفه ابد منين ولا ازي ولا كيف . وغير كدا عندي ابن عمي اقدي قالي انو هو بيحبني . وعاوز يكلمني . بس انا مش عاوزه كدا مش عاوزه ارتبط بحد ولا اعلق قلبي بحد عاوزه اشوف حياتي بس انا مش عارفه ابدا منين
فى البداية كده.من الواضح انك بنوته جميله وحابه انك تتغيرى التغيير بيكون مش سهل علشان كده بيحتاج صبر وعزيمه علشان نوصل لافضل نسخة مننا ممكن فى البدايه نبدأ بعلاقتنا بربنا لأن دى اول حاجه هتخلى اللى جاى كله نقدر أننا نتعامل فيه يعنى نبدأ بالصلاة دى اهم حاجة وكل ما تحس انك انتظمتى كفئى نفسك لان دى بدايه انك شخص قوى. بعد كده لازم ترتبى أولوياتك وايه اهم حاجه عايزه توصلى ليها يعنى هدفك ايه حاولى دايما تكتبى كل إنجازاتك اى موقف حققتى فيه نجاح اى حاجه عملتيها وطلعت صح ومظبوطه كل ده هيفرق معاكى جدا لو ليكى صديقه اتكلمى وفضفضى دايما وخليها تساعدك فى خطتك وتشجعك ولازم تكون حد واثقه فيه لانه هيكون معاكى فى التغيير ده فكرى حابه تتعلمى ايه جديد او كورس معين حابه تتعلميه حاولى تدخلى على النت فى مواقع كورسات كتير عندك فرصة كبيره ابدئى فى أقرب وقت وافتكرى دايما أن ربنا معاكى وبيساعدك فى كل خطواتك.وانك قوية وهتقدرى🌷
تم النشر الأربعاء، ٢٦ يونيو ٢٠٢٤
كل ده هايتصلح بقربك من ربنا وتعرفى الفرائض إلى اتفرضت علينا كامسلمين زى الصوم والصلاه كل ده عليه اجر كبير من ربنا ولازم تبدأى طموحك اقعدى مع نفسك شوفى نفسك تكونى اى لما تكبري عاوزة مستقبلك ازاى واشتغلى على دة كل مايبقى عندك هدف هاتبقى عارفة انتى بتعملى اى وعندك تحفيز موضوع ابن عمك خليكى بتفكيرك العلاقة إلى مترضاش ربنا نهايتها وحشه لانها ممكن تتعلقي بشخص ميبقاش نصيبك والأهم ثقة اهلك بالدنيا هو لو عايزك وبيحبك يستناكى ويجى يتقدم لاكن متتكلميش لان ده مش السن الصح السن ده الأحسن لى هو انك تسعى لمستقبلك
تم النشر الأربعاء، ٢٦ يونيو ٢٠٢٤
انت مش عايشه صدقني.... الحياه بتنتهي بالبعد عن السبب الرئيسي لاصلاحها في الدنيا وهو عباده ربنا بيقين ممكن ما تفهميني.... بس الحقيقه كدا ربنا منظم لينا كل حاجه تحسسنا بطعم الراحه وجمال المعيشه في التحرر من المجتمع والشيطان وعباده الدنيا.... انتي بتقولي مش عايزه ترتبطي اهوت بس سهل جدا مع الوقت الشيطان يعلق قلبك ولو ما كان كدا ماكنت ذكرت التفصيله دي.... الدين بقا لو تعرفي كويس وتدرس الاسباب ورا منع الحب الحرام الاختلاط هتتيقن انك على الدين الحق الناس اللي لا بتصلي ولا بتصومي زيها زي الملحد المنكر وجود الرب.... واحسب انك لست منهم ان شاء الله رحمه ربنا بيكي انك نزلت بوست زي دا رحمه من الله ولانه بيحبك فعايزك ترجعي... لو حسبنها سوا هتعرف ان ربنا اداك كتييير اوووووووووووووووي.... لو حد اداك مليون دولار اكيد هتشكري صح؟.... طيب لو حد اداك عشره مليون دولار هتفرحي جدا بس مقابل كدا هيأخد منك عينك هتعملي اي.... طيب ما بالك بقا اللي ادالك عينك من غير فلوس وادالك الحياه والصحه والوقت والرزق عايزه تحسي باللي انتي فيه زوري المستشفيات وانت تعرفي اسألي نفسك ربنا زعلك في اي عشان تبعدي عنه ربنا عملك اي عشان نفسك ما تحب تقرب لي وتنفذ اوامره وبالمناسبه لا تبديل لمنهج الله مفيش اصح من طريق ربنا
تم النشر الأربعاء، ٢٦ يونيو ٢٠٢٤
وعليكم السلام ورحمة الله وبركاته، حبيبتي. أولاً، أحب أقولك إنك مش لوحدك في اللي بتحسيه، وكثير من الناس بيمروا بمرحلة ضياع وعدم يقين، خاصة في سنك الجميل ده. خليني أحاول أساعدك شوية بخطوات بسيطة: النية الصافية مع الله: ابدأي بإعادة بناء علاقتك مع الله بخطوات صغيرة. ممكن تبدئي بدعاء بسيط كل يوم وشيئا فشيئا هتلاقي نفسك تقدر تصلي وتصومي. حددي أهداف صغيرة: ركزي على حاجات صغيرة ممكن تعمليها وتكمليها في وقت قصير. مثلا: أكملي كتاب معين، اتعلمي شئ جديد، أو شاركي في نشاط بيسيليك. كتابة الأفكار: حاولي تكتبي كل الحاجات اللي بتمر في بالك، خلي كتابة يومية (زي مذكرات) هي وسيلتك لتنظيم الأفكار وتحديد الأهداف. الخطة الواضحة: بعد ما تكتبي أفكارك، حددي أهداف واضحة وصغيرة ليها جدول زمني لتحقيقها. الابتعاد عن العلاقات: حلو إنك عارفة إنك مش جاهزة للعلاقات دلوقتي، ركزي على نفسك وتطوير ذاتك. وضّحي لابن عمك إنك حاليا مركزة في حياتك ودراستك وأنك مش مستعدة لارتباط. البحث عن دعم: حاولي تلاقي شخص تثقي فيه - يمكن أمك، أو صديقة مقربة - وتحكي لها عن مشاعرك، الدعم ممكن يكون له تأثير كبير. الاهتمام بالنفس: شامل انك تآكلي كويس، تنامي كويس، وتمارسي رياضة، دي حاجات بترفع الحالة النفسية وبتدي طاقة إيجابية. كره نفسك وتقديرها هو الخطوة الأولى للتغيير الإيجابي. خدي وقتك وما تضغطيش على نفسك كتير. صغيرة وكلنا كنا بنمر بمرحلة زي دي، ومع الوقت والصبر هتلاقي نفسك على الطريق الصح.
تم النشر الأربعاء، ٢٦ يونيو ٢٠٢٤
لعرض السؤال في فدني اضغط هنا