السلام عليكم ورحمة الله وبركاته
هو طبيعي انه يبقي عندي 26 سنة وعمر ما حد اتقدملي ولا حد يعجب بيا حتي محستش الشعور دا قبل كدا انا اهه شكلي صغير وكأني طفلة ف اعدادي بقنع نفسي انه دا السبب بس فعلا الموضوع مأرقني كل اللي حواليا بيتجوزوا وبيتخطبوا ويحبوا ويتحبوا الا انا
انا مش معترضة والله الحمد لله بس حبيت افضفض
السلام عليكم ورحمة الله وبركاته، مرحبًا بكِ، أرجو من الله أن يريح بالكِ ويرزقكِ السعادة من حيث لا تحتسبين إن شاء الله. دعيني أخبركِ أنّه لا علاقة بين إن هناك أشخاص يتقدمون لخطبتكِ أو لا بوجود مشكلة ما تسبب عدم إعجابهم بكِ. ولا يلزم أبدًا إنكِ إذا خرجتِ عن الإطار المحيط بكِ أو تأخرتِ قليلًا أن يكون هذا داعيًا لقلقكِ أو للشعور بوجود مشكلة أو عيب فيكِ. بل ثقي في نفسكِ دائمًا ولا تستسلمي لوسوسات الشيطان. الزواج رزق ونصيب وله وقته المناسب المكتوب في قدركِ، وهو محطة من محطة حياتكِ، ليس قطارًا كما يصر المجتمع أن يحوله فلو فات البنت فقد انتهت حياتها، بل حياتكِ كلها هي القطار وأنتِ تمرين على المحطات وكل محطة تأتي في وقتها المناسب. لا تتعلقي بالزواج نفسه كأنه الهدف من حياتكِ ووجودكِ ولا تحوليه إلى شيء مركزي تنشغلين بوقت حدوثه ولماذا تأخر ولماذا البقية يتزوجون وأنا لا. عيشي حياتكِ وانجحي وعززي شخصيتكِ واملأي وقتكِ بكل ما ينفعكِ وعندما يأتي الزواج في وقته المقدر تكونين قد كونتِ شخصية قوية، تعرف ما لها وما عليها وتستطيع اختيار شريك حياتها الذي سيسعدان معًا وتكونين قادرة على إنشاء أسرة صالحة وأبناء تعرفين كيف تخرجينهم أسوياء نفسيًا، صالحين ومؤثرين في المجتمع.
تم النشر الأربعاء، ٢٦ يونيو ٢٠٢٤
كل واحد وليه نصيبه نصيبك لسه مجاش ممكن ربنا يعوضك بصبرك بشخص كويس يراعي ربنا فيكى فى بنات قد كده بيتقدمولها بدرى واتجوز وعيشتها مش احسن حاجة وفى مشاكل لسه ربنا مش شايف الشخص إلى ينفعك شيلك حاجة احسن بيختبر صبرك ويكفأك انتى اه متوترة بسبب سنك بس مش بالسن ربنا شيلك نصيبك فى الوقت المناسب والشخص الصح وصلى وقربى من ربنا
تم النشر الأربعاء، ٢٦ يونيو ٢٠٢٤
لا والله مالوش علاقه بالسن ابدا ده نصيب وهيجيلك لحد عندك انا صاحبتي وصل عمرها ٢٩ سنه وماكنش في حد بيتقدملها وفي يوم جالها حد واتقدملها واتجوزت ف اقل من سنه ومشاء الله عليهم ولا كأنهم كانو يعرفو بعض من سنين واحلا قصه حب بجد فامتفكريش اصلا
تم النشر الأربعاء، ٢٦ يونيو ٢٠٢٤
علفكرة موضوع الجواز دا مسألة نصيب و وقت و اهم حاجة فحياتك بصي علي الناس اللي بيتجوزو و ينفصلو بعد شهور و سنة او اتنين فالموضوع دا لازم تختاريه صح و تستني و بالنسبة لموضوع الاعجاب دا انتي مش هتعرفي ان حد معجب بيكي او لا علفكرة في شباب كتير بتعجب بحد و هتموت و تكلم الشخص دا بس بتخاف لو الشخص دا يروح او يزعل وفي شباب معندهاش الجرأة تقول رأيها ف متقلقيش كل الناس حلوة و كل الناس ربنا مميزها وكل الناس عندها قدر من الجمال متوزع بالتساوي و هتلاقي اللي يفرحك و يبقا احسن حظ فحياتك
تم النشر الخميس، ٢٧ يونيو ٢٠٢٤
وعليكم السلام ورحمة الله وبركاته، أهلًا بيك، ويا رب تكوني بخير. أول حاجة بأحب أقولها ليكِ، إن مش كل حاجة في الحياة بتمشي زي ما إحنا بنخطط ليها أو زي ما بنشوف الناس حواليّنا بيعملوا. مش معنى إنك لسة مفيش حد اتقدملك إنّك مش محبوبة أو مش مرغوبة، دا مجرد توقيت وأحيانًا بيكون في خير إنتِ مش شايفاه دلوقتي. ممكن تكوني لسة ما قابلتيش الشخص الصح اللي حيقدّر كل جمالك الداخلي والخارجي. كمان، فكرة إن شكلك صغير زي طفلة دي ممكن تكون ميزة حلوة في المستقبل، الناس كلها بتتمنى يحافظوا على شبابهم وصحتهم. دلوقتي، حاولي تشتغلي على سعادتك الشخصية. إنتِ كمالية بطبيعتك وعندك أهداف وطموحات كتير بعيد عن الزواج. ممكن تعملي حاجة جديدة في حياتك، زي هواية جديدة، تطوعي في مكان بتحبيه، أو تطوير مهاراتك المهنية. وأهم حاجة، خدي الأمور ببساطة واستمتعي بالحياة من غير ما تحطي ضغط زيادة على نفسك. كل حاجة حتجي في وقتها الصح، وإن شاء الله ربنا حيكرمك بالشخص الصح اللي حيبقى عون وسند ليكِ في الحياة. ربنا يوفقك ويسعدك دايماً 💖
تم النشر الأربعاء، ٢٦ يونيو ٢٠٢٤
طبيعي الزواج قسما ونصيب وكله بمعاد وحتي ياذن الله بذالك لا تقلقي استمر في الصلاة و الدعاء وان شاءلله ربنا يرزقك بزوج صالح
تم النشر الأربعاء، ٢٦ يونيو ٢٠٢٤
لعرض السؤال في فدني اضغط هنا