السلام عليكم ورحمة الله وبركاته.. ارجو منكم تسمعو الموضوع للاخر لان حرفيًا انا مقهور و بموت و محتاج حل .
انا شاب ١٧ سنه ، مؤخرًا حصلي موقف الموقف ده اثر فيا و بقيت مش عارف اعيش حياتي زي الأول ..
بس قبل لما اقول الموقف لازم اقول حاجه صغيره انا طولي ١٦٧سم و كنت مقتنع اقتناع تام ان ده طول طبيعي مقارنه بصحابي في منهم كتيير طوال و في منهم برضو اللي في نفس طولي ، بس كنت بقول المشكله فيهم هما إنما انا بطول بمعدل طبيعي خالص لحد ما جيه يوم و حصل الموقف اللي انا بكلم عليه ..
و هو ان واحد صاحبي ، هو من أعز صحابي كنا بنكلم في موضوع و بعدين ذكر لي ان انا قصير .. انا قولتله يبني انا طولي طبيعي مش قصير و لا طويل بس هو كان مصمم ان انا قصير و ان مفيش اقصر مني ( هو قالي كده بجد ) انا حاولت اقنعه كتير بس مفيش فايده ،
مع العلم ان هو مش اول مره يقولي الكلام ده بس انا كنت بطنشه زمان دلوقتي بعد اخر مره قالي فيها الكلام ده (الموقف اللي انا بحكي عليه ) وانا حياتي اتبدلت ..
بقيت بمشي في الشارع اقيس اطوالي بكل الناس حتى البنات و ساعات بلاقي ناس اطول مني و بزعل جامد اكتر ما انا زعلان ، و بقيس طولي بـدا و دا و دا. وحتي لدرجه ان انا بقيت ان انا بقيت ابحث علي النت علي أطوال ممثلين و شخصيات مشهور ..
انا كنت بحاول اعالج مشكله و هي الثقه بالنفس بعيد عن الموضوع ده ..بس من بعد الموقف ده انا ثقتي بنفسي بقت في النازل و رجعت لنقطه الصفر تاني و مبقتش عارف اعيش طبيعي ، بقيت بتجنب الناس و مخنوق علي طول و بجد بتمني اموت عشان اخلص من الحكايه دي بقي .. ارجو اللي عنده حل يتكلم باستفاضة و جزاكم الله خيرًا
السلام عليكم ورحمه الله وبركاته. انا هقول لك مساله ان الواحد يكون عنده نظره تجاه نفسه النظره دي يكون واثق منها جدا وما عندهوش مشكله فيها وتبدا النظره تتغير الموضوع ده بيعتمد على انا حاطط مين هو المرايه بتاعتي. لما بنبدا يبقى في عندنا اشخاص الاشخاص دولت بنحطهم في قيمه عاليه جدا لدرجه ان احنا نبدا نحطهم قبل نفسنا ده اللي بيحصل بالضبط. انت عندك يعني اريحيه مع نفسك وشايف نفسك بنظره كويسه جدا وكنت حاطط نفسك هنا بان رايك عن نفسك هو رقم واحد بعد كده تيجي اراء الاخرين فهنا مش هيحصل مشكله لانه حتى لو اراء الاخرين جت تبقى مختلف عن رايي انا لسه رايي هو اللي محطوط رقم واحد ونظرتي لنفسي ومرايتي قصاد نفسي هي رقم واحد فهنا مش هيحصل مشكله اول ما بدات بسبب قرب صديقي ده مني لانه هو حد انا باثق فيه وانا بحب رايي وفي مختلف الحاجات انا بسمع منه وبحكي له وي وي بدا الشخص ده وفي الموضوع ده بالذات اتحط هو رقم واحد بدالك اول ما اتحط رقم واحد بدالك فبقت الصوره. اللي هو عكسها كمرايه في الوضع ده بقى. هي الصوره المؤكده ولذلك انت بقيت ماشي طول الوقت عاوز تاكد كلام الشخص اللي اتحط رقم واحد واللي رايه اتحط رقم واحد. لو انا هكلمك في حل السقطات اللي بتبقى زي دي عشان ما تكملش معاك فاول حاجه هتحتاج تعملها انك تروح لصاحبك وتقول له اللي حصل بالظبط هتقول له من وقت ما انت اصريت على النظره بتاعتك دي وانك قلت لي كده وانت اثرت علي بشكل سلبي وانا بطلب منك ما تعملش ده ثاني انت بالنسبه لي شخص مهم ورايك بيفرق معايا فيا ريت تخلي بالك من اللي انت. بتقوله لي كويس قوي ولو مش هتبدا تخلي بالك فانا مش هحب اسمع منك ثاني الخطوه دي مهمه جدا جدا لانها بتبقى قصاد نفسك انت فعلا بترجع ترجع الشخص ده ثاني رقم اثنين وتحط نفسك ثاني ورايك انت عن نفسك ومرايتك قصاد نفسك بتحط نفسك انت رقم واحد بعد كده هتبدا تحط مرجعيه اخرى لتقييم النقطه دي بالذات فاحنا هنجي دلوقتي عايزين نقيم نقطه الطول والقصر دي وناخدها ولكن مش من اراء اشخاص ايا كان مين هما هبدا اخدها منين هبدا اشوف والله بشكل طبي انا عمري كم سنه انا هدخل اشوف والله اا كمصريين لانه دي مهمه جدا لان دي حاجات مرتبطه بالجينات اصلا كمصريين الطول الفلاني ااا في العمر الفلاني هل ده يتحط ضمن قصار القناه طول القمر انا هشوف بشكل علمي وبشكل طبي وساعتها انا هبدا اخذ دي نقطه اقيم عليها انا نظرتي لنفسي في النقطه دي بالذات دي حاجه الحاجه الثانيه اللي انت لازم تكون عارفها انه اي صفه هي معتمده في الاساس على المقارنه يعني دلوقتي لو انا في مكان كل اللي فيه طوال طولهم معدي ال 170. فانا عندي ناس دلوقتي فوق في اوضه واحده وكلهم من 170 لحد 175. انا كشخص هدخل الاوضه دي انا هشوف الناس دي كلها طويله ومع ذلك لما اجي اقول لك اقول لك رتبهم لي من الاقصر للاطول هتبدا تعمل ايه هتاخد اللي طوله 170 وهيبقى هو ده مين اقصر واحد هل معنى كده انه الشخص ده اقدر اوصفه انه قصير لا برده هو ما زال شخص طويل ولكن لما بدات اعمل حاله من المقارنه. او حبيت ان انا اعمل ترتيب تصاعدي احتجت ان انا استخدم لفظ الاقصر هنا علشان في تباين في الاطوال المساله دي مهمه جدا وبتبقى على كل الصفات.
تم النشر الخميس، ٦ فبراير ٢٠٢٥
بص انا من سنك و من طولك وعارف ان ماشاء الله اغلبية اللي معانا زرافات و طوال اوي بس هقولك حاجة هي عمرها ما كانت بالطول ممكن طويل بس غبي طويل بس ضعيف و رفيع طويل بس تافه و ملهوش لازمة انا طولي ١٦٩ و وزني ٦١ يعني على الحسبة دي انا قصير و رفيع كمان بس بتمرن و جسمي حلو و بقرأ كتب و بكسب علم و معرفة و عندي لغة و لو حد من اصحابي احتاجني مش بقصر معاه في حاجة انا عايزك تشوف ان هي مش بالطول ابدآ و لعلمك الطوال عضلاتهم بتتبني ابطأ مني و منك يعني انت تقدر تبني جسم رهيب جدآ في طولك ده ده كله بعيدآ عن ان نموك بيقف عند سن ال٢١ و بتختلف طبعآ من شخص لشخص، بس انت عندك فرصة تطول و لو مش بتتمرن و ابتديت تتمرن هتطول و كتافك هتبقى اعرض بس هتحتاج ترفع وزنك شوية لو رفيع زيي وهما الولاد كدة عمومآ بنجرح فبعض و بنتتريق على بعض عادي و مع الوقت هتكتسب مناعة للكلام الفاضي ده ولعلمك انت مش قصير اساسآ وربنا يعينك ان شاء الله و يوفقك
تم النشر الخميس، ٦ فبراير ٢٠٢٥
وعليكم السلام ورحمة الله وبركاته، أخي العزيز، أشعر بمدى ما تمر به من مشاعر صعبة، وأريد أولًا أن أؤكد لك أن ما تحس به هو شيء طبيعي للغاية، خصوصًا في سن المراهقة حيث تتشكل الهوية الشخصية لدى الكثيرين. تأثرك بكلام صديقك هو رد فعل بشري شائع، لكن دعني أشاركك بعض الأفكار التي قد تساعدك في التغلب على هذه المشاعر. الإيمان بالقيمة الذاتية : حاول أن تتذكر أن قيمتك لا تكمن في طولك أو مظهرك الخارجي، بل في شخصيتك وصفاتك الأخرى مثل الذكاء، اللطف، والإبداع. اجعل هذه الصفات هي ما يُحدد قيمتك. البحث عن الدعم : تحدث مع أصدقائك الذين يقدرونك ويشجعونك، أو مع أفراد عائلتك. قد تجد من بينهم من يساعدك في إعادة بناء ثقتك بنفسك. التركيز على تحسين الذات : بدلاً من التركيز على طولك، حاول تبني اهتمامات جديدة. يمكن أن تكون الهوايات الرياضية أو الفنية توجيهًا جيدًا لك. تحسين مهاراتك يمكن أن يعزز شكل الثقة لديك. تجنب المقارنات : إدراك أن كل شخص فريد سواء من حيث الشكل أو القدرات يساعدك على تقليل الضغط الذي تفرضه على نفسك. كل شخص لديه ما يميزه عن الآخر. احتراف التفكير الإيجابي : حاول التفكير في الأمور الإيجابية في حياتك، وابدأ بتدوينها. الإنصاف مع نفسك والإقرار بنجاحاتك مهما كانت صغيرة يعزز من إحساسك بالنجاح. إذا استمرت هذه المشاعر، فقد يكون من المفيد أن تتحدث إلى مختص نفسي لمساعدتك في فهم مشاعرك والتعامل معها بشكل أفضل. أتمنى لك كل التوفيق، وتذكر دائمًا أنك تملك قيمة كبيرة تستحقها.
تم النشر الخميس، ٦ فبراير ٢٠٢٥
الثقه بالنفس شيء مهم مش نستسلم دايما للكلام ده ونحبط انفوسنا لازم نحب نفسنا زي ماهي سوء حلوة او وحشه وبعدين انزل جيم اظبط الدنيا فيه فرص واحتمالات كتير بس نحمد الله على النعمه دي
تم النشر الثلاثاء، ١١ فبراير ٢٠٢٥
هو ١٦٧ دا طول عادي جدا دا كمان مش طوييل اويي و لا قصير اوي انت طولك حلو ما شاء الله. ف بالنسبة لصاحبك ف دا واحد ابعد عنه عشان هو لو صاحبك بجد هيخاف علي زعلك و هيحب عيوبك حتي . بالنسبة بقي للثقة ف ربنا مبيخلقش حاجة وحشة ابدا ابدا و متقارنش طولك بحد لانه دا اختلاف و اختلافنا بيميزنا . و اكيد ربنا كاتبلك بنت طولها مناسب مع طولك . ف خلي عندك ثقة في ربنا انه بيخلق كل حاجة جميلة و ملكش دعوة بآراء الناس لانها عمرها ما بتتفق علي حاجة واحدة . بس و اخر حاجة انه الشخص بجوهره و اللي جواه مش بمظهره ياما كدب المظهر الخارجي.
تم النشر الأحد، ٩ فبراير ٢٠٢٥
حبيبي الغالي، هل تعتقد أن الله خلقنا جميعا كاملين دون عيوب؟ الاجابه طبعا لا كل واحد فينا فيه عيوب انت عيبك انك مثلا قصير لكن عندك مميزات اهم انك شخص طيب القلب رحيم تحب الخير للناس ف هل سأنظر الي عيبك واترك هذه المميزات بالطبع لا ف سبحان الله، فهو لم يخلق احد كاملا ف صديقك نفسه له عيوب وانا لي عيوب هو يمكن لم يكن يقصد لكن انت اخذتها بشكل مزعج هحكيلك شئ صغير انا عندي مشكله في اسناني وهي حاله نادره جدا والأشخاص ينظرون إلى اسناني ف يقولون غريبه وتشبه اسنان القرش هل هذا يجعلني أحزن بالطبع لا لأن انا ربنا سبحانه خلقني عندي ميزات تانيه كتير اولا الحمدلله كاملا لا ينقصني عضو أو أي شئ لدي مأوي يحميني ال عايز اوصله لك حبيبي في الله إن الله لم يخلق شئ سئ ف إياك أن تحزن وان كنت بالفعل قصير وان كان كلامه صحيحا وكل ما عليك ان تطور فيما تملك وهي مميزاتك وان تنظر الي عيوبك ايضا ولكن في اخلاقياتك وليس في خلقك، مثل علاقتك بالله والناس تعاملاتك في الحياه.. هدانا الله واياك اخي العزيز وبارك الله فيك وحفظك 😊
تم النشر الأحد، ٩ فبراير ٢٠٢٥
بص اولا انا عندي نفس عقده الطول لاني قصيره والطول صراحه بيخلي الجسم متناسق بس ده خلقة الله ودي جينيات طبيعيه اخدتها من امي وفي كتار في عيلتي قصيرين طولي مش بيحدد انا مين ولا بيحدد شخصيتي انا اللي بختار طريقه حياتي ولو بصيت في الدنيا دي كلها مفيش حد عجبه حالي يعني انت مثلا شايف أنه صحبك الطويل ده مبسوط بطوله وكده هتلاقي عنده مشكله تانيه وحاسس بالنقص فيها طبيعي احنا بشر ومش كاملين وممكن تشوف واحد وتقول إنه ده مفيش عنده اي عيب ولا اي حاجه معكننه علي حياته وهو شايفك كده لان كل واحد ما يعرفش بأمور التاني فيعني طولك ما تخلهوش يأثر علي ثقتك بنفسك
تم النشر الخميس، ٦ فبراير ٢٠٢٥
لعرض السؤال في فدني اضغط هنا