السلام عليكم
انا طالبه فى الدراسات العليا قسم صحة نفسيه امتحاناتى قربت وكانت السنه دى صعبه جدا عليا اتخطبت وفسخت خطوبتى بعد مشاكل كتير وانا حاليا بحاول اذاكر ومضيعش وقت لكن فى أوقات مش بقدر وبرجع افكر فى مشاكلى معاه واسأل نفسي هو ليه كان بيقسي عليا ويزعلنى ويتجاهلنى ويحبطنى فى دراستى وشغلى ويكرهنى فى اهلى والمشكلة أنه مش مقتنع أنه اذانى ولا معترف أنه كان غلطان انا قبلته بعد الانفصال كان زعلان وكأنى انا ال ظلمته مش هو ال ظلمنى وانهرت بعد ما شوفته واتكنست ودخلت فى حالة اكتئاب وبحاول اطلع منها انا عايزه اعرف ازاى ارجع ثقتى فى نفسي تانى واركز في دراستى
وعليكم السلام بصي اللي انا فهمته من انك بتسألي نفسك ليه هو كان بيقسي عليكي ويزعلك و يتجاهلك ويحبطك ودي هنتكلم عليها بعد شويه بصي اول حاجه انتي لسه بتحبي الانسان ده صح؟ بس بتحولي تنسي بس طول مانتي شايفه انه لسه بيحبك او انتي اللي ظلمتي وده الوهم اللي انتي دلوقتي عايشه في بسبب حبك لي الانسان ده بصي انتي لازم تواجهي نفسك بأنه مش بيحبك وي الدليل علي ده ان هو حتي كان بيقسي عليكي ويزعلك ويتجاهلك الانسان اللي بيحبك والله حتى لو كان مشغول مش بيعرف يعمل ده اما بقا بخصوص انه بيحطبك ده دليل انه مش عاوزك تكوني احسن منه وي كمان الاكيد ان انتي احسن منه بكتير وانتي عارفه كده عشان كده هو كان بيحبطك لاكن بالنسبة انك كنتي حاسه ان انتي اللي ظلمتي لا والف لا هو اللي ظلمك وظلمك جامد كمان لازم تقولي الكلام ده لي نفسك كل لما تفكري في وي مع الوقت هتنسي صدقني وركزي في تعليمك لان هو اهم بالف مره من اي حد اتمنى تكوني فهمتي انا اقصد اي ربنا معاكي
تم النشر الأحد، ٢٦ مايو ٢٠٢٤
طيب بما انك بتدرسي صحه نفسيه تعالي كده اقول لك حاجه لها علاقه بالصحه النفسيه لما بتكوني مش قادره يعني تعرفي حاجه منطقيه الشخص يكون بيتصرف على اساسها اعرفي ان هو غالبا عنده خلل نفسي او عنده عدم سواء نفسي بنسبه ما يعني مش لازم نقول ان هو كده الدنيا بايظه معاه خالص لكن هو بيكون في عنده مشكله ومن اللي انت حكيتيه ده. من الوارد جدا ان يكون كان الشخص قدامك. شاعر ان هو قصادك اقل وكان شعور داخلي عنده ولذلك كانت تصرفاته كلها في اتجاه ان هو يحبطك ويقلل منك وهو طبعا ما يبقاش حاسس بده ليه لان هو مش شايف ان هو اللي هو بيعمله ده حاجه هو مخطط لها يعني هو شايف انه بيتصرف تلقائي او شايف ان دي حاجه عاديه ده احتمال وفي احتمال تاني ان هو يكون عنده كوبي من بيته باباه ومامته ان هو شايف ان الست لازم تكون في وضع اقل ولذلك بعد ما خطبك شاف انه لازم يحس بده لازم يحس ان هو الاعلى وان هو الاقواء فبيعمل ده بان هو يقلل منك ويؤكد عليك انك اضع. يفضل يعمل ده بشكل برضو تلقائي جدا انك تروحي في انك تحاولي تقنعيه ان هو اذاكي ده جهد مهدر ومش ضروري خالص تعمليه حتى لو اللي قدامك واخد فكره انه انت انفصلتي بلا داعي طب تمام خلاص اوكي لانه اقنعك ليه مش هيفيدك باي حاجه ومش هيفرق في اي حاجه من الواقع وانت مش موجوده في الدنيا عشان خاطر تثبتي لكل الناس بكل اختلافاتهم همم ان انت صح. طالما انت اخدتي خطوه خليكي خلاص قدها واللي عدى ده تخطيه بانك ما بينك وما بين نفسك تجاوبي على كل الاسئله اللي تخصك مش اللي تخصه لان طول ما هيفضل عندك سؤال هو عمل فيا كده ليه طب ما هو المفروض هو اللي يجاوب على السؤال ده هل عمرك هتاخدي منه اجابه ويجي يقول لك اه انا عملت فيك كده عشان انا شايفك اعلى مني اهو مش هيعمل كده لان هو مش واعي اصلا للنقطه دي فيه هو بيعمل ليه كده يعني رفقا بنفسك انك تتخلصي من الاسئله مهما دورتي جواكي مش هتوصلي للاجابتها ومهما حاولتي توصلي لاجابه من الشخص مش هتوصلي برده وابدئي كملي حياتك وانت شايفه نفسك فعلا لوحدك واقفه على ارض ثابته والارض الثابته دي هو انك ما كنتيش تستحقي الوضع اللي كنت فيه ده وتستحقي وضع افضل تستحقي شخص يعاملك بطريقه اللي تديكي قيمتك.
تم النشر السبت، ٢٥ مايو ٢٠٢٤
السلام عليك يا عزيزتي لما تمري بفترة صعبة ومشاكل كتير، الواحد بيرجع يفكر ويحس بالتوتر والقلق ودا طبيعي جدًا. أول حاجة لازم تعمليها هي تتعاملي مع مشاعرك بطريقة صحية. جربي تحدهم في يوم بالكتابة أو التأمل. وخلي مزاجك يتحسن باها. وعلى فكرة، حبيبك اللي بيبقى حاططك في مكانة زعلك منه، ما ليه مكان بحياتك بعد كده، انتي تستحقي حد يحترمك ويقدرك كما أنتي. لا تقولي بيقرف أو بشاغل منك، ده كلام زايف وإن شاء الله تلاقي الطريق للأمام وترجعي تستمتعي بالدراسة وبحياتك تاني. دعواتي لك بالنجاح والقوة 💪🌸
تم النشر السبت، ٢٥ مايو ٢٠٢٤
لعرض السؤال في فدني اضغط هنا