من بدايتي علي هذا البرنامج وانا ملاحظ ان اغلب المشاكل للبنات او حتي الشباب بتبقي بسبب الاب ذو شخصيه ضعيفه ..
وانا اصلا شخصيتي ضعيفه فبقيت خايف بصراحه لما اجي اتجوز ويبقي فيه اولاد ينضرو بسببي !!
+انا اصلا خايف من فكره الجواز نفسها بقيت بجد
خايف اختار غلط
خايف من وجود خلافات كتتير وتشققات وعدم تفاهم
خايف معرفش نربي اولادنا صح
خايف مراتي متحبنيش او حتي تخني
خايف من الشعور بالوحده
خايف اكرر مأساه زواج ابي وامي
خايف ابقي بلا هدف بلا قيمه
وطبعا خايف مع ظروف حاليه مكنش قادر ماديا وده عملي رعب اني اتخيل ان ابني في مره عاوز حاجه بس انا مش قادر اجبهاله زاي باقي الناس مش قادر ..
خايف نقع في مشكله واكون مش قادر احلها
وطبعا البيئه المحيطة اغلبها جوازات فاشله فانا اتربيت في بيئه مش تشجع علي جواز اصلا
بجد خايف من حاجات كتتيره جدا مخلياني حتي لو فيه وحده عجبتني الشعور ده بيخليني ابعد ..
فديما السؤال ليه اتجوز وانا معايا كل الخوف ده انا اكتئبت من جواز من قبل متجوز
السلام عليكم ورحمة الله وبركاته وبعد اخي الكريم لكي تتخلص من ضعف الشخصية يجب أن ينبع من داخلك انت كيف أن تكون قرارتك حاسمه ما دمت ترضى الله و ان تتعلم كيف تقول لا لكل حاجه انت مش عايزه أو مش راضي عنها متخليش حد يفرض شخصيته عليك الا في الحق و يا اخي العزيز أن كان 99٪ من الجوازات فاشله لماذا لا تكون انت من 1٪ من الجوازات الناجحة لماذا تحكم على نفسك بالفشل قبل أن تجرب و إن كان علي اختيار الزوجه الصالحه فظفر بذات الدين تربت يداك صدق رسول الله صلى الله عليه وسلم هتكول كيف اعلم انها علي دين و خلق حسن ادعو الله ان يختار لك الزوجه الصالحه قول اللهم اختر لي الزوجه الصالحه فأنا لا اعرف الاختيار و إن كان علي الاولاد ف كن لهم الاب الذي كنت تتمنى أن يكون ابوك و إن كان علي المصاريف و غلاء الأسعار قال الله في القرآن الكريم نحن نرزقكم و إياهم صدق الله العظيم. المال ليس كل شئ في العلاقات الناجحة التربية والحب والاهتمام والاحترام أساس الزواج الناجح و إن كان علي المال قال تعالى و في السماء رزقكم و توعدون فورب السماء والأرض أنه لحق مثلما انكم تنطقون صدق الله العظيم كن دائما مع الله و لن يضيعك الله ابدا ما دام حل مشكلتك ليست عند أحد من البشر فعليك بالاستعانة بي من خلق البشر و كن علي يقين بأن الله علي كل شيء قدير أسأل الله العظيم أن يوفقك الي ما يحب ويرضى و ان يرزقك الزوجه الصالحه و الذرية الصالحة اللهم امين يارب العالمين
تم النشر الاثنين، ١٥ أبريل ٢٠٢٤
طيب خليني الاول احييك على انك باصص على نفسك كويس وبتحاول تشوف اذا كان في عندك نقطه ضعف او عيب ممكن ياثر في المستقبل فدي حاجه تحترم جدا وخلينا الاول نقول ليه انت شايف ان شخصيتك ضعيفه هل بتقول على نفسك شخصيتك ضعيفه لان بيطلع منك تصرفات بتدل على ضعف الشخصيه. ولا علشان في حد وصفك بضعاف الشخصيه وانت صدقت على كلامه يعني ولا ايه الاسباب يعني ده ده اولا تاني حاجه الخوف كميه خايف خايف خايف خايف الخوف هو عباره عن موت يعني اللي بيفضل عايش بشعور الخوف وبس هو بيحكم على نفسه بالموت ليه لانه الخوف بيخلي البني ادم يفضل واقف في مكانه وما يتحركش. الخوف في الاساس هو شعور طبيعي جدا يعني ان الانسان يخاف ده واحد من المشاعر الطبيعيه اللي ربنا خلقها في البني ادم وما فيش بني ادم ما عندوش حجم. منها ولكن انا لما الاقي دلوقتي في حاجه انا بخاف منها حاجه بيكون قدامي حاجه من الاتنين يا اما انا دلوقتي افكر مع نفسي والاقي طريقه لما تظهر لي يظهر لي الشيء اللي انا بخاف منه ده اعرف انا هتعامل معاه ازاي فمعنى كده ان انا هكون مستعد للحاجه دي لو ظهرت او هبدا اعالج الخوف ده اشوفه وانا اصلا اخاف من الحاجات دي ليه لان ممكن يكون خوفي غير منطقي والخوف اسسه بينبع ان الانسان يبقى شايف ان ما عندهوش مقدما ان هو يواجه شيء ده او يتغلب على الشيء ده فيعني لو قلنا دلوقتي ان في حد بيخاف من الحشرات طب ايه الخليه خاف من الحشره هل هو كمان ادم كشخص كبير كده بجسد ده ما يقدرش ان هو يتغلب على الحشرات هو الصراحه يقدر يتغلب عليك امال بتبقى فين مشكله او من الخوف بيبقى جامد الخوف بيبقى جامد فكره فكره وهي فكره غير منطقيه بناء على القدرات طبعا ان هو يقدر هو هو عنده جوه دماغه بتقول له انت ما تقدرش تتغلب على الحشره دي والحشره دي ممكن تكون اقوى منك وتسيبك بمرض او تعمل فيك او تقرصك ارسنت ما تتحملهاش ياه الفكره ممكن تعمل كده اه طبعا لانه عقلنا بيصدق اللي احنا بنقوله له. فخلينا نقول ان محتاجين نبطل يعني ننزل بالسيل ده من المخاوف على مخنا وناخد واحده واحده منهم ونشوف قدراتنا الحقيقيه في الموضوع ده ولو احنا قدراتنا لقيناها ان هي لا ترقى دلوقتي للموضوع طيب ما نعالج ده ما احنا نشوف هو انا دلوقتي مثلا خايف لاحسن يحصل خلافات تمام اما اشوف ايه الحاجات الغالبه بتعمل خلافات زي ما انت قلت كده بالظبط انا ممكن شفت كثير من المشاكل اللي هنا اللي هي له علاقه بالزواج او الخطوبه فالنوعيه دي لو انا قابلتها اهي انا هعمل ايه انا هطرف ازاي وما فيش حاجه خاليه من نوع من الخلاف وعلاقات الحقيقيه بيكون صدقها قايم مع ان الانسان عرف يتصرف في الخلاف وعرف يعدي الخلاف الاتنين عرفوا يعدوا خلاف وده اللي بيخلي العلاقات اقوى لكن مش معنى ان انت شايف حد مثلا حياته زي ما بنقول مستقره او علاقه زواج ناجحه معنى كده دولت ما عدتوش بالخلافات بالعكس دول اكيد عبده بيخلفات ولكن هو نجاح على النوم قدروا يلا يعدوا بها الخلافات ودي بتكون اكتر يعني النقط المهمه جدا الناس تتفق ها لو اختلفنا هنعمل ايه؟ انصحك تاخد كل نقطه انت كتبتها انا خايف من كذا خايف من كذا وتبدا تغير الصيغه وما تكلمش نفسك خايف وتقول انا عايزه اقيم نفسي في الجزئيه دي وقيم نفسك وبعدين تشوف قدراتك الحقيقيه في الموضوع ده واستمر في الحياه وخطي خطوات في الحياه وما لكش دعوه بالناس التانيه ما لكش دعوه بالتجارب التانيه كل تجربه بتكون يعني مختلفه وكل التجربه بصمتها غير اي بصمه تانيه توكل على الله في اي شيء حتى لو انت شايف ان انت قدراتك لا ترقى لذلك ولكن احنا قدراتنا بربنا اكتر تواكلنا على الله بيخلي الدنيا مختلفه تماما فاسعى للصح وللحلال وان شاء الله ربنا هيعينك وهيقدرلك حاجات انت ما كنتش تتخيلها باذن الله باذن الله.
تم النشر الأحد، ١٤ أبريل ٢٠٢٤
فعلا اغلبية المشاكل او نقدر نقول مشاكل كتير متعلقة بالاهل والزواج .. ولكن هل انت معتقد ان فيه حد مبسوط هيطلع يقولك انا مبسوط وعايش حياة كويسة انا وعائلتي! طيب وهل فيه اساسا حياة خالية من الصعاب او المشاكل ..؟ اكيد لا. شخصيتك الضعيفة .. اشتغل عليها، اعرف ليه شخصيتك بقت كده، واشتغل على النقاط ديه، حتى لو هتروح لمتخصص يساعدك ايه المشكلة؟ لكن انك تخاف من حاجات ممكن اساسا متتوجدش، ده مش منطقي. عارفه انه غصب عنك .. لكنه يبقى غير منطقي. زي مثلا خايف مراتي تخوني! كل حاجه وارده طبعا .. بس انت اتعلم الاول ازاي تكون جاهز بقدر الامكان للزواج ومسؤولياته وده مش عيب، المفروض كل واحد يثقف نفسه قبل ما يتزوج. ويمكن خوفك ده يكون المحرك اللي حفزك تكون شخص افضل. فمتيأسش من نفسك، ومتخليش الخوف يكون هو السجن بتاعك، لانه اكبر عدو ليك هو خوفك. اشتغل على نقاط عيوبك .. بدل ما تفضل جواك وتكبر يوم بعد يوم.
تم النشر الأحد، ١٤ أبريل ٢٠٢٤
• أولًا : اصلح علاقتك مع اللَّه ، واللَّه سيُصلح لكَ علاقتك مع نفسك. • ثانيًا : لا تحكم على حياتك الشخصية بحياة من سبقك أو بحياة غيرك ، لأن البشر والظروف ليست جميعها مُتشابهة. • ثالثًا : طوِّر شخصيتك واقرأ ومارس الرِّياضة واعمل وأسس حياتك ثم ابدأ فكر في الزَّواج. • رابعًا : مخاوفك مخاوف طبيعية عند أي شخص ، ولكن إذا زادت عن الحد بشكل يمنعك من الزَّواج ؛ فإذًا الأمر قد تحول إلى عُقدة أو مُشكلة نفسية. • خامسًا : الزَّواج النَّاجح يعتمد على الاختيار النَّاجح ، والاختيار النَّاجح الذي يكُون بُناءً على (الدِّين والخُلق). • سادسًا : ثِق في نفسك واتقي اللَّه ، واستخير اللَّه في جميع أمور حياتك ، وبإذن اللَّه سوف تستطِيع أن تواجه هذه المخاوف.
تم النشر الجمعة، ١٩ أبريل ٢٠٢٤
- ليس هدف سؤالي تقييم عقليتك ، ولكن معرفة مع مَنْ أتحدث ، وهل سنك الحالي مُناسب للزَّواج أم أن الوقت مازال غير مُناسب.
تم النشر الجمعة، ١٩ أبريل ٢٠٢٤
بس في حد قالي الخوف من الفشل هو الدافع للنجاح... لنجاح اي شيء تحتاج خطوات و مسلمات و سعي وتعب حقيقي يخليك ترجع تنام اخر يومك و من التعب ماحسش غير وانت بتصحي... بص خلينا متفقين عواميد بنام البيت اب وام و ظروف كويسة متوسطة بأقل تقجير
تم النشر الاثنين، ١٥ أبريل ٢٠٢٤
انا كمان زيك
تم النشر الاثنين، ١٥ أبريل ٢٠٢٤
ولو أن انا كمان زيك
تم النشر الاثنين، ١٥ أبريل ٢٠٢٤
لاتكن متشائما لهذا الحد..كن انت نفسك وتحلي بالشجاعه..وحتكون كده لما تكون مسؤل عن زوجه واسره حتلاقي نفسك شخص تاني قوى ويقدر يدافع عن اسرته قبل نفسه..الموضوع بسيط ربي اولادك بالاصول ازرع فيم الدين والقيم وكون انسان وسطي في تعملك مع الاخرين..ربنا يوفقك في حياتك
تم النشر الاثنين، ١٥ أبريل ٢٠٢٤
طب م تبدأ من الاول😊..حاول تغير من شخصيتك..طور من نفسك واشتغل عليها✨..خلي عندك ثقة ف نفسك وخلي عندك امل دايما ..ليه شايف مستقبلك بالشكل ده..اتفائل وحب نفسك وحب الحياة ..اعمل قيمة لنفسك وحس بقيمتها عشان الناس تحبك وتعرف قيمتك ..اشتغل على نفسك جامد متفضلش كده طالما في حاجة مش عجباك غيرها..حط اهداف لنفسك وحققها ..اشتعل وانجح ..كون صداقات واخرج وشوف الدنيا بعين تانية وشيل كل الافكار السلبية دي من دماغك وبكرة ان شاء الله تحب وتتجوز وربنا يرزقك بالذرية الصالحة وتربيهم احسن تربية وتبقى قدوة ليهم ويفتخرو بيك وتعيش حياة سعيدة😊😊✨
تم النشر الاثنين، ١٥ أبريل ٢٠٢٤
مع اني من انصار فكره ان السن مجرد رقم ملوش علاقه بالعقليه نهائي كتتير شوفنا ناس كبيره بعقل صغير والعكس تماما ولكن عموما سني ٢٣
تم النشر الأحد، ١٤ أبريل ٢٠٢٤
- في البداية كم عُمرك ؟
تم النشر الأحد، ١٤ أبريل ٢٠٢٤
لعرض السؤال في فدني اضغط هنا