السلام عليكم
انا مش عارفة اقول مشكلتي ازاي
بس انا من فتره كنت قاعدة مع ماما وحكتلي حاجات بابا كان بيعملها زي أنه كان بيضربها ويعنفها وكان قاسي في كلامه وتصرفاته والفاظه معاها كمان كان بيكلم ستات عليها ويضربها لو اتكلمت أو علقت علي الموضوع دا وكمان قالتلي أنه الموضوع وصل بيه للخيانه الجسديه في مره من المرات بس قالتلي أنه قالها انها مش هتتكرر انا دلوقتي مش في حاله انهيار ومش عارفة اسامحه كل ما ابص في وشه احس باشمئزاز وقذاره ومش قادرة احترمه زي الاول برغم انه هو عمره ما قسي عليا ودائما حنين معايا ومش حارمني من شئ وبيعامل ماما كويس اوي دلوقتي بس انا من ساعه ما عرفت وانا مش عارفة اتعامل معاه ازاي من يومها وانا حابسه نفسي في أوضتي وبتجنب اشوفه قدر الإمكان أو اتعامل معاه علشان ميبنش في اسلوبي اني متغيره
مفيش انسان مش بيخطأ بس المهم ان الخطأ ميتكررش ودا اللي والدك عمله ملكيش حق تحاسبيه على حاجه ف ماضيه طالما حضرتك مكنتيش فيه وكان بيعاملك كويس ف من حقه عليكى انك متفكريش ف كدا وتحطى ف اعتبارك ان كل انسان بيخطأ
تم النشر السبت، ٢٩ يونيو ٢٠٢٤
كلنا بشر تحت الضعف وكلنا بنغلط وباباكي شخص عظيم في توبته إن كان بيعمل كل ده وعرف يطلع منه ويصلح غلطه المفروض ينظر ليه بكل أحترام علي أنه قوي الأراده
تم النشر السبت، ٢٩ يونيو ٢٠٢٤
السلام عليكم ورحمه الله اسأل الله لكي العافيه خلينا متفقين أن الله رب العالمين غفور رحيم بعباده، و ان شخص يكون ماشي طريق غير صحيح لا يقبله عرف أو دين و بعدين ييدأ يعمل اللي يرضي ربنا و العرف ف دا مجهود كبير جدا جدا منه، المفروض تفرحي أن باباكي اتغير للأفضل علشان مامتك و علشان بيته و عياله، و أن كلنا فينا عيوب و مش حاجه تقلل منه خالص لانه تاب و رجع عن هذه الافعال، اللي يقلل من الشخص هو إصراره علي المعصيه، و إصراره علي هدم بيته و جرح زوجته. ✴️و الدليل أنه اتغير انك بتقولي بقي كويس جدا مع ماما، و اللي بتتكلميه فيه دا كله ماضي، متقدريش تغيري فيه، المهم ليكي الواقع اللي انتي فيه. ✴️متزعليش باباكي منك بعد مجهوده علي المحافظه عليكم. 🔹و انتي هتاخدي يومين مستغربه بس لانك شوفتيه في التغيير الإيجابي و مستغبربه الكلام السلبي و مش طيقاه لانك بتحبيه. ✴️مش هقولك سامحي لانه هو معملش ليكي حاجه ولا آذاكي في شئ، هو فقط مشاكل مع زوجته اللي عوضها حاليا. 🔹 متخليش الشيطان يفسد علاقتكم سوا، الله يريد لنا الخير بالعفو و المغفره و الشيطان عاوز لنا دائما الفقر ف أننا نفضل نبص بس علي الجزء اللي مش كويس و ننسي النعمه اللي احنا فيه و هو التغير للأفضل. 🔹 و لا م تطلعي من اوضتك و تتعاملي و كان مفيش حاجه تعرفيها زي ما كنتي زمان و مع الوقت هتنسي. تحياتي 💐
تم النشر السبت، ٢٩ يونيو ٢٠٢٤
لا حول ولاقوة الابالله اولا كان الله في عونك وأسأل الله ان يصلح الحال.... بس حبيت اقولك ان مفيهاش مشكله اطلاقا لو الراجل اتجوز واحده واتنين وتلاته واربعه بس غلطته انه يخبي كأنه بيعمل شيء حرام.... والدك انت قولتي انه بيعاملك كويس طيب اي ذنبه انك تعاملي وحش وهو اتغير ما تحكموا على انسان من صفحه في حياته لا انتي ما قريتي بقيت الكتاب فحرام اللي يحصل من ظلم ليه ومقاطعه لدم اتغير دا حتى في دين الاسلام "التائب من الذنب كمن لا ذنب له" يبقى خلاص لدم ما عاد بيعنف حد والدتك هي كمان غلطانه انه تقولك ولازم تكوني واعيه بكدا مش لازم تعرفي احداث مرت سلبيه فادتك بيه دلوقتي انتي بتشكي في والدك للاسف وزعلت ما تحملي نفسك اخطاء غيرك لي انتي تدفعي تمنها... بابا اتجوز وكان في فتره في حياته مش كويس بس خلاص ربنا انعم عليه بالهدايه يبقى خلاص الحمدلله ونعم الهدايه لانك ما كنتي اكيد تتمنى تعيشي وهو بيعنفك دلوقتي فأتعلمي من الدرس واعرفي انه حقه دينيا يتجوز ودا طبيعي لاي راجل انه يهتم بكذا امرأه ويعيلهم ودا كلام ربنا عافانا عن الحرام بالزواج لو بصيت بس على العالم الغربي راح تشوفي الخيانه والتفكك بينهم ما عندهم مبادئ ولا واعيين ان الراجل طبيعي لو احتاج يتجوز فالزواج فيه صدق وعدم وقوع في الحرام والمرأه عندنا لو ما استحملت تقدر تتطلق بس الطبيعي لو راجل صالح يبقى ما تتركه
تم النشر الجمعة، ٢٨ يونيو ٢٠٢٤
وعليكم السلام ورحمة الله، يا حبيبتي، انا مقدرة تمامًا انتي حاسة بإيه وواضح إن موقفك صعب ومحتاج وقت علشان تستوعبيه وتتعاملين معاه. خلينا نشوف إزاي ممكن نساعدك خطوة بخطوة: اعطي نفسك الوقت: من الطبيعي إنك تحتاجي وقت تتقبلي وتتعالجي من هذه المشاعر. لا تضغطي على نفسك لتتغاضي عن المشاعر دي بسرعة. تحدثي مع شخص تثقين به: جربي تحكي مع حد غير ماما، ممكن يكون صديقة قريبة أو قريبة. كمان ممكن تكوني محتاجة حد مختص تسمعين منه ويعطيك نصائح تتعاملي مع الوضع ده، زي معالج نفسي مثلا. التركيز على الذات: اهتمي بنفسك وبصحتك النفسية والجسدية. ممارسة الرياضة، القراءة، الاسترخاء، والهوايات اللي بتحبيها كلها حاجات ممكن تخفف الضغط عليك. المواجهة والتفاهم: إذا كنت جاهزة، حاولي تتحدثي مع والدك بصدق وتعبري له عن مشاعرك. ممكن يكون حوار هادئ وصريح يبدأ عملية التفاهم بينكم. قبول التغيير: ممكن تحتاجي إنك تقبلي أن والدك قد يتغير للأفضل مع الوقت وإنه ممكن يتعلم من أخطائه. الموضوع مستهلك مشاعر كتير وأنا فاهماك. الإهم في الأول هو راحتك النفسية واجعلي تواصلك مع والدك تدريجي لو حسيتي أنك مستعدة. خدي وقتك وشوفي كيف ممكن تأخذي خطوة صغيرة كل يوم تجاه الشفاء والتفاهم. أنا هنا دائمًا لو احتاجتي تكلمي.
تم النشر الجمعة، ٢٨ يونيو ٢٠٢٤
عوضي والدتك بحاجات صغيرة وحلوة ، ونفس الوقت خليكي حيادية ، وربنا يباركلكم ف بعض 🫡
تم النشر الجمعة، ٢٨ يونيو ٢٠٢٤
والدي كدا ، كان بيعنفها من واحنا صغيرين واتجوز عليها بعد ما خانها طبعا مع واحظة تانية ، غير انه بيكلم حاليا اجانب و مصريين ع النت وحاجات كتيرة كدا ، بس انا بطلت احكم ع الناس ، واتعودت غالبا ، اصلي محضرتش الموضوع من أوله ف مقدرش احكم ، كنت ناوي اعوض والدتي عن كل اللي حصل ، حتي اختي الكبيرة قالتلي ان والدتي عندها كانسر ثدي ووالدي رافض أنها تعمل تحاليل وحاجات كبيرة اوي دماغي مش قدها ، مش عارف اتعودت زي والدتي انهم كل شوية خناق وان الموضوع طبيعي ، مع ان مفيش اي حاجة طبيعية واختي التانية عندها صرع وموضوع كبير اوي بس ه ؟ وبعدين ولا اي حاجة. just Let it go وتاقلمي طالاما مشوفتيش منه شئ سئ ، يمكن لو مكانه كنتي هتعملي نفس الشئ ، يمكن العيب ف اسلوب والدتك او ف صحبته يمكن يمكن life goes on ، قعدتك ف الاوضة مش هتفرق ، انا اتخنقت من والدي فترة وخدت عهد ع نفسي اعوض والدتي ، بس حصلي كام موقف كدا كنت حكمت ع ناس كتير وكنت ف الاغلب غلط ف بقيت كارف :) والموضوع مريح بالنسبالي ، قلقي مش هيغير شئ
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا