السلام عليكم ورحمه الله وبركاته
انا طالب في سنة أولي جامعه و متغرب و ووالدي بخيل أو اناني و والدتي متوفيه و والدتي كنت باخد كل فلوسي منها و بعد ما ماتت مفيش غير والدي و الحقيقه ايده تقيله في القرش اوي فهل لو خنسرت منه حرام ؟ يعني مثلا انا ساكن ب 1000 جنيه لو قولته أنه غلي و بقا 1200 مثلا و احوش لقدام او آكل اكله نضيفه و البس لبس نضيف أو حتي حوشت و اشتريت لاب نضيف ادخل منه فلوس لاني شاطر في مجال الجرافيك و في كلية حاسبات و معلومات و بتعلم برمجه و كده ،المهم هل ده حرام ؟
خلى علاقتك بولدك مفيهاش خداع او انك هتفضل حاسس باذنب انت اه عاوز علشان حاجة تفيدك مش واخدهم تلعب بس دايما الكدب ملوش رجلين افرد بباك عرف سعتها مش هايكون فى ثقة ويفكر انك اخد الفلوس ترفيه اقعد معاه وعرفة انك عاوز علشان تطور فى البرمجة او الجرافيك اوانك تحوش فلوس لقدام اكيد هايتفاهم طالما الفلوس هاتنفعك وده ممكن مش انانيه ده بيبقى حرص فى الزمن ده القرش مش بالسهل فتلاقى مش عاوز يصرف اوى ربنا يوفقك وحاول تنزل دور على شغل احسن حتى لو فى الاجازة بس
تم النشر الأحد، ٩ يونيو ٢٠٢٤
انا شايف أنك تستغل أن الاجازة قربت وتنزل تشتغل انت مبقتش صغير عشان تطلب من والدك حتي لو هو كده مينفعش نكدب عليه خلي في ثقة بينك وبينه ولو الموضوع مضايقك روح اقعد واتكلم معاه وشوف رد فعله وبعد كده قرر بقي انت عايز تعمل إيه
تم النشر الأحد، ٩ يونيو ٢٠٢٤
بصي بصراحه انا مش معاك خالص ان انت تعمل كده في والدك حاول انت لو هتقدر تنزل تشتغل تصرف على نفسك لو مش قادر مثلا تعمل ايه تحاول حاول ان انت تكلمه تقول له معلش لو هتزود الفلوس شويه المصاريف زادت وكده ولكن ما تعملش اللي انت بتقول عليه حرام وربنا يهديك ويهدي والدك ويصلح بالك
تم النشر الأحد، ٩ يونيو ٢٠٢٤
تقدر تشتغل ؟ حتي ف الاجازه لو نافع تشتغل وتحوش ف دا هيكون أحسن ليك بدل م تحس بالذنب طول الوقت انك عامل حاجه غلط اتكلم مع والدك وقوله أنا ظروفي كذا واحتياجاتي كذا وأنا مقدر أن الدنيا صعبه عليك واحنا عايشين ف خيرك بس معلش حاول تزق الدنيا معايا معرفش هتكلمه بأنهي طريقه بس كلمه بالحسني وحاول تخلق نقاش
تم النشر الأحد، ٩ يونيو ٢٠٢٤
وعليكم السلام ورحمة الله وبركاته، أولاً، بدي أشكرك على صراحتك وثقتك في مشاركة قصتك ومشكلتك. خليني أكون صريحة معك، الكذب أو تغيير الحقائق عشان تحصل على فلوس إضافية من والدك يعتبر نوع من الخداع، وهذا يعتبر غير مقبول من الناحية الأخلاقية والدينية. موضوع المال دايمًا حساس، وبفهم من كلامك إن والدك ممكن يكون حذر أكتر من اللازم في صرف الفلوس، لكن خليك غيري واعي أن الحل مش بيكون من خلال الكذب أو الخداع. صدقني، الطريقة دي مش هتكون مفيدة على المدى البعيد وممكن تسبب مشاكل أكبر مع والدك وتأثر على علاقتكم. نصيحتي ليك هي تجربة الحوار الصريح والمباشر مع والدك. اشرح له موقفك واحتياجاتك ووضح كيف خططك للمستقبل ممكن تحقق فوائد ليك ولعيلتك كمان. حاول تقدم له ميزانية واضحة تبين له النفقات والإيرادات المحتملة من المشاريع اللي انت ناوي عليها، ممكن ده يساعده يفهم احتياجاتك بشكل أفضل. وفي نفس الوقت، حاول تدور على وسائل أخرى لزيادة دخلك، زي العمل بدوام جزئي أو مشاريع فريلانسر في الجرافيك والبرمجة اللي انت شاطر فيهم. ده ممكن يكون خطوة ممتازة لزيادة دخلك بدون الحاجة للاعتماد فقط على والدك. ربنا يوفقك ويديك الحكمة والبصيرة لاتخاذ القرارات الصح ليك ولعيلتك.
تم النشر الأحد، ٩ يونيو ٢٠٢٤
حرام طبعاً
تم النشر الأحد، ٩ يونيو ٢٠٢٤
لعرض السؤال في فدني اضغط هنا