السلام عليكم
انا عندى 17 عايزة اعرف سبب ايه الدوخه فجأة أوقات عيني بشوف بيها زغلله والوان بحس زى حد بيدفشني لقدام ومرات احس نفسي هوقع حتى انا ونايمه وساعات لو جيت اتحركت علشان اقوم احس قلبي بيقبض مرة واحدة زى كانها هتطلع ايه سببه دا والانميا عندى تسعه
السلام عليكم ورحمه الله وبركاته لما بيكون الهيموجلوبين الرقم بتاعه 9 فاحنا هنا تحت الطبيعي بخمس درجات على الاقل فده مش قليل لانه كل درجه من الهيموجلوبين بتنزل معنا اللي هي نتيجه التحليل يعني طبعا دي بتأثر على تحمل الجسم للاجهاد لان الهيموجلوبين ده اللي بيكون موجود أو اللي هو مقياس الانيميا يعني بيكون موجود في خلايا الدم كرات الدم الحمراء فيقدر ان هو يخلي الدم ينقل الاكسجين بسرعه فلما بيكون النسبه قليلة وعماله بتقل ده بيخلي الجسم مش قادر ينقل الاكسجين بسرعه فلذلك بنحس بالإجهاد بسرعه فلذلك اي حركه فجائيه بندوخ سريعا جدا وكل ده بسبب انه نقل الاكسجين مش سريع كفايه في جسمنا فمساله الانيميا دي ضروري ان هي تتحل علشان الموضوع ده يبدا يتظبط لازم يكون في نظام غذائي موجود في حديد زي العسل الاسود بقى واي حاجه فيها اللون الاسود الباذنجان التفاح الموز كل الحاجات دي موجود فيها نسبه من من الحديد من فإن احنا ناكل منها بشكل متوازن، لازم يكون الاكل بتاعنا متوازن طبعا اللحوم الحمراء والكبده دي اشهر حاجات بيكون فيها نسبه من الحديد كثير يعني ببساطه كده عشان ندور عليها وما نغلبش اي حاجه لما بنسيبها في الهواء شويه لونها بيسود دي كده فيها حديد تمام ناكل منها علشان نسبه الحديد بتاعتنا تعلى زائد انه بما ان حضرتك نسبه الهيموجلوبين تسعه هتحتاجي إنك تاخدي مكملات غذائيه فيها حديد ممكن عن طريق الدكتور يكتبها لنا أو ممكن عن طريق الصيدليه ناخذ أقراص حديد وما بيتاخدش اكثر من قرص في اليوم غالبا يعني بس طبعا هتتأكدي من من الصيدلي وألف سلامه ان شاء الله تكوني احسن. وطبعا اشربي ميه كويس جدا جدا جدا يعني بلاش نهمل المايه.
تم النشر الأحد، ٢٠ أبريل ٢٠٢٥
انيميا ٩ طبعا و اعراض اكتر من كده كمان زي انخفاض الضغط.. يجب متابعة طبيب باطنه لاعطاءك الدواء و التحاليل المناسبه و يفضل تروحيله بتحليل iron profile لتحديد سبب الانيميا
تم النشر الاثنين، ٢١ أبريل ٢٠٢٥
وعليكم السلام ورحمة الله وبركاته، أختي رضوى، الدوخة المفاجئة والزغللة التي تشعرين بها قد تكون ناتجة عن عدة أسباب، ومن المهم أن نفهم أن الحالة الصحية العامة تلعب دوراً كبيراً في ظهور هذه الأعراض. الأنيميا : بما أنك ذكرت أن مستوى الهيموجلوبين لديك 9، فقد يكون ذلك هو السبب الرئيسي لهذه الدوخة. الأنيميا تؤدي إلى قلة إمداد الجسم بالأكسجين، مما يسبب الدوخة والشعور بالزغللة. انخفاض ضغط الدم : قد يحدث انخفاض في ضغط الدم عندما تقومين من وضعية النوم إلى الوقوف بسرعة، مما يسبب الدوخة. الإجهاد النفسي : الضغط النفسي أو القلق قد يؤديان أيضاً إلى الشعور بالدوخة وعدم الاستقرار. مشكلات في الرؤية : بعض مشكلات العين قد تؤدي إلى الشعور بالزغللة، مثل مشاكل الانكسار أو ضعف البصر. أوصيك بشدة بزيارة طبيب مختص للحصول على تشخيص دقيق، حيث سيكون لديه القدرة على إجراء الفحوصات اللازمة وتقديم العلاج المناسب لحالتك. من المهم عدم تجاهل هذه الأعراض، خاصة في عمرك، حيث أن رعاية صحتك الجسدية والنفسية أمر بالغ الأهمية. أسأل الله لك الشفاء العاجل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٩ أبريل ٢٠٢٥
وعليكم السلام ورحمة الله وبركاته ممكن دى سببها انك مش بتاكلى كويس..... او أكلك مش منتظم.... او بتتعرضي لضغط.... حاولى تهتمى بأكلك وصحتك وبلاش املاح وموالح اتمنى بجد تعملى بالنصيحه لان لو مهتمتيش بنفسك محدش هيهتم بصحتك
تم النشر الأحد، ٢٠ أبريل ٢٠٢٥
لعرض السؤال في فدني اضغط هنا