عايزة أعرف أي اللي أعمله ممكن يعتبر غيبة الأول عايزة أعرف معني كل من الأسماء اللي كتبتها في العنوان وهل مثلا أني أقول ناس زبالة مثلا هل دة بأخذ عليه سيئات أو مثلا النور قطع فبنتكلم عن السيسي وقولنا مثلا أنه شخص مش كويس أو بحكي عن شخص وموقف عمله فأستغربت الموقف وقولت دي قليلة الذوق ومثلا أني أنادي صاحبتي بأسم هي قالتلي متنادينيش به وكنت حبيت أضايقها ونادتها به كهزار مكنتش أعرف أنها جدية يعني فممكن تقولي هل كل الحاجات دي غلط؟وكمان عايزة أعرف كل الأشياء التي لا يجوز فعلها من الآيات دي
قال تعالى: "يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُولَئِكَ هُمُ الظالمون
قال تعالى: "يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ" [الحجرات : 12] -
الله يكون في عونا من متصنعي الود ادعي دايما ربنا يحفظ لسانك ويكفيك شر كل حدمؤذي
تم النشر الثلاثاء، ٢٥ يونيو ٢٠٢٤
كل دة لا يجوز هنحاول منشتمش اللهم أجل كتابنا في عليين واحفظ لساننا عن العالمين ولا تجعله يخوض فيما لا يرضيك
تم النشر الثلاثاء، ٢٥ يونيو ٢٠٢٤
أعتقد ردود ذكية كانت كافية في شرح معنى الغيبة والنميمة واللمز. بالنسبة لسؤالك هل حرام تشتمي أو تقولي لحد باسم حيوان فده من التنابز بالألقاب والنهي واضح في القرآن. أنتِ كمسلمة فيه نهي إلهي يمنعكِ تعملي كده بالإضافة إلى أمر بحسن الخلق وعفة اللسان فالأمر غير محتاج إنّكِ تتأكدي من حكم ودرجة الحرمانية في الدين. ترفعي عن استخدام هذه الألفاظ مع الغير واحرصي إن لسانكِ يكون نظيف دائمًا ودليل على إنّك شخص لا يؤذي الناس حتى بلسانه. وتذكري أحاديث نبينا محمد عليه الصلاة والسلام (المسلم من سلم المسلمون من لسانه ويده) وأيضًا (ليس المؤمن بالطعان ولا اللعان ولا الفاحش ولا البذيء) وحديث (إنما بعثت لأتمم مكارم الأخلاق) وإذا كان الناس تعودوا على الشتم أو استخدام هذه الألفاظ ووصف بعضهم بصفات الحيوانات فكوني أنتِ أفضل وترفعي عن هذا وكوني قدوة حسنة لغيركِ. أرجو أنّ تكون إجابتي قد أفادتكِ و يمكنكِ الرجوع لهذا الرد من الشيخ ابن باز عن نفس سؤالكِ https://binbaz.org.sa/fatwas/20659/حكم-السب-بالفاظ-يا-كلب-وحمار-ونحوها
تم النشر الثلاثاء، ٢٥ يونيو ٢٠٢٤
أهلاً بيك! طبعاً، أنا هنا عشان أساعدك. خلينا نبدأ بتوضيح المعاني: الغيبة : هي إنك تتكلمي عن حد بسوء وهو مش موجود، بمعنى إنك تقولي على شخص صفة مش في وجهه. النميمة : هي إنك تنقلي كلام بين الناس بهدف الفتنة والشر. اللمز : هو الانتقاص والاستهزاء بالناس بطرق غير مباشرة، سواء بالقول أو الإشارة. دلوقت نراجع الأمثلة اللي ذكرتيها: الكلام عن ناس وشتمهم (ناس زبالة مثلاً) : ده نوع من الغيبة، لأنك بتقولي كلام سيء عنهم وهما مش موجودين. قولك عن شخص قليل الذوق : ده بردو غيبة لأنك بتقولي صفة مش كويسة عن الشخص. الهزار (مناداة صاحبتك باسم هي مش بتحبه) : ده ممكن يكون من التنابز بالألقاب ودي حاجة غلط. عن الآيات اللي ذكرتيها، في شوية حاجات يجب نتجنبها: السخرية : متسخريش من حد، لأن الشخص اللي بتسخري منه ممكن يكون عند ربنا أفضل منك. اللمز والتنابز : متغيظيش حد بقولك أو أفعالك والمُنادات بالألقاب. الظن السيء : متظنيش الشر بالناس لأن الظن مش دايماً صح. التجسس : متتجسسيش على الآخرين أو تحاولي تعرفي أسرارهم. الغيبة : زي ما قولنا قبلاً، متتكلميش عن حد بحاجات وحشة وهو مش موجود. ده كله عشان نحافظ على علاقاتنا تكون سليمة ومرضية لله. عيشي حياتك بحسن نية وخلي كلامك وأفعالك يكونوا طيبين تجاه الآخرين. لو محتاجة أي مساعدة تانية أنا هنا لأي استفسار. ❤️
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا