لقد تعرضت للخيانة من زوجي، من أربع سنوات مع زميله له في العمل واستمرت العلاقة مابينهما سنوات وكنت اشك وزواجه وينكر لحد ما عملت برنامج تسجيل مكالمات واكتشفت خيانته واعتذر ورفض الطلاق ووعد انه ما هيكررها تانى
وبعد شهر هى انتقلت الى مكان آخر بس رغمآ عنها وليس بمزاجها هذا كله من أربع سنين اكتشفت من أيام إنه كلمها مكالمة طويلة ولما واجهته أنكر في البداية وبعد ذلك قال عندها مشكلة وكنت بحاول أحلها
طبعا لم أصدقه وانفعلت واستمرينا أيام لم نتعامل ولم يحاول حتى تهدئتي ولا الحديث معي فطلبت منه الطلاق وعندما علم أبي رفض وحاول الصلح بيننا وأنا اضطريت اني اسامح لأن أبي مريض وممنوع من أي حزن أو زعل بس من وقتها وأنا حزينة مفيش ثقة مفيش أمان تعبانة مش عارفة أنام
قولوا لي إيه الحل؟ أعمل ايه نفسيتي مدمرة، وهو الله اعلم لسه بيكلمها والا لا
لما قريت سؤالك مقولتيش انتي معاكي أطفال ولا لاء ..؟! تصرف والدك كان في محله ، و الدك ممكن يكون تعبان جسديا لكن بسم الله ما شاء الله راجل حكيم و عقله راجح شاف كتير في حياته و اتعلم ان الجواز بياخد سنين لكن الطلاق مش محتاج اكتر من ثانية ، القرار الصائب اللي عملتيه انك سمعتي كلامه ، خراب البيوت مش بالساهل فيه رجالة متجوزة و عنيهم فارغة دا اكيد ، و فيه ستات لا تستحي عمل علاقة و لو رومانسية مع رجل متزوج أنتي عارفة الستات اكتر مني ، بس الحاجه المشتركة في خيانة زوجك انها مكانتش هتحصل لولا سعي الطرفين ، لو متأكدة ان الخيانة كانت علي قد شوية مكالمات و حكي و فضفضة بينهم و بين بعض سامحي و انسي و ادعي ربنا ان يعقل و كلميه بالمعروف .. ايوه واجهيه و عرفيه انك عايز تقعدي تناقشي الموضوع ده بالعقل و ان القعدة هتكون بصراحة لو رفض خلاص اما لو وافق عايزك تستجوبيه بس بذكاء اعرفي منه انتي قصرتي في ايه من وجهة نظره او إيه اللي شده ليها ، الرجالة من النوع ده طبيعتهم زي الأطفال اي لعبة ملونة جديدة بتخليه يفكر و يوسوس و بيبقي عايز يرمي القديمة علشان الجديدة فيها حاجه مبهرة بالنسبة ليه ، اعرفي ايه الحاجه دي و وفريها له إنتي في البيت .. يعني اعرفي ايه اللي ملقاهوش عندك و لاقاه عندها حاولي كده ، و هو وسط الكلام هيقع لو حس ان لهجتك مش هجومية ، انا عارف انك مبدئيا معترضة علي الفكرة بس زي ما هيه طلعتك ذكية و سرقته منك لازم تطلعي اذكي و ترجعيه ، خصوصا لو فيه أطفال . كل ده لو الخيانة محصلش فيه علاقة حميمة ، اما لو حصل .. مشاكلك ابعد شوية من كده ، لازم الأول تتطمني علي نفسك بانك تروحي تعملي تحليل فيروسات مفهوم طبعا ، و بعدها لازم تعرفي جوزك واقع منه ايه .. مش بيصلي مثلا ، بيشرب حاجه ، العلاقة الحميمة بينكم عادي ولا بيعاني من ضعف او انتي بتضغطي عليه ، محصلش انجاب مثلا ، ولا كل ده مش موجود و هو نفسه مفتوحة بصفة عامة علي الستات .! بيتك مسئوليتك .. البيت و الأسرة عاملين زي كأنه فاتحه محل وسط سوق كله محلات و فيه ناس بتحاول تسيطر علي محلك ده او تسرقه او تقفله .. محدش بيسيب اكل عيشه بالساهل علشان اول مصيبة .. لازم تبذلي مجهود شوية و تعرفي المشكلة فين و تتعالج ازاي ، مش هيحصل ده لو كل طرف منكم قرر انه صاحب حق و رفع أنفه لفوق في شموخ و قرر ميتكلمش مع الطرف التاني . احيانا بتبقي مراهقة متأخرة في حياة الراجل علشان يحس بجو المغامرة و يعيش مشاعر محصلتش في جوازته او حس انه كبر في السن و عايز يعيش الشقاوة شوية .. بيحصل .. زي ما انتي واسعة الحيلة و ركبتي له برنامج تسجيل مكالمات لازم تعرفي بالظبط ليه عمل كده و هي فيها ايه بتوفره زيادة عنك . دا لو فيه أطفال عندكم ، اما لو مفيش فده كله بيحصل بسبب شعوره بالفراغ و الموضوع ده ممكن يكون سبب رئيسي . و بالتوفيق ان شاء اللله .
تم النشر الأربعاء، ٢٧ نوفمبر ٢٠٢٤
اللى واجب تعمليه انك تحافظى على حقك فى زوجك وسنين عمرك اللى معاه زوجك اكيد فيه مميزات وحياتكم فيها توافق ولكن للاسف عنده ضعف فى الوقوع فى الخطأ ده هو غرقه فى الخطأ الاخير خلاه مكسوف من انه يعمل اى حاجة صح بعدها الرجال عموما لما الامر بينتهى بان شخص يصلح بينكم بيعتبروا ان الامر انتهى اللى شايفه انه هيرضيكى اطلبيه بكل اريحيه
تم النشر الثلاثاء، ٢٦ نوفمبر ٢٠٢٤
عزيزتي، أنا أشعر بما تمرين به وأتفهم حجم الألم والمعاناة الناجمة عن خيانة زوجك. الخيانة هي واحدة من أصعب التجارب التي يمكن للمرأة أن تمر بها، خاصة عندما تكونين قد حاولت منح زوجك فرصة ثانية. من الواضح أنك تحملين مشاعر مختلطة من الألم وعدم الثقة والحزن، وهذا أمر طبيعي جداً. إليك بعض الخطوات التي يمكنك أن تقومي بها لتحسين وضعك: التفكير في مشاعرك : خذي بعض الوقت لتفكري في مشاعرك بشكل عميق. هل أنت قادرة على التصالح مع ما حدث؟ هل تفضلين الاستمرار في هذه العلاقة أم التفكير في المستقبل بشكل مختلف؟ التواصل مع زوجك : من المهم أن تتحدثي مع زوجك بصراحة عن مشاعرك. يمكن أن يساعد الحوار المفتوح في معرفة كيف يشعر هو أيضًا وكيف يمكنكم العمل معًا لتحسين العلاقة. استشارة مختص : ربما تكون الاستعانة بمعالج نفسي متخصص فكرة جيدة. يمكن لذلك أن يساعدك على معالجة مشاعرك بشكل سليم ومساعدتك في اتخاذ القرار الأنسب لحياتك. تركيز على نفسك : حاولي إيجاد أنشطة تسعدك وتساعدك على تحسين حالتك النفسية، مثل القراءة أو الهوايات التي تحبينها أو قضاء الوقت مع الأصدقاء. فكر في خياراتك : إذا استمر زوجك في الخيانة أو إذا كانت علاقتكما غير صحية، فكر في الخيارات المتاحة أمامك. هل التماس الطلاق هو الحل الأفضل بالنسبة لك؟ تذكري أن العيش في حالة من عدم الثقة والقلق لن يؤدي إلا لمزيد من الألم. أريدك أن تتذكري أنك تستحقين السعادة والراحة النفسية. حاولي أن تضعين نفسك في مقدمة أولوياتك وأن تفكري بما هو الأفضل لصحتك النفسية والجسدية. كوني قوية واثقة، وتذكري أن الحياة مليئة بالفرص وبإمكانك إعادة بناء حياتك بطريقة تعكس قيمتك الذاتية.
تم النشر الاثنين، ٢٥ نوفمبر ٢٠٢٤
حاولى تعرفى السبب ان زوجك نظر الى واحدة اخرى ..غالبا الرجل ينظر خارجا لكثرة المشاكل او عدم اهتمامك بنفسك او عدم التغيير او انك مدلوقة عليه زيادع عن اللازم اعرفى السبب وغيريه وهتلاقيه هيعرف الكنز اللى عنده وهيبعد عنها لوحده
تم النشر الثلاثاء، ٢٦ نوفمبر ٢٠٢٤
ادعيله حضرتك باستمرار بالهدايه ومينفعش انك تطلبى الطلاق لان الطلاق ده خراب بيوت وخصوصا لو عندكم اولا ربنا يهديه
تم النشر الأربعاء، ٢٧ نوفمبر ٢٠٢٤
بصي، الموضوع صعب جدًا وأنا حاسة بوجعك، بس أهم حاجة دلوقتي إنك تركزي على نفسك وعلى راحتك النفسية. 1. ادي لنفسك وقت تهدي وتفكري: طبيعي تحسي بحزن وزعل، بس ما تسيبيش المشاعر دي تتحكم في حياتك. 2. تكلمي مع حد تثقي فيه أو مختص نفسي: ممكن حد يسمعك ويوجهك في اتخاذ القرار الصح اللي يحمي كرامتك وراحتك. 3. فكري في نفسك وكرامتك: لو الشخص ده ما اتغيرش بعد كل اللي حصل، هل فعلاً تستحقي تكملي معاه؟ فكري لو وجوده في حياتك بيفيدك ولا بيدمرك. باختصار: ما تضغطيش على نفسك علشان أي حد، ولو مش عارفة تاخدي قرار دلوقتي، خلي الأولوية إنك تريحي نفسك وتبعدي عن أي حاجة توترك.
تم النشر الثلاثاء، ٢٦ نوفمبر ٢٠٢٤
ربنا يهديه
تم النشر الثلاثاء، ٢٦ نوفمبر ٢٠٢٤
لعرض السؤال في فدني اضغط هنا